男拔女拔佔中 (左丁山)

elbar

反佔中老友傳來一篇：「你們已經是神了，還爭取什麼？」話係轉貼，原文出自李純恩，李純恩邊會得閒寫呢啲嘢呀，即刻傳去俾李純恩睇，笑佢不如將李純恩三隻字註冊專利，免被盜用。李純恩即刻回覆否認佢係作者，大駡幾句。啲親建制派反佔中派人士又真係奇，點解不時冒名出文章呀，沈祖堯又冒，李純恩又冒，加上一連串之說教文字（例如阿爸教仔講佔中，阿媽教女講佔中，警員心聲，港人吐真言等等諸如此類），文字確實寫得唔錯，亦有心思，但最弊就係冒名人名字出之，或完全不敢具名，都唔知怕乜。大概係香港左派圈子好有錢，養埋一個寫作班子，成員要交作文功課都唔定。但在今天網絡世界，不敢具名據理力爭，只係鬼鬼祟祟咁冒用李純恩之名，絕對弄巧反拙嘅啫。

昨日講世代鴻溝，例子多得很，最顯著嘅係尖沙嘴聖瑪利書院有千二名校友學生在網上聯署反駁大師姐羅范椒芬，又有大量男拔萃女拔萃校友學生在蘋果日報（十月四日）刊登全版署名廣告支持學生和平爭取民主自由，學生佔中，好多人或者唔多留意，左丁山就覺得係大件事，男拔女拔喎，香港精英中學也，歷年盛產學生尖子，社會不少名人、專業精英皆來自男拔女拔，兩間學校可在短短幾日內，收集過千名字，有老有幼，最細嘅係今年中一學生，刊登廣告支持佔中，好唔簡單，銀紙當然係次要，男女拔學生拎得出嘅，令特區政府震驚也者，就係下一代精英如此反政府，佢地大學畢業之後，多數成為社會棟樑，各個專業嘅重要人物，三十幾年後，香港係佢地嘅世界（即2047之後），中國即使到時廢除一國兩制，將香港變成中央直轄市，面對呢班自細反叛嘅精英，如何對付？唔通特區政府以後集中聘用香島、培僑、福建呢類中學嘅畢業生嚟反壓男拔女拔、聖瑪利、喇沙等？會輸蝕晒噃，不如咁嘞，快快將英皇、皇仁、庇理羅士、伊利沙伯等官立中學轉化成香島、培僑或愛國學校啦！世事幾奇，昔年港英實施甚麼「奴化教育」，卻為港大、中大提供咗大量民主回歸派嘅愛國大學生。回歸後，特區政府力推母語教學教育改革，就竟然為所有大專院校供應「反中亂港」嘅大學生！中國一窮二白、民不聊生時，香港大學生親共。中國成為世界第二大經濟體系、中國遊客征服世界之時，香港大學生竟然反共。北京嘅理論家，如何解答？


左丁山                                                                                                                                                                                                                        

Yanamami

左，你過慮了。將來是新精英港人的世界，港人精英如何不屑、如何反都變得不重要了。所有位置自然有新港人填上，正中下懷，真正回歸。有看一篇FB的post，說港人跟警察對立，如果無人做警察，HK會變成點？又是過[size=14.3999996185303px]慮了，最多調派真正的公安黎治港，點會無警察？Oh，名稱不同罷~~中央總是對HK照顧周到的。

KITTY.WONG

我相信未來數年那些名校的父母更加會送子女去外地留學，以免在這四年大學生活完全沉醉於示威和擺課。

ANChan59

KITTY.WONG 發表於 14-10-12 22:37
我相信未來數年那些名校的父母更加會送子女去外地留學，以免在這四年大學生活完全沉醉於示威和擺課。 ...

你過慮了，一向都有不少出國，留港都是因為一些專業科目或另有計劃。

示威，罷課都可以是好的思考及組織訓練，可能比1st class 更好！

Yanamami

tcmsung 發表於 14-10-13 00:08
梁錦松讀港大時都瞓身搞學運，他一畢業，即入美資銀行受培訓，聽說他是首名港大生受騁美資大行。

學運火 ...

搞學運無所謂，但要睇當時“統治”既“主子”小唔小氣，民唔民主。而家？
俱往矣”~~唔喺而家都唔洗有禁多人棄明投暗啦~

daydayup

Yanamami 發表於 14-10-13 08:15
搞學運無所謂，但要睇當時“統治”既“主子”小唔小氣，民唔民主。而家？
俱往矣”~~唔喺而家都唔洗有禁多 ...

悲哀！

ANChan59

tcmsung 發表於 14-10-13 00:08
梁錦松讀港大時都瞓身搞學運，他一畢業，即入美資銀行受培訓，聽說他是首名港大生受騁美資大行。

學運火 ...

我所見及經驗，都好正面。

October.

ANChan59 發表於 14-10-13 10:05
我所見及經驗，都好正面。

做得領袖，大多有魄力，肯承擔，加上口才了得，在各行各業都比較容易成功。

bbfish1992

那年代攪學運，有理想，有道德

fion6406

ha8mo 發表於 14-10-13 13:33
痴線，跟住豉油党的步伐，群帶關係，代代傳承，看風駛，要舔邊個鞋底就舔邊個，$20一定會睇實個局既，起 ...

咁眾所周知嘅舊生戴生呢？

KITTY.WONG

有冇那份廣告看看?

mansdom

elbar 發表於 14-10-11 12:32
反佔中老友傳來一篇：「你們已經是神了，還爭取什麼？」話係轉貼，原文出自李純恩，李純恩邊會得閒寫呢啲嘢 ...

請問有否蘋果日報當日（即十月四日）刊登的全版署名廣告可從温, 因我遺漏了.

mansdom

yinyin0609 發表於 14-10-13 12:33
不是每一位女拔萃家長和學生都支持的, 我要求我女先做好自己, 就連最基本連功課都攪唔惦, 讀書都未讀好, 唔 ...

在父母眼中教育雖然重要, 但並不是孩子的一切, 是否孩子功課做不好, 書讀不成, 便不用結婚,不用生孩子. 若然孩子有好的學識, 但活在一個不健全不公義的體制内, 妳會開心嗎?妳的孩子兒會甘心嗎? 相信最後妳會盡辨法安排妳的女兒往別處去, 遠離這不義之地.

Yanamami

This one？

http://www.edu-kingdom.com/forum.php?mod=viewthread&tid=2917757&extra=page%3D3