有關和小兒在學習和打機及電子媒體使用上的時間爭議

akys

MrBeast 發表於 20-11-5 17:13
咁你有冇幫佢買？

我會買，因為曱甴會周圍走。或者可考慮他在家Hea時用炸彈，迫佢離家

MrBeast

akys 發表於 20-11-5 20:14
我會買，因為曱甴會周圍走。或者可考慮他在家Hea時用炸彈，迫佢離家

...

我原本個意思是佢公子可以自己去買，不過你個建議又幾有意思

洋蔥頭媽咪

我最怕小強，比我一定鬧爆佢
從來都唔比啲仔响房食嘢，費事訓訓下覺有小強。

stanleypyk

MrBeast 發表於 20-11-5 17:13
咁你有冇幫佢買？

殺蟲劑就沒有買, 對身體不好, 改買了蟲蟻淨, 又OK喎! 已講明比佢聽, 殺蟑螂有好多方法, 但未必樣樣都有效, 要自行上網了解多些才決定買什麼。另外話他平時在房中進食這些壞習慣不改, 遲早小強又會再來, 到時我不會再幫他買滅蟲藥! 今次是第一次要求就算了吧!

stanleypyk

想問大家的子女會不會每天深夜至少四至五時才睡覺, 中午一時才起床, 午餐下午四至五時才吃, 晚上十一時後才找東西吃當晚餐, 每日如是。

Bigpig_2007

stanleypyk 發表於 14-9-16 23:31
各位家長,今天我和小兒(今年14歲升中三)在返學後的電腦和手機及溫習時間安排有爭論,最後各持己見鬧得不太愉 ...

你仔完全不把讀書當一回事，打機已經上癮停唔到，唔好諗住軟招會有效，你唔係要佢停打機，係要教佢要識现階段佢讀書係責任、義務，否則將來等乞食，唔合作所有權利取消，一定唔可以心軟！

有假期帶佢做義工見識下最低層點生活，等佢有所體會。如果你自己教唔好考慮送佢去寄宿，但整個過程留心佢有冇壞朋友或者極端行動，要軟硬兼施。

gracelam

Bigpig_2007 發表於 20-11-22 16:11
你仔完全不把讀書當一回事，打機已經上癮停唔到，唔好諗住軟招會有效，你唔係要佢停打機，係要教佢要識现 ...

樓主呢個post 6年前喇，網友要講嘅/提出不同意見嘅已經講過了。。。。。。

stanleypyk

近來已沒有再報導近況, 原因是阿仔近期睇返這個blog的內容, 覺得對他不公平, 不是真正背後的事實, 說我以偏概全, 找人認同自我安慰。我回應說, 這個帖最初是得到他同意才開帖, 至今已有7年, 如果他覺得有問題, 可以好早便指出問題所在及要求停帖, 我只是按實況再加上一些感受, 其中內容他可能不同意或有反感, 但事情也過去, 誰是誰非也沒有得追究, 如果他不同意我便暫停再發表他的近況。不過今天和他又有一番討論, 說我作為父母給他很少, 沒有供給他足夠的物資, 舉例說只是初中時試過買一至兩次手機給他, 後期高中沒有再免費提供, 而電腦也只供應一台桌上型電腦放在大廳中使用, 沒有買筆記型電腦給他在房用, 現時他在房中的一台舊notebook, 也是他在中介兼職的客留底, 老板送給他的, 令他覺得要靠人施捨, 不是父母供應。我也說出不供應的原因, 中學階段都是固定課堂, 不像大學要隨身帶著notebook四處學習做功課, 而且由中二至今用電腦有部份時間都是娛樂打機, 買多部notebook只是方便在房中任意打機娛樂。而手機方面到高中時應可出外做暑期工賺錢買手機, 不一定父母供應到成年或以後的日子。
他覺得我做父母供書教學不算恩情照顧, 只是政府規例要求父母有義務提供, 至於成年後的兩年高級文憑學費也是父母應份提供, 因為好多父母都是這樣做, 也不算是什麼恩情, 所以覺得我做父母沒提供足夠的資源比佢, 所以佢都覺得沒有責任日後一定會比家用, 聽後我真是無言了。
今次的話題是阿仔同意向大家問的, 作為父母, 如果照顧子女, 是會提供些什麼呢? 是否我作為父母真是欠他太多呢?

cmir

感覺你仔仔不懂得感恩，亦不明白什麼是需要，什麼是想要。未有檢視自己問題便先埋怨父母

Jane1983

回覆 stanleypyk 的帖子

佢而家仲係食屋企、住屋企，工都唔去搵。飯仲要煮埋佢食，咁多年對屋企一d貢獻都無。如果唔係錫佢，一早掃佢出門，佢仲大言不慚嫌父母付出唔夠多。
既然佢咁講，一d都唔感恩，你以後識做收水，留錢養老！何必再做痴情家長，明月照坑渠。

洋蔥頭媽咪

stanleypyk 發表於 20-12-24 17:45
近來已沒有再報導近況, 原因是阿仔近期睇返這個blog的內容, 覺得對他不公平, 不是真正背後的事實, 說我以偏 ...

父母就一定冇欠佢， 父母供書教學唔算恩情？ 佢细個唔養佢唔照顧佢唔教佢佢可以有今日？佢有病有痛父母照顧佢唔算恩情？ 父母無條件付出，佢又畀返啲咩结果父母，就算父母一心肯供佢讀書/供佢讀大學，都要佢有心而非 hea 讀，能心存感恩而並非覺得係老馮。 父母用個養老本去供佢，佢又何曾想過點樣回饋 父母？查實父母供書教學到中六(18歲)已完成責任，再想讀上去亦應該要靠自己，父母並非老馮要比錢佢去浪費，父母願意供佢亦只係因為愛子之心，如果後生嘅唔懂感恩、唔識领情， 唔懂得飲水思源，父母真係可以慳番啲錢留比自己退休好過。

樓主你應反問兒子，佢對父母有要求但佢可曾要求過自己？縱然父母提供資源不算太多，但佢自己有冇反醒下在已有資源中努力，為自己將來腳踏實地尋找出路？ 努力令到人哋會認同佢？

印象中樓主兒子當年考完 DSE 後未能直升大學，佢有冇努力把握父母比佢嘅機會，努力讀書積極裝備好自己入返大學？ 叫佢撫心自問呢兩年 HD 是否 hea 讀？最後攞咩成績畢業？ 父母畀錢佢讀呢兩年又值唔值得？如果佢好努力有本事入返8大，就算父母唔供佢讀政府都可以借到貸款， 問下佢自己有冇努力過先？

佢太自私，只係計較父母有冇畀啲咩物質佢，而家佢仲想關定後門，唔想養父母同比家用就揾定籍口，對你兒子真係好失望。

MrBeast

stanleypyk 發表於 20-12-24 17:45
佢都覺得沒有責任日後一定會比家用...

唔洗養佢已偷笑，比家用，dont make me laugh

cmir

咁大個仔都仲未識諗，仲諉過於人。供書教學，花費心神，養到佢咁大，家長用左唔少心血，而家仲肯定心裏淌血中，都唔肯放棄佢，點解覺得應份？

洋蔥頭媽咪

stanleypyk 發表於 20-12-24 17:45
近來已沒有再報導近況, 原因是阿仔近期睇返這個blog的內容, 覺得對他不公平, 不是真正背後的事實, 說我以偏 ...

不過我有個問題想問，樓主從小有冇比零用錢兒子習慣？有冇教過佢學儲蓄？教佢由儲蓄去達成自己想要嘅嘢？
樓主若介意可以不用答我。

Yanamami

洋蔥頭媽咪 發表於 20-12-24 19:56
父母就一定冇欠佢， 父母供書教學唔算恩情？ 佢细個唔養佢唔照顧佢唔教佢佢可以有今日？佢有病有痛父母照 ...

－句“無人叫你生我出黎”，“唔係我選擇出生”就KO哂咩恩情啦~同不懂感恩既人係無道理可講｡只可以話，要不死心然後壯士断臂，要不就認命前世欠佢，今世还債｡

洋蔥頭媽咪

Yanamami 發表於 20-12-25 14:30
－句“無人叫你生我出黎”，“唔係我選擇出生”就KO哂咩恩情啦~同不懂感恩既人係無道理可講｡只可以話，要 ...

係丫. “冇人叫你生我出嚟”，但一樣 “冇人要你投胎做我個仔”，係你自己唔揀做李+x 個仔，係你自己要投胎過嚟我都冇辦法， 所以要怨就怨你自己唔識投胎，唔知足嘅人比咩你都一樣會怨，永遠都唔會快樂。

stanleypyk

洋蔥頭媽咪 發表於 20-12-25 14:14
不過我有個問題想問，樓主從小有冇比零用錢兒子習慣？有冇教過佢學儲蓄？教佢由儲蓄去達成自己想要嘅嘢？
...

自小零用錢不多, 到中二開始多打機後間中會買點, 更加不會給多以免花在買點上, 所有儲蓄都是由每年利是得來,都是建議他儲起來, 因為他沒甚興趣除了打機, 所以也沒有什麼計劃如何去用！

October.

Yanamami 發表於 20-12-25 14:30
－句“無人叫你生我出黎”，“唔係我選擇出生”就KO哂咩恩情啦~同不懂感恩既人係無道理可講｡只可以話，要 ...

孩子真係冇得揀佢出唔出世，生活係香港壓力太大，現今資訊發達，同學朋友之間都會互相比較，父母生仔之前，真係要諗清楚先好生。

Yanamami

October. 發表於 20-12-25 22:10
孩子真係冇得揀佢出唔出世，生活係香港壓力太大，現今資訊發達，同學朋友之間都會互相比較，父母生仔之前， ...

好多價值觀要好細就植入，資源有限，慾望無窮｡有正確既價值观，就唔会有無謂既比較，正所謂人比人，比死人｡正正因為佢地無得揀出唔出世，係我揀生唔生，所以係能力範圍內，我会赴湯蹈火俾最好既佢地(相信所有父母皆是)｡但所謂最好既，唔－定係物質享受，亦係包括教育、生活技能、態度、價值观、EQAQ訓練、身心健康……俾佢能独自走更遠既路，因為我唔可能一直照顧佢地｡人与人之间比較在所难免，但教到佢地同人比較之下，会感恩自己所有，不作無建設性羨慕之餘，仲覺得自己已比好多人幸運，就係目標。

gracelam

stanleypyk 發表於 20-12-24 17:45
近來已沒有再報導近況, 原因是阿仔近期睇返這個blog的內容, 覺得對他不公平, 不是真正背後的事實, 說我以偏 ...

如果到左20+歲仲係覺得父母欠左佢，咁真係慳返啖氣，我每年損錢去助養兒童，人地都識寄張咭嚟多謝感激吓。

寵物由小養大，都懂咩叫感恩，對主人忠心耿耿，不離不棄。

樓主前20+年就已盡本份養育佢，之後幾十年就好好為自己將來打算，無謂再花精神落佢度，你已完成責任，將來佢條路係點佢自己負責。