有關和小兒在學習和打機及電子媒體使用上的時間爭議

gracelam

stanleypyk 發表於 19-10-17 14:00
所以不是太影響我的都算了，但我太太天天叫他關電製和擺鞋柜，我都聽到好悶！
...

關電掣及放鞋入櫃我地係幼稚園已經教及做，當時唔纠正現在已經成人根本好難改吧！

Yanamami

stanleypyk 發表於 19-10-17 14:00
所以不是太影響我的都算了，但我太太天天叫他關電製和擺鞋柜，我都聽到好悶！
...

明白！到呢个地步真係再嘈－万年佢到唔会改，叫佢將鞋除係门外又或者當时运高睇唔到吧！嘈真係已經無意思了｡－係你哽左佢，幫佢做，免得听老婆哦~

Danielhk

從這些生活小習慣無法改正，加上長期癡迷打機。

我覺著樓主兒子，可能有某些精神或心裏的“病”。造成固執難改。

我不清楚孩子大了之後會怎麽生活。但我覺著一家人沒有共同的活動，然後住一起互相抱怨對方惡習。
這樣的生活實在讓人無法忍受。

爲什麽不安排一起旅行，一起運動，哪怕一起外出食飯或看熱播電影來加深彼此感情呢？孩子大了后，這些可能減少，但不至於無吧？
我不知樓主有無嘗試和兒子一起打機。無法糾正，無法説服，有時就暫時放一放。一起做一些共同事情，增進彼此理解。有時突破，或破局就是偶然發生的。

YanKanMom

樓主囝囝這個情況拖拉了那麼多年，確實讓人心煩。正如其他網友所說，孩子過了某個歲數已不由父母主宰的了，樓主只能自我消化或希望兒子有一天醒悟過來。現世代人與人之間的關係疏離，上網打機/聊天對他們十分吸引，一旦用上了便不容易抽離。
我家孩子也喜上網聊天識人，無甚分寸。同事囝囝讀到中三更因沉迷上網打機至今已輟學兩年多，宅男一個，平時也不上街，但未至於只藏身房內連家人也不見。他現忙於練習並計劃參加電競比賽，希望在比賽中得奬取奬金或被電競公司賞識請他工作，又說若試多幾次仍未能達到高水平便考慮重新讀書或工作。同事現只有靜觀其變，坦言與囝囝保持溝通很重要，否則連阿囝想什麼也不知道。同事亦有參加一些專為有網癮兒女之家長而設的輔導課程，他說課程中一位家長為了阻止孩子上網，不同種類的車子包括警車、消防車、救護車也到過他家，很無奈。

Yanamami

Danielhk 發表於 19-10-17 15:11
從這些生活小習慣無法改正，加上長期癡迷打機。

我覺著樓主兒子，可能有某些精神或心裏的“病”。造成固執 ...

如果你由幾年前跟开呢个帖，就知乜提議網友都提供过了｡

little_yolky

YanKanMom 發表於 19-10-17 16:27
樓主囝囝這個情況拖拉了那麼多年，確實讓人心煩。正如其他網友所說，孩子過了某個歲數已不由父母主宰的了， ...

哇，你同事仔仔好有目標喔，讚呀！

洋蔥頭媽咪

stanleypyk 發表於 19-10-17 13:03
相信大家和子女一起生活一定會有些生活小節不儘相同,我試舉一些例子我們和子女的習慣是相反的,不知大家對子 ...

唔係話叫你要縱個仔，只不過每個人都有自己嘅生活態度同方式，有人天生好企理亦有人習慣凌亂，但要明白好難要人跟你想法/做法一模一樣，正所謂若要人似我，除非兩個我，咁諗會唔會舒服啲。
所以我自己對待啲仔嘅方法，無關痛癢唔大影響嘅我都可以接受，但招惹蟲蟻衛生問題呢啲我就不能接受啦。

樓主提到一年後就退休離開香港，留返個仔自己在港生活，其實佢會唔會都要自己租地方住？我諗佢都有啲擔心自己將來，所以先會對住你哋講啲晦氣說話，始終你哋從小縱慣咗，可能要佢自立生活對他來説有一定嘅難度。香港地最大問題係住，如果解決居住其他就是小問題，話唔定你哋走咗可能佢會走去同婆婆住，點都好啦始終一家人，同佢坐低慢慢傾，只要佢肯腳踏實地，返工賺錢照顧自己生活，點都好過佢全部倚靠你哋。

YanKanMom

little_yolky 發表於 19-10-17 17:44
哇，你同事仔仔好有目標喔，讚呀！

我同事都好難過咖，由不知所措丶禁制丶軟硬兼施都冇辦法令到個仔返番學，唯有接受現實。他接受了，相方關係才緩和些，至有得傾。同事告訴阿囝電競就好似運動比賽一樣，做得出色養活自己的唔多，但知道唔比佢試過佢唔心息的。

October.

[size={"x":65,"y":23,"w":225,"h":14,"abs_x":470,"abs_y":509}][size={"x":65,"y":23,"w":208,"h":14,"abs_x":470,"abs_y":509}]YanKanMom 發表於 19-10-17 21:20
我同事都好難過咖，由不知所措丶禁制丶軟硬兼施都冇辦法令到個仔返番學，唯有接受現實。他接受了，相方關係 ...

係我，我都會好難過，雖然話孩子有個目標，但條路幾難行。

stanleypyk

洋蔥頭媽咪 發表於 19-10-17 19:30
唔係話叫你要縱個仔，只不過每個人都有自己嘅生活態度同方式，有人天生好企理亦有人習慣凌亂，但要明白好 ...

佢婆婆已跟他兒子一家人住，阿仔去同埋住應不方便了，我退休返去住，他要租屋住，他剛畢業找工應薪金不會太高，本來冧住頭一年付租幫他租房，但看他這段期間食煙飲酒，少了份兼職又唔再揾工，只顧住電玩，到時都係津貼他一半房租算了！

gracelam

stanleypyk 發表於 19-10-17 23:29
佢婆婆已跟他兒子一家人住，阿仔去同埋住應不方便了，我退休返去住，他要租屋住，他剛畢業找工應薪金不會 ...

津唔津貼都好，最後佢唔交租被業主追數，都係由你來交。

呢個死胡同係不變定律。

MrBeast

gracelam 發表於 19-10-18 08:22
最後佢唔交租被業主追數，都係由你來交。

why, 業主告上法庭應該6個月租左右，咪等佢自己還，再唔係就申請破產

MrBeast

YanKanMom 發表於 19-10-17 21:20
我同事都好難過咖，由不知所措丶禁制丶軟硬兼施都冇辦法令到個仔返番學，唯有接受現實。他接受了，相方關係 ...

雖然e加電競獎金好高，但至少運動可以做教練，搵到食的

gracelam

MrBeast 發表於 19-10-18 08:35
why, 業主告上法庭應該6個月租左右，咪等佢自己還，再唔係就申請破產

因為樓主做唔到，佢地唔忍心，唔放手，唔抵得。阿仔態度照舊，兩老又呻又嘈，但又繼續幫佢執屎執手尾提供糧草，不斷無限loop.

Jane1983

雖然樓主亞仔唔抵幫，不過剛出來做嘢，學歷唔高、收入有限，要負擔住屋，又真係困難，難怪佢愁。

little_yolky

Jane1983 發表於 19-10-18 08:56
雖然樓主亞仔唔抵幫，不過剛出來做嘢，學歷唔高、收入有限，要負擔住屋，又真係困難，難怪佢愁。
...

老實講，依家後生出嚟做嘢，俾D心機萬零蚊應該搵到，戒煙戒酒，一個人租間套房仔，點會唔得？唔得只係佢唔想捱

stanleypyk

gracelam 發表於 19-10-18 08:22
津唔津貼都好，最後佢唔交租被業主追數，都係由你來交。

呢個死胡同係不變定律。

租我就不會比，佢在港生活不了，就返國內謀生！

Jane1983

little_yolky 發表於 19-10-18 12:58
老實講，依家後生出嚟做嘢，俾D心機萬零蚊應該搵到，戒煙戒酒，一個人租間套房仔，點會唔得？唔得只係佢唔 ...

唔熟市價，好似劏房都唔平。揾萬幾蚊，要自己食住搭車交水電，真係唔知够唔够。

MrBeast

little_yolky 發表於 19-10-18 12:58
老實講，依家後生出嚟做嘢，俾D心機萬零蚊應該搵到，戒煙戒酒，一個人租間套房仔，點會唔得？唔得只係佢唔 ...

洗碗之前萬4，不過e加應該冇呢支歌唱，扎鉄都好搵，仲可慳返做gym，亦唔會再有精力打機，一舉兩得

little_yolky

Jane1983 發表於 19-10-18 13:10
唔熟市價，好似劏房都唔平。揾萬幾蚊，要自己食住搭車交水電，真係唔知够唔够。
...

綜援戶都無萬幾蚊，唔捱得就一定唔夠。