10.5個月BB

Littlecatta2013

B仔，10.5個月

1. 識發爸、媽音同埋一連串bb話，但唔係對住我講，冇特定對象，自言自語咁
2. 有短暫記憶，會搵到被收藏的物件(如cushion下)
3. 識得手指指，佢需要但又攞唔到時會指住我、安撫物、奶樽、飯碗，圖書、玩具、入廚房、出廳等﹐指時多數會同時會發出"呀"的一聲
4. 看到飯碗會知道裏面的東西是食物，雖然佢未食過，但俾佢佢識自己放入口食
5. 唔識做任何指令動作，不會拍手、hello、bye bye、give me five、飛吻等(give me five 叫20次先有一次好hea咁伸隻手掌出黎)，教極都唔識，一教佢佢一係縮手，一係一臉傻氣唔知發生咩事，一係周圍望
6. 叫佢俾野我但唔識，但人地搶走佢手中玩具佢會喊，想食佢手裏食物佢會九秒九放入自己口食，唔係俾我食
7. 唔識玩電話(放響耳聽)、煮飯仔、梳頭之類
8. 專注力甚低，玩乜都3分鐘熱度，成日周圍望，想教佢野成日周圍望唔望我或者爬走左，周圍搞野﹐好難專心教佢野
9. 鐘意玩手錶、手機、電線、拖鞋、膠盒、奶粉罐、鎖匙包、拍枱等，唔鐘意玩bb玩具
10. 屋企有隻大公仔佢都幾鐘意，有時佢遠離見到，會九秒九爬去個公仔度拍下同拱埋去，玩唔夠一分鐘又走左去
11. 我嗌bb名字佢冇反應
12. 我唔知同佢算唔算有眼神接觸，因為佢多數都好分心，不過佢會留意我去左邊，有時都痴身，我行開佢就喊或者爬黎搵我，我煮飯佢坐響high chair冇玩具&走唔甩時會望向我
13. 我地扮鬼臉佢鐘意睇，會笑

他的聽覺是沒有問題的，我的手機鈴聲響佢會轉向聲源

佢好似唔識模仿又唔識聽指令咁，成日好驚佢自閉

legolas625

太細，叫多D名，同佢玩多D，講多D野

Littlecatta2013

我真係好擔心，
阿仔好似自己顧自己玩咁，我玩緊佢一樣野佢只係遠望我，冇意識同我一齊玩咁

nownow

輕鬆些媽咪，太细了，

mandytanghk

放鬆啲，好多BB都係咁架，10個月好細架。

lavender_baby

我啊B同你啊B特徵有9成似，我都好擔心，教佢拍拍手，示範俾佢睇、捉住佢手黎拍，教咗個幾月都仲係唔識，而家就黎一歲，見到風扇轉會望實，又會係咁轉玩具個碌

Me_lala

唔使擔心呀，聽你講都唔似，佢識得手指指。
而且最緊要有eye contact

mamahahaha

你都好呀, 我BB 就黎1歲, 佢唔識手指指....比本書佢佢會指書上面GE圖畫, 唔會指遠GE野, 更唔會指自己需要的東西....=.=

Littlecatta2013

而家快11.5個月，上星期99同阿B唱歌拍手，阿B就跟住佢拍手，我教左幾百次都唔得，99一次就得，之後佢拍手都係睇心情但呢幾日鐘意FING手，好驚，聽講FING手係自閉徵狀一種

仲係未識同人拜拜、HELLO、BYEBYE之類

EYE CONTACT方面，佢有時會望我，有時會發吽斗發呆咁款，嗌佢名都係10次先應1-2次o個種

我玩緊佢d玩具時佢有時會坐響我隔離睇住我，叫佢俾手中玩具我佢會大力推開我手，唔肯俾我

係咪我唔識同佢玩呢

ka-sandra

如果擔心，叫健康院醫生轉介去cac做評估。反正都要排至少半年或以上先可以評。

hilzarie

我都好擔心啊，bb又係10個半月

一直都係人都比抱同跟，一唔係屋企永遠都唔肯望人，甚至撥開係bb前面既人，望好遠既野，搭lift坐地鐵永遠看走字牌同exit sign,影相望鏡頭，甚至想攞。

怕突然嘈既環境，亦都無耐性，抱住只要唔係行緊就鍾意碌來碌去，如果有星星餅同玩具就好少少。唔鍾意就大叫。有時好緊張雙手會震曬。

係屋企就會好少少，至少叫會應下，笑下，訓係度就仲好，眼神接觸會好好多。

未識手指指，有bb話唔算好多，未算識byebye,但隻手會定同埋望著隻手(去街就唔會)，識拍手，但係有時係又拍唔係又拍。玩玩具成日淨係識講兩件玩具對拍，唔識玩

究竟bb有沒有問題呢！我好擔心。因為bb5個幾月手做過手術，6個月未識攞野，但不停比玩具後，7個幾月都識，識爬，扶野企同坐，有時臨訓要自己趴轉搖一陣先訓。

希望我都係太緊張，但係都真係好擔心。。

Littlecatta2013

BB仲有10日就1歲，忽冷忽熱，

依然係眼神接觸差(響大床/BB床玩會好D)，眼神好飄，叫佢唔會應﹐唔識聽指令，感覺認知、語言差，教佢野唔會專心，唔望你，唔想跟，

番育嬰園會跟其他BB一齊拍手、講BB話，但番到屋企好似聾左咁，其他動作如HI, BYEBYE等及其他模仿假想都仲係唔識，唔會玩死一樣野，

識玩躲貓貓，玩到卡卡笑。玩玩下會對我笑，繼續手指指，攞唔岩會指到你攞岩為止，會指遠野，

黎緊會番健康院會要求姑娘轉介，同埋會去協康會做個初步評估

hilzarie

真係同你情況好似，但我bb識拍手，但唔識手指指。可否update你情況？好想知應該點做

Littlecatta2013

回覆 hilzarie 的帖子

我仔岩岩踏入一歲(其實佢36WK+出世，如果計矯正年齡，佢得11個月大多少少)，動作方面只係識拍手，但唔係次次會跟你拍，有時佢會無啦啦響度拍，佢理解唔到講個拍字佢就要跟住拍(不過一時時)，只係佢見到你拍，佢睇心情黎跟住做
唔鐘意人地捉佢手教佢做動作，
佢仲未識HELLO, BYE BYE，叫佢同樓下看更打招呼，當人冇到(我地都係)，有時只係指住出面示意要去街
問佢燈橙、波波、奶奶響邊，有時指到，有時當你冇到，會主動指出自己需要或見到遠方有咩得意野，
佢去到邊都冇乜特別唔LIKE，係大家食飯得耐冇耐性要出去周圍睇野，
識怕生保，人地抱會喊，但好快適應，響屋企好痴身，我番到到屋企佢好開心，周不時主動搵我，
仲未自己企到，成日扭抱，
出街陌生人"了"佢佢都有反應，會笑，會出手搞人，係唔識同人打招呼，
叫佢俾佢手中玩具我仲係唔SHOW我，但俾舊廁紙/紙張/垃圾佢，叫佢掉，識得放手擺入垃圾桶，搭地鐵識得"嘟"八達通，我攞起搖控識望向電視，識分邊D係食物，俾佢佢識攞住放入口，俾個杯佢佢識DUP低頭飲，但唔識聽個杯, MUM MUM呢D字，
未識講爸爸媽媽，只係發冇意識爸、啦、丫、娃等等音
有時佢發脾氣喊，我鬧番佢，佢會眼定定收聲望住我之後發出"丫"的一聲，好似話番我轉頭咁，
呢排陪多左佢(唔係齋望住佢玩，要捉佢手仔一齊做)，乜鬼都俾佢做俾佢試，帶多左佢出街，乜鬼都講，嗌佢名反應好左，可能覺得一嗌佢佢覺得有著數，有野玩有野望掛，
覺得佢大膽左，出街指住花示意佢摸下，佢會摸，
同佢講野有時會望你，有時唔SHOW你，有時會主動望人講野，

其實我不得不承認自己係唔識教同湊佢，而且佢實在好少同人互動(連父母都係)，我地兩公婆都番工，放左工都冇乜精力陪佢玩/傾計，只係照顧佢起居飲食

我相信我仔係發展慢，自唔自閉仲未知(因為年紀仲細)，月尾應該會去協康會做評估，睇下係咪發展遲緩

hilzarie

我個b今日11個月大，同你講既接近一樣，但係仲未識手指指，完全唔識模仿，好擔心。

希望bb只係delay，追得番，大家一齊加油