【短片】中大《只有三個餐》熱播 職員叫放心﹕好多食

elbar

中大新傳政改關注組早前校園餐廳做測試，假設只有3個基本上一樣餐供選擇時，唔同人會有咩反應，以諷刺人大政改框架。


MEDCAN做19年收銀員Amy姐（中）短片有出鏡，仲多次叫同學睇真餐牌。佢話學生只係趁周六借少少時間拍攝，無妨礙做生意！

【明報專訊】政府早前推出政改宣傳片，強調「有票梗係要」，中大新聞傳播系政改關注組就製作短片《如果MEDCAN只有三個餐》惡搞，扮職員貼出告示，指食材短缺，餐牌只得3個套餐，價錢由18.5至22.5元不等，但細心睇餐單，會發現除個名唔同，3個餐材料一樣，都只係得奄列、雞扒、多士同沙律。

諷政改 餐名唔同材料一樣

面對咁安排，同學被偷拍反應都好唔同，有人睇完淨係識得笑，有人不滿到講粗口，亦有人話「即係咩意思？即係冇得食啦！」。關注組希望，最終能夠表達出人大政改框架下「假普選」，令港人冇真正選擇，仲話canteen可以有好多間，但香港只得一個，市民應該努力爭取真普選。短片至噚晚已有近10萬人YouTube睇過。

MEDCAN平時好多人客，咁樣玩有冇影響做生意呢？Emily問過有份客串、呢間餐廳做19年收銀員Amy姐，佢話同學仔係趁星期六朝早無咩人時候先借影一影，無影響生意，仲話有同學同佢講，若果餐廳好似特首選舉咁「冇得揀」就好弊。佢大派定心丸，話canteen向來有好多食，唔使擔心。

Amy姐未有時間睇條片，但得知有近10萬人睇過，話多謝大家支持，佢都係想幫同學。

Yanamami

你地成日出一樣既post既？有無打算夾下先呢？

http://www.edu-kingdom.com/forum ... 0892&extra=page%3D1