点樣令小朋友講英文比較native?

phyllislau

參加朗誦班有效嗎？

little_yolky

phyllislau 發表於 14-9-22 23:40
參加朗誦班有效嗎？

一定要搵個native製造語境。而且不可以只一星期一堂咁小。可以既話, 依家暑假咁長, 最好去外國文化交流一下。我朋友(不過佢囡囡升小六了)今年陪囡囡去咗澳洲農場三星期, 學習當地文化, 住在農場內, 又可以製造全英語境。所以真係好羨慕有錢既FTM, 真係可以involve好多。

phyllislau

其實我囡囡由幼稚園到以架小二，學校大部分時間都係講英文，只是佢D口音都係好港式英文，我想佢講得好聽D，有無辨法？

yfchoy

要令小朋友講到native english，多聽多講多睇係不二法門，但要令小朋友有興趣學才是最重要。可能大家會話好難令小朋友有興趣，怎樣令小朋友有興趣相信只有家長自己才最清楚，但有一點要令小朋友明白，英文並不可怕而且幾好聽，好似唱歌仔咁，嘗試找尋當中的趣味。我暫時仍未令女兒提起興趣，唯有選擇一些佢喜歡既卡通既英文書睇，初時睇圖，遲啲希望可以睇埋字。
不過，我以過來人可跟樓主說，我學的英語雖然生字唔算多和深，但一出口總能騙得到人們以為我在外國很久，聽落一點都唔似香港人講英語(去了澳洲3年半讀書)。可能樓主以為我的口音是在留學學回來，但是錯了！我的口音是在中三時跟學校英文老師經常談話開始(我的中學是一間當年band 5學校)，大部份同學都唔理該英文老師(佢是黑皮膚人，唔清楚是哪國藉，但口音絕對冇問題)。每天我都諗問題跟老師溝通，而且我喜歡英文歌，會跟住流行曲哼，有歌詞就跟歌詞，會看西片，邊追字幕邊聽邊學佢哋講話的語氣。後來，每天都會睇6點明珠台的外國肥皂劇(當年有一時段必播)，有時有字幕，冇既就要靠估。久而久之，跟本不再需要扮外國人既口音都會有自己既一套出嚟，而講出嚟既感覺係絕對唔覺係做作。因為當講英文時的語氣就係有感情，正如跟朋友一般談話係唔會完全冇感情，一切都嚟得好自然。我記得曾經有一位導師(當時讀VTC緊酒店課程)要求我哋每日讀一段英文報紙報導出來時，佢一聽我讀英文即刻問咗句我係咪係外國返嚟，但其實當時我從未去過外國呢！雖然有時我仍會詞不達意，但跟外國人談話時佢哋好多時都唔介意自己表達得唔好。學任何語言都好，最緊要胆大多講。好多人既通病係怕講錯被人笑，但我發現這情況通常會出現返係香港人自己身上，笑別人說得唔啱。但小朋友一般來說都唔會怕講錯話(除非好怕醜)，所以多鼓勵佢哋多聽多講多接觸，為佢哋建立信心，就算講錯都唔怕被人笑(笑人的人才是愚蠢的人)，佢哋會學得很快！我爸爸從我自細開始咩歌都會聽，聽到很多好聽英文舊歌。興趣不自覺地由此而起。但有一點一定要明白，若果發現自己的英語口音不太好又不想小朋友學不正的口音，盡可能別以英語跟小朋友對話(我自己都唔會同囡囡講英文，除了讀書時。老公外國生活十幾年亦唔會同囡囡講英語，除咗好嬲時佢就會不自覺地講英文罵人)，學習外語會話，通常都係先模仿當地人口音，熟能生巧，多練習，慢慢就完全不用去想怎樣先講得像native speaker。

MASAYA

yfchoy 發表於 14-9-23 10:55
要令小朋友講到native english，多聽多講多睇係不二法門，但要令小朋友有興趣學才是最重要。可能大家會話好 ...

多謝分享，我鍾意睇人地自己既故事多過育兒心得

yfchoy

MASAYA 發表於 14-9-23 11:07
多謝分享，我鍾意睇人地自己既故事多過育兒心得

多謝欣賞，所以我覺得，若果營造到一個類似外國的環境俾小朋友去不自覺地適應固然係好，但這是被動的，倒不及小朋友自己去尋求知識的好和珍惜。若然一切只是環境所迫而去學，一旦發現英語不再較以前的常用(如轉了中文學校)，小朋友會盡量去避免接觸，久而久之就會生疏。若本身對英文是有興趣，總會揾方法去接觸，呢樣就係主動和被動學習既分別和效益。我到現在為止仍不停找一些外國drama去睇，去學一些新的詞彙。
以上可能大家未必十分認同(十分明白好難去令小朋友對英文產生興趣，我都嘗試緊，但個人經驗話我知能令小朋友有興趣學習才是最好)，不喜勿插。

phyllislau

原帖由 yfchoy 於 14-09-23 發表
本帖最後由 yfchoy 於 14-9-23 11:54 編輯

多謝你的分享

mansum92

聽 audio book

tutik

回覆 mansum92 的帖子

同意，小小愚見，我上個暑假跟小兒學Ipa, 也有提到口語問題，即句子中 Linking, 重、輕音位，跟 audio book 一句句讀有幫助，千其唔好自己讀比佢聽如非純正者，且被免接觸港式英文，怕佢先入為主，關了耳朵。有趣英文cartoon 都好，但找不到發音清楚既，有冇推介呢？

eviepa

You can check the effectiveness of audio book from the following case:

http://www.edu-kingdom.com/home. ... do=blog&id=7735

phyllislau

原帖由 eviepa 於 14-09-23 發表
You can check the effectiveness of audio book from the following case:

http://www.edu-kingdom.com ...

Audio book 係咪即是書連CD個D？thx! 我有睇過你post 過出來的愉快教學方法， I like it.

tinaleung

聽多d – 聽下收音機都好,
我唔想小朋友成日睇tv, 所有我鼓勵聽收音機

Miss_Parker

我講英文都無香港口音, 學的方法都係睇movies聽歌, 細個學過phonics都好有用因為有助讀盡D音! 不過興趣都係最大主因我而家會研究英同美式accents. 同埋我好鍾意上youtube睇vids e.g.interviews of my idol

fc926

最近我家小朋友對frozen電影和歌都很瘋狂,於是便把隻DVD 放在車上播 (有聲無畫),她們都聽得如癡如醉,聽到熟晒, 我之前買左frozen 本reader,裏面差不多有曬所有電影對白, 她們可以在書中找到聽不明的對白 然後查字典, 於是她們熟讀對白跟住講, 講到仲鬼禁流利, 估吾到呢個frozen DVD+ reader組合又幾有效.

hoihoima

phyllislau 發表於 14-9-22 23:40
參加朗誦班有效嗎？

找NET私補。不過其實，如果想小朋友英文語音好，小學才開始跟NET是好遲。幼稚園階段已經要上有NET做班主任和教拼音的學校，增加接觸。趁幼稚園有時間打好基礎好重要。上到小學多好多野做，好難再專注攻英文口語。

anthony010103

原帖由 yfchoy 於 14-09-23 發表
本帖最後由 yfchoy 於 14-9-23 11:03 編輯

要令小朋友講到native english，多聽多講多睇係不二法門，但 ...

但是從肥皂劇怎學到外國人用多連音連句，connected speech？

yfchoy

anthony010103 發表於 14-9-23 23:31
但是從肥皂劇怎學到外國人用多連音連句，connected speech？

其實你可細心留意，英語、普通話和廣東話的會話分別，你會發現一樣嘢，外國人常常說普通話較廣東話容易，因為廣東話太多口語化。另外，廣東話的音普遍都係平音(單一音調)，但普通話和英語一樣係有高低大細音調，所以外國人學普通話會話都會易上手啲。香港人講英文係一隻隻字"dun"出嚟(我只係講話自己講得唔好聽既人，請勿插我)，聽落當然唔好聽，就筧唔"dun"出嚟，都會好刻意咁用高低音去講，全部公式化，如：以前學校老師教講英文發問問題時，一定話最好隻字個音要高，但諗諗若所有都平音咁講，突然最尾個字高音，係人聽到都覺唔舒服。我初時係只睇電影，因為較多資訊告知好唔好睇，而睇電視學英文其實係需要好長時間專心去聽和睇。首先，你真係要當睇英文片係娛樂緊自己而非學英文，有慾望去想知道佢哋講既嘢，所以我當時都係有選擇地睇自己喜歡肥皂劇。我諗頭一年我都只可跟到字幕去了解劇情，有時候你會發現有些好短小既句子(演員的一些感情表達)，我就由嗰啲去開始學習佢哋既Ascent，學佢哋講，初初係怪怪的，不要害怕，其實久而久之，當加埋自己既感覺在說話中時就不自覺有自己的一套。另外，不能決小的是跟流行曲唱歌(我初時聽慢舊歌，好多歌手都唱得好發音清晰，跟住一跟聽流行曲慢到快，但我絕對rap唔到)，模仿佢哋既聲和神韻，這是很有用的。初時我會建議跟native speaker講，但熟練後就一定不能跟，你用廣東話談話都唔會每句話都諗用咩唔氣好啦！
其實香港人的會話可能講得不好聽，但在於文法上好多時比外國人講究好多(尤其美國人)，因為外國人好習以為常地講一些話(如A+B就一定跟C，但未必會去了解點解會咁)，所以英式英語係比美式英語講既時候優雅動聽多(可惜我聽的全是美劇，所以我相信我的口音都是美式多，有時講得太"LUR"俾老公笑我唔知講乜)。

yfchoy

tutik 發表於 14-9-23 15:14
回覆 mansum92 的帖子

同意，小小愚見，我上個暑假跟小兒學Ipa, 也有提到口語問題，即句子中 Linking, 重 ...

十分同意，現在出了很多英文故事連audio book，我都係全部將佢錄落IPOD比囡囡自己跟住本書嚟睇(雖然佢唔係成日睇，但因為聽多了，記了故事再睇書講出嚟都有8成準，但唔知佢係靠記憶讀定係認得啲字)。揾啲小朋友有興趣既書，我之前就買咗10本8本迪士尼系列書和公主系列書，全部故事由女女揀。初時唔肯聽住嚟睇，後來因為家裡冇人可以講俾佢聽和睇(我在職，家裡冇姐姐，女女在家時一定係忙做家務)，佢就開始要自己嚟。有時瞓覺佢瞓唔着都會播故事佢聽(當bedtime story)，慢慢小朋友就會接受咗呢種講故事形式。若找audio book，最好揾係大人發音而非小孩，因為小孩會話不太清楚。

phyllislau

原帖由 yfchoy 於 14-09-24 發表
十分同意，現在出了很多英文故事連audio book，我都係全部將佢錄落IPOD比囡囡自己跟住本書嚟睇(雖然佢唔係 ...

我之前買咗set oxford reading tree. 張CD放埋一邊，以架聽你地講完，等我叫囡囡每日跟住呢讀先

yfchoy

phyllislau 發表於 14-9-24 12:21
我之前買咗set oxford reading tree. 張CD放埋一邊，以架聽你地講完，等我叫囡囡每日跟住呢讀先



  ...

你要比耐性佢去做，初時小女點都唔肯自己睇，要人陪先睇。過一段時間(放咗係度半年)，可能接觸嗰啲故事多咗(人大咗)，我又開始減佢既睇電視時間但俾佢做其他嘢，佢玩到太無聊唔知做乜好又想聽故仔，就自己攞本故事書睇圖畫，慢慢地，覺得只看圖畫冇人講唔好睇但又冇人得閒講佢聽，佢就開始攞番部IPOD嚟聽住睇(我初時冇錄晒，因為佢唔睇，跟住佢開始想睇時我就錄晒落去，小朋友又喜歡搞IPOD，但我的IPOD係咩都冇，得啲畫畫遊戲係裡面)，可以周圍攞住嚟聽，係佢認為最輕鬆既情況去睇(有時佢會係梳化睇，有時走上床睇)，總之務求佢突然想聽就隨時有人講到佢聽，聽熟咗就算揾唔到IPOD都可以自己睇。近期佢鍾意畫畫就將啲audio book放埋一邊，最多睇吓Frozen (唔知幾時會出audio book呢？)。另外，小朋友有時喜愛扮老師，呢點都可以用嚟鼓勵佢哋睇完故事書講番俾大人聽。
我唔太清楚oxford點提示小朋友睇哪頁，但迪士尼嗰本就每講完一版就"叮"一聲。