好沮喪～

catli11

女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒界，話又唔聽，想捉住佢手教佢又唔俾。

帶佢去上畫畫班，第一堂試堂問老師情況，點知老師話佢填色好叻，無出界，我完全唔相信。

番到屋企再拎番份填色功課出嚟，又係一樣唔填，亂嚟，出晒界，唔想做。

我應該點？係由佢亂填！學校會唔會覺得我係無教佢？但次次都好激氣，好沮喪～

kiannang

N班出界好正常，慢慢會再改善！

YatLongcarcar

N班出界好正常，仲好細~
我個囝k2 (就黎4age) 學畫畫班學左一年, 現在做功課填色有心機可以好靚唔出界, 夾埋色, 但無心機時亂畫出界先旦咩都有@@"
佢剛剛學俾d 時間佢喇, 加油~

notcool

a/ 每星期都筋疲力竭咁同佢一齊填 -1
b/ 佢成日好似唔想填咁 -1
c/好唔專心 -1
d/ 填到出晒界-1
e/話又唔聽-1
f/ 想捉住佢手教佢又唔俾 -1

Vs

點知老師話佢填色好叻+1

Relax, expect less and praise more

Imjanety

我囡都係n班個星期一次填色，個次我都由得佢油到出曬界㗎，佢鐘意油咩色就油咩，完全無迫佢，我諗佢份功課一定係全班最核突佢地先得2歲幾，油得唔叻係正常，放鬆d,不要俾壓力佢吧！

Lovemusicjai

由佢岀界啦，再慢慢培養興趣

Joball

原帖由 catli11 於 14-09-22 發表
女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒 ...

有乜好激氣？兩歲人仔出界非常正常！
其實N班有功課先唔正常

ballg

我同小朋友一齊畫，佢唔肯填，我就叫佢畫下圓形三角形咁，我就有我畫，佢有佢亂畫，佢一無耐性想走，我都唔迫佢，同佢講下次再玩過。我認為太緊張嚇怕佢將來就更加唔肯做功課。

TwogirlsMama

正常架，仲細，唔好太擔心^^

hedhed

N班學畫畫？收你小朋友果間畫室都似略水多。上年親子皇有專攔都話最早都要4歳先好學

mechwts

出晒界好正常, 我囡又係一星期一次畫畫. 次次陪個囡畫, 佢都畫到花呢碌, 顏色又錯晒. 有時佢心情靚, 仲貼滿貼紙(老師照CUP 3個印仔, 有時寫下COMMENT). 我覺得無問題, 呢個係學習過程之一, 佢覺得開心就得喇. 我既工作係引導佢, 鼓勵佢多嘗試, 培養佢做功課, 學習的興趣, 所以我囡每星期做功課都做得好開心.

見到有D同學仔交的功課, 油得勁靚, 又有層次, 連中文字都識寫(N1班). 我覺得亞爸亞媽幫手做功課, 呢樣本身已經係過左火位. 對住呢D家長, 不如以後老師開宗名義搵家長代做功課, 代考小學啦! 叫個細路仔返屋企唔好讀書喇.

ChanPlumpy

油多幾次就好D架喇，咁細個手仔都未可以完全控制到

YSF1

N班真係唔應該有功課啦
油出界太正常啦，你讚佢佢先有心機同你油。你鬧佢佢真係唔想同你一起做功課囉。

anniellm

我由佢自己油顏色，我諗佢無概念要填係啲填裏面。不過無所謂啦，呢啲係創意嚟架嘛

w.ling

阿囡就2歲，下月先開始返n。但返pg，都會有時油下顏色，做下勞作。明白pg係想train佢手仔既肌肉，冇要佢畫同痴野都做得好，希望小朋友try多的，做下肌肉既training。我會見有的mama會幫小朋友揀顏色油靚靚，而我自己就唔會，都會教下佢貼下邊既，但我會有得佢畫到花哂。

w.ling

其實曾經睇過一個報導，details唔太記得，但睇完我buy架。HK會由細教小朋友填顏色，係一個框框內填色，其實係唔應該，應該係俾一張白紙佢自由發揮，等佢有思想空間。俾有圖案既佢油，佢地會由細形成左於框架下學習，思想等等。唔太識解釋返，希望大家明白我大約既意思啦。我自己都鍾意小朋友學畫畫架，我比較鍾意藝術既培養，覺得有藝術既培養，對品德既成長都會有幫助!