k1pm老師對小朋友態度疑問

joypeace

事緣今日遲左少少返上3樓，大約1點20分左右，咁我個小朋友返去就入左wc洗手，我企左係counter附近等小朋友出黎同佢入課室就走咁。
等待期間，突然聽到某老師(在課室內傳來的)大聲話：「喊喊喊，你以為攬住阿媽就得架啦！你係咁唔鍾意返學，咁唔想學野，你就走啦！唔好返黎呀！」原本聽唔清楚既個位被“話”小朋友喊聲，變到勁大聲
………呢個時候我小朋友已洗完手行緊入去。
係個一刻我突然諗起我小朋友上星期放學時，呢位老師同我講話只係係咁意話左佢一兩句，佢就喊到撲係枱度唔肯起身。如果係好似今日無意之中聽到佢咁樣鬧法，我諗唔係好妥，對k1小朋友無必要咁大聲鬧卦？
我唔知係咪只係咁啱今日唯一一次又比我聽到，定不嬲都係咁樣對小朋友？

真係令人好不安，原本我聽到大部分的區內家長都對學校評價唔錯，係有禮貌，happy school……但今日一事令我信心動搖，希望如有學校既老師/主任/校長，留意到有關情況，加以提點，以免令小朋友更害怕返學。

queenie_c224

唔知係咪同一個人所為:
http://www.edu-kingdom.com/forum ... &extra=page%3D1

joypeace

No,我個位係我小朋友班主任，唔係姓王/黃，不嬲見開佢都ok nice, 唔知係家長面前先咁nice,定個日鬧小朋友咁啱心情唔好，希望唔好再有同類情況出現。

BabyGisele

回覆 joypeace 的帖子

請問她姓咩? 我都驚係我小朋友果個班主任THANKS

joypeace

回覆 BabyGisele 的帖子

她姓林，thx

BabyGisele

回覆 joypeace 的帖子

咁我唔識喇, THANKS

LedTV

好得人驚

Handsomewoman

咁仲報唔報好呢？

ngpun

我女是上屆畢業生，我很喜歡KLLCK裡面的老師，由K1-K3我女的班主任都是很愛孩子的好老師．

K2時有個姓黃的班主任，身形略胖，戴眼鏡（當然我知不是Forum說的那位，而我並不認識你們所說的那位）是一位十分專業又愛孩子的好老師，有時對小朋友會惡啲，但個個小朋友都好愛佢．而且常比了好多專業的幫助我教好自己個女，直到現在畢業了，我也會打電話回校問她意見，她仍是好細心為我解答花了她工餘半個鐘的時間呢，她還要趕第二天上課要預備的物資．除她以外，我認識的九龍靈糧堂幼稚園的老師都是好老師，而且沒有上下午分，因為都是同一班老師．

再說，她們都是一班以孩子行先的老師們，我見她們每天都會為孩子準備好多野，我之所以清楚，因為我曾是家校委員，經常接觸她們，我女的三年幼稚園生活中很多頑皮事．

另外還有一個林老師，也是超愛學生的，我識一位家長都非常感激她．我明白有些老師都不多言笑，但每天由早到晚對著一班小魔怪，課後又有一大堆預備工作，她們其實都身心疲倦了，其實當家長們切身處地站在老師的角度想想，你們也就不會覺得她們對家長沒笑容，實在不是沒禮貌，反而是太盡心盡力，人太累了．我會寧願她們留一口氣對孩子笑．

試過有一個哭鬧的同學仔在課堂上鬧事，扭計，老師只是抱著他，是孩子回家說，不是我親眼見，在她們眼中的老師都是滿有愛．當然我重申，我並未接觸過你們所說的那位林老師及另一位黃老師．