成績差的小二生

little_yolky

MrBeast 發表於 14-10-4 06:39
eca 可令孩子輕鬆一下，我覺得好depends, 有時只是父母一廂情願，比我就學業為重，有時間會自己教，不過教 ...

所以劍橋、奧數俾我就第一時間cut咗佢, 如果媽咪自己鐘意做手工, 手工都cut埋佢。

hadwinboy

原帖由 兩條魚 於 14-10-01 發表
咁劍橋英語呢？

我地未上過劍橋英語，不過會否針對弱點上英文班較好呢？例如Writing 弱就上writing 班等等....

kitkit0122

同小朋友傾下先好啲，你一廂情願CUT左去，小朋友會唔開心的
佢成績差係因為唔識? 定唔專心? 還是無興趣? 對症落藥先有效

carmanmiu

唉, 我個女都係小二, 情況好似你甘, 同佢點溫都吾上心, 唉, 吾通真係要好似我D朋友教我甘, 打!

rean_chau

課外活動反而係其次，最重要係睇返小朋友到底學習出現乜野問題！唔合格係因為預備不足，定係學習能力唔夠！我個仔就係學習能力較慢，所以上完堂返來我自己要跟得好緊，唔理解既地方要盡快清。二年級啲野深左好多，我都驚緊，特別數學，佢理解能力唔好，成日解錯題。

千其唔好打，打只會增加佢壓力，減低學習興趣。同埋習慣用打來宣泄自己情緒唔係好事。嘗試從佢角度出發，因為好多功課我地覺得好易，但對於七歲小朋友黎講有難度架。

Jane1983

回覆 carmanmiu 的帖子

吾好打。除非佢係學習態度有問題，掛住玩、吾志在、擺明hea你，否則責罰亦無用。
搵辦法幫佢，打鬧有一時的成效，但讀書係十幾年既事，摸到方法最緊要，吾通日日打咩，咁會影響親子關係。

kitkit0122

carmanmiu 發表於 14-10-7 15:45
唉, 我個女都係小二, 情況好似你甘, 同佢點溫都吾上心, 唉, 吾通真係要好似我D朋友教我甘, 打!  ...

梗係唔好打啦~
小朋友會學大人，你打佢，佢就會覺得打人係用黎解決問題，一陣佢0係學校打人仲死啦~

你話佢唔上心，係某一科定全部都係咁先? 如果係一兩科，可能係佢無興趣，咁你就要諗啲有趣啲既方法黎同佢溫習，提起佢既興趣，再唔係就用獎勵，我以前同我囡囡用儲星星黎獎勵佢，儲夠100粒星星可以去迪迪尼

如果全部科都係咁，咁你要小心留意，會唔會係專注力不足，多啲同小朋友傾下學習上既困難，打係解決唔到架

carmanmiu

佢一定係專注力不足架啦, 科科都差, 都冇心機讀, 我吾鼓勵打, 只係我朋友佢成日話我點解吾打佢姐, 我都想搵方法另佢有興趣, 不過未搵到

righteous

回覆 Jane媽咪 的帖子

我就已經cut晒啦。。。
今年開始去左補習社補習，但好似仲差過之前。。。
晚晚做功課做到7-8點，食完飯仲要同佢check多次功課，因為一係漏做，一係d字寫得衰。。。
溫書就只有星期六日可以同佢溫。。。
我仲試緊依個方法得唔得，個仔本身底子弱

囝囝mama

回覆 righteous 的帖子

囝囝幾多年级???

righteous

2年級

carmanmiu

我個女都係寫字衰

dlee_ca

仲駛問,好明顯啦。