欠交功課定義

KEKELAMLAM

小女小一, 學校每2個月結算一次, 欠5次oral warning, 7次老師跟進等等..
今個月新結算期, 但近日班主任的欠交定義令我有點不安, 昨天小女交某功課時不小心夾了另一份功課交俾班主任, 所以當交某功課時當然無得交, 但我好肯定小女是有做兼有帶回校, 而小女發現不能交某功課時同班主任解釋錯夾在另一份功課內, 可否拿回??? 但班主任是"不可以了, 不能即時交該功課便作~欠交, 即使拎回都唔可以", 並寫手冊"欠交"。 我明白及理解班主任上堂前的班務時間很少,亦唔想因呢d 煩瑣行為而拖延正常上課時間, 而小女在上月亦試過這個情況, 結果留字條請該科老師查証才取消番"欠交", 今次我亦會留字條俾該科老師查証一下, 不過班主任咁嘅回覆令我覺得"咪好易隨時滿要warning ??", 我小女坐第一個位, 要處理埋後面同學仔功課一齊交, 我亦知道小女較粗心大意, 此事我亦指導佢要交前要查看清楚, 甚至做任何事都要著眼一下。初為小一家長本人都仍學習中, 依家的老師一般係咪都咁處理呢??? 呻完.....

aminafy

我都遇到過類似情況，唯有叫囡囡小心D， 都算係一個學習過程。

kenwong888

KEKELAMLAM 發表於 14-11-14 10:18
小女小一, 學校每2個月結算一次, 欠5次oral warning, 7次老師跟進等等..
今個月新結算期, 但近日班主任的欠 ...

The teacher doing so is not wrong, but he / she is cold-blooded and does not have sympathy!

小小小孩子

UM.....其實我覺得老師咁做都正確架....等小朋友知道同記得下一次一定要小心..唔好再夾錯...因為如果每一次夾錯..老師同佢查証返又可以取消欠交....咁對個小朋友既阻嚇作用會減低左...個小朋友會覺得..車~我夾錯之嘛..搵返老師咪唔當我欠囉,好小事啫.....咁佢下次就唔會當係咩一回事...以後都會咁粗心大意
但如果佢夾錯左...就算老師查証搵返...都唔會取消欠交...反而對個小朋友有幫助...因個小朋友知道...咦?!原來我夾錯左就算搵返再即日交都要當欠交架喎....咁佢就會以後小心D同埋會細心檢查自己D野先交啦

其實兩個月7次機會已經好多啦...老師都只係跟進..又唔係話要記過...咁我覺得唔係咩大問題,我仔都係一年級...開學到而家都兩個幾月....都係欠過2次(一次仲要係佢自己發雞盲搵唔到無交到)....咁你話如果個小朋友自己做每件事都能夠上心同小心,7次其實係咪好多機會?

Yanamami

慣常做法吖！就算大頭蝦塞左入書包眼大睇过龙無攞出黎交而事後揾番出黎都當欠交㗎~

KEKELAMLAM

睇完大家諗法, 解開了不安感覺了... thank you thank you...

kenwong888

小小小孩子 發表於 14-11-14 11:09
UM.....其實我覺得老師咁做都正確架....等小朋友知道同記得下一次一定要小心..唔好再夾錯...因為如果每一次 ...

But the conduct definitely downgraded from A to B la!
You can accept this right?

Yanamami

我地间小学好，可以將功補过｡欠交欠带自然要扣，但專心上課、果个月無欠交欠带、功課做得好又有得加，年尾結算。

Jane1983

如果欠交吾會搞到操行降分，咁當比個機會小朋友學習。

6歲人仔，初開學有d甩漏都正常，在過程中會學乖學叻！

daisy17772

I don't worry this as long as teacher explains in advance clearly about the new definition.  I think this is to train up the girls to be very cautious when handing in hwk.

I am very much angry when my girl's exercises book has been mistakenly kept by other girl in front of her.  That girl has been reminded couple of times to check if she kept other girl's exercises but so often she didn't find it out immediately, and then she gave it back to my girl a week later.  That makes her delay in handing in.  So frustrated with messy girls.

小小小孩子

我自己個人睇法...就算因為欠交而降低操行...都係小朋友自己責任
到小學其實好應該好好比佢地培養返責任感同做事要小心
家長可以放手比佢地自己去嘗試成功同失敗...
如果真係操行低左...可以同佢地講返低既原因...叫佢地下次小心D啦~
做返好下次就會高分架啦...
咁佢地印象會深刻D...做返好...操行自己高返...佢地睇到自己努力既成果都會好開心同好有自信^^

hkpapa852

KEKELAMLAM 發表於 14-11-14 10:18
小女小一, 學校每2個月結算一次, 欠5次oral warning, 7次老師跟進等等..
今個月新結算期, 但近日班主任的欠 ...

雖然老師有點不近人情，但規舉就是規舉，要小朋友學會如何避免犯錯也是很重要。話時話，2個月有咁多次，似乎有D問題喎。

mch411

簽簽下就慣, 唔使緊張

little_yolky

小小小孩子 發表於 14-11-14 11:09
UM.....其實我覺得老師咁做都正確架....等小朋友知道同記得下一次一定要小心..唔好再夾錯...因為如果每一次 ...

唔.....其實小朋友都唔會咁的。你要同佢解釋一下, 嗱, 老師鬼咁多嘢做, 仲要同你搵大頭蝦夾錯咗既功課, 令老師百上加斤, 係好唔啱架。我哋要做好自己, 等老師少啲麻煩, 咪可以有多啲時間幫更有需要既同學囉, 係咪? 我會同佢咁講, 等佢自己反省, 自己改善。

kerkermui

mch411 發表於 14-11-14 14:07
簽簽下就慣, 唔使緊張

係呀~
有次嬲嬲地，回老師個"欠交功課"  : 當天經已提回學校，在家裡找不到習作！
你想我點？唔該學校嘅事，就响學校解決！

就算要見家長都係咁話，錯不在我，好多時係學校裡面混亂間發生嘅誤會，無需太認真！

Yanamami

kerkermui 發表於 14-11-14 17:22
係呀~
有次嬲嬲地，回老師個"欠交功課"  : 當天經已提回學校，在家裡找不到習作！
你想我點？唔該學校嘅事 ...

揾唔到习作我会寫手册“備案”先，可以用紙做就做左先，做唔到都同老師單声先，禁就唔當欠交｡

kerkermui

Yanamami 發表於 14-11-14 17:28
揾唔到习作我会寫手册“備案”先，可以用紙做就做左先，做唔到都同老師單声先，禁就唔當欠交｡ ...

有時，係阿仔响交功課時揾唔到先慘！但明明响功課袋裡面！

試得多，真係無咁好氣！

KEKELAMLAM

回覆 kerkermui 的帖子

咪係,啱啱再睇欠交的處分，去到15次會記缺點，學校真係嚴正重視呢様嘢

小玲

原帖由 mch411 於 14-11-14 發表
簽簽下就慣, 唔使緊張

是的。責任應該交返比小朋友，事事要我們家長參與和操心，我們真的會好唔得閒。

dorothywing

KEKELAMLAM 發表於 14-11-15 00:31
回覆 kerkermui 的帖子

咪係,啱啱再睇欠交的處分，去到15次會記缺點，學校真係嚴正重視呢様嘢 ...

我小朋友果間重顛，一個月欠交五日記缺點。我覺得對剛上小一的家長會很大壓力！
每個小朋友的自理能力不同，幼稚園時訓練又有不同！用記缺點方法，似是懲罰家長多D！過份！