要幫仔仔插小一下學期，頭痛中.....（黄大仙區)

little_yolky

prissyue 發表於 14-10-30 02:24
現會考慮考下學期插班九龍塘基華或新華德！因知道九龍塘基華有保母車來壁屋！但都睇下仔仔考唔考得到！:too ...

要考就考舊果間啦, 升中派位好啲。樓上講果間係新華德。

不過, 你有無調查清楚基華/華德保母車幾點上車? 因為我大埔出九龍城, 尾站6:55上車, 同區小學頭站7:10上車, 差15分鐘而已。保母車因為要轉多兩轉, 接埋幼稚園生, 所以小學好早上車, 唔好到最後得個吉, 瞓多15分鐘。


如果怕婆婆辛苦, 請個工人啦, 又可以幫忙做家務, 又有婆婆睇住, 一舉幾得。如果唔係, 你雖然輪班隔日返屋企, 隔日由你湊返學得唔得? 星期六日俾婆婆放假。因為基華同華德係全日制, 功課都唔係嘢小, 尤其舊華德, 為咗瞓多十零廿分鐘, 谷到暈升中又派唔好, 我都唔知為咗乜。我真係諗唔到黃大仙區有邊間中學可以同皇仁有得fight, 唔係普通一線喎, 係皇仁喎, 考到頭50就有機會入喎, 我個笨豬女都考到啦, 就算41網, 我都剩係覺得只有LS同皇仁有得比(其他校家長唔好鬧我, 係傷心樓主個仔啫)。


請個工人或包的士返學啦。

PalFan

樓主要放棄軒小會好可惜, 你真係要諗清楚,

而你比咁多間的黃大仙區小學, 錦泰一樣唔易讀又催谷, 功課返來最少10樣, 計返你車程返屋企. 小朋友一樣好攰又難安排. 如果選擇其他小學, 到時你便明白考中學之苦. 你真係要諗清楚D 好.

hkpapa852

其實係未轉到校之前, 你都要諗辦法解決先嫁? 仲要辛苦亞媽去接送?
想快一定唔可以搭校車, 俾多少少每日搭的士先可以慳到時間又唔駛辛苦老人家

wwsugar

回覆 prissyue 的帖子

雖然下年轉全日，但是七歲比六歲的精力會好一些，做功課的速度也會好一些。現在小一可以享受半日制，是千金難買的。路途遠又好，近又好，都一樣是要有人接送，人手方面一樣要安排的。半日制而遠比全日而近更舒服的。我係你，就起碼等小二先轉。有小一的成績參考一下。一係轉近的直資私小，但考到先得。
保證六年內不會再搬家了嗎？
我係你就睇定啲，不要急轉而去了一個更辛苦的境況。

machuchu

請工人幫手好過轉校

marcuscyrus

原帖由 prissyue 於 14-10-10 發表
因搬咗屋（赤柱搬去西貢壁屋)，本來仔仔讀軒上，但每日要5:45am就要起身返學，見到佢都辛苦！所以 ...

唔讀軒小有啲可惜