請教TSL家長們

loverbear

想為小兒報考TSL,但佢宜家英文一般,家中亦冇請姐姐,所以想請教下大家知吾知邊度補英文好?大家可否介紹下?點装備小朋友考好呢?

2016fire

loverbear 發表於 14-9-12 11:08
想為小兒報考TSL,但佢宜家英文一般,家中亦冇請姐姐,所以想請教下大家知吾知邊度補英文好?大家可否介紹下?點 ...

首先學校網頁U-tube 有介紹收生準則, 副校長提過英文能力好重要, 因為面試時會用英文要求小朋友做一些動作或完成某些工作. 若小朋友英文能力聽/講都唔太好, 咁做唔到就無分. 而其他就要考下自理能力/禮貌同合作能力. 如果英文唔太好, 而重有時間的話就比多些機會佢操好聽講能能力. 否則好難入到.

我個女都無特別在外面補英文, 只在幼稚園學校上補習堂咁囉. 屋企都無同佢講英文.

loverbear

多謝你,我已睇左u-tube,知道英文好重要,因小兒都係係一般學卷幼園讀,所以一定要出去補下,所以煩緊報邊間報咩課程好,因出面又拼音又小一面試班,太多選擇,好煩!

silvia_ng

原帖由 loverbear 於 14-09-13 發表
多謝你,我已睇左u-tube,知道英文好重要,因小兒都係係一般學卷幼園讀,所以一定要出去補下,所以煩緊報邊間報 ...

我兩個都係學券幼稚園出黎，冇補英文的。你可以比小朋友睇下英文電視，朗讀英文書。

loverbear

不過宜家越來越大競爭,成幾千人爭嗰150學位,名幼生又多,諗起我都驚,而啊仔間幼園又吾重英文,我真係冇乜信心自己教,聽人講考直資一般都考英文為主,見有d家長已成盆計劃,甚麼LCM,劍橋英文等,自己就迷迷惘惘咁,新手媽咪,真係吾好怪我,煩到你地小學家長指教,分享下經驗。

2016fire

loverbear 發表於 14-9-13 17:36
不過宜家越來越大競爭,成幾千人爭嗰150學位,名幼生又多,諗起我都驚,而啊仔間幼園又吾重英文,我真係冇乜信心 ...

妳小朋友今年讀K幾?

英文係要慢慢浸. 如果屋企無人講英文, 咁就真係要靠學校. 如果學校都唔著重英文, 只靠出去補習應該作用不大. 我個女只在學校補下英文, 外面就無補過. 不過我知有小朋友去英國文化協會同私人到屋企教. 私人教而家應該都唔會太貴. 但如果出去補又唔係一齊上堂, 真係唔知教學質素.