小一比人蝦？

fattigerbb

開學到依家先兩個月，我女話個女班長成日整佢為樂，佢話班長好醒目，通常冇老師同風紀响度就蝦佢架喇，班長仲同我女講，佢係班長，大哂嘅。😨

請問我應該同班主任講嗎？（但我又唔想為呢啲嘢打攪班主任），我應該點做好

wister

孩子升左上小學，可以教佢自己嘗試下處理問題先，作為父母可以問清楚事情嘅來龍去脈，然後教佢應對方法，例如教她如何向班長清楚表示不喜歡女班長那樣的做法和態度，因為作為班長，老師的小幫手應該是照顧和幫助同學，而非有特權去做不該的事。 如情況無改善，可教女兒有禮貌地向老師反映，以免老師誤會。若然最後仍解決不了，家長可打電話返學校，問問班主任了解情況。有時事情並非我地想像中嘅壞嘅。 不過我覺得我地家長應信任學校，同埋教導仔女嘗試自己先去解決問題。如果我地下下幫佢地解決，孩子會好依賴我地，永遠長不大，甚至可能令佢地以為每次有狀況父母就會幫忙，形成壞習慣。祝你地早日解決問題呀

puppyning

當然要好好咁教咗自己小朋友點樣去保護自己先~
而班主任果方面, 我覺得都係要打去問下佢, 因佢都要好好咁教導班長知道佢地的職責係協助其他同學~而唔係高人一等~有啲野可能唔係老師面前做, 老師同樣會知~~話比老師知, 等老師留意下~~
做哩樣野, 唔單可幫自己的小朋友, 其實連班長都可以改番好, 如果小一已經咁, 大大下咁點算呀, 防止學校欺凌要從小做好~

希望你小朋友有個開心的小學生活~

puppyning

我小朋友岩岩升上小一, 情緒方面唔係咁好, 我都有打電話比老師~老師都會抽時間同我女女傾下計, 開解下佢~

其實我女女小一同小二同係班長, 當然老師好清楚咁話比佢知佢的職責~~
係幫助老師, 協助同學仔~~

放心~~基真老師係有好好咁教導的~~只係可能一班廿幾人, 未必樣樣可即時觀察到, 多D同老師溝通下, 老師好樂意幫助我地~

batmanhn

我囡囡讀小二 上放學的興趣班時 比高年班男仔蝦(打)心痛死 佢又無即時告發 佢還幫口話比多次機會人😧
我教佢下一次上堂再遇到咁既事 一定要第一時間話比
當席老師知 希望懂得保護自己

mingmama

原帖由 batmanhn 於 14-10-27 發表
我囡囡讀小二 上放學的興趣班時 比高年班男仔蝦(打)心痛死 佢又無即時告發 佢還幫口話比多次機會人&#128551 ...

請問上咩興趣班呢？

batmanhn

回覆 mingmama 的帖子

管樂班

ashellyromii

回覆 fattigerbb 的帖子

如果囡囡都係解決唔到, 要話俾班主任知, 班主任會留意同跟進嘅!

mingmama

原帖由 ashellyromii 於 14-10-28 發表
回覆 fattigerbb 的帖子

如果囡囡都係解決唔到, 要話俾班主任知, 班主任會留意同跟進嘅! ...

如果係上管樂發生～可以同ms siu講咗情況先

WinnieCarlos

其實除咗同班主任講 (老師要教學又真係好忙)，亦可以找學校社工張姑娘。
張姑娘好好人跟得非常好。我仔以前小一開學時適應唔到問題多多，全靠張姑娘幫手。

11B

原帖由 fattigerbb 於 14-10-26 發表
開學到依家先兩個月，我女話個女班長成日整佢為樂，佢話班長好醒目，通常冇老師同風紀响度就蝦佢架喇，班長 ...

轉校啦！原來欺凌係呢間學校嘅特色。

secretrose

原帖由 11B 於 15-07-24 發表
轉校啦！原來欺凌係呢間學校嘅特色。

班長都咁衰？

hermitcrab

原帖由 11B 於 15-07-24 發表
轉校啦！原來欺凌係呢間學校嘅特色。

reneemissingham

欺凌文化.....

快 d 轉走唔好讀 九流學校......