如果小朋友讀得唔開心你會唔會比佢番香港？

karennmokk

如果小朋友日日打黎喊，好唔開心，而且覺得好辛苦，唔想留係英國想番香港你會唔會比佢番？

亮燈

咁就要了解下發生乜野事先，之後再決定。

karennmokk

原帖由 亮燈 於 14-09-09 發表
咁就要了解下發生乜野事先，之後再決定。

小朋友話習慣唔到當地生活，一日先得一兩個鐘頭堂，而且番學聽唔明老師講咩(係香港讀開國際學校)

scso

回覆 karennmokk 的帖子

第一年去讀？可能未揾到伴，過一陣會好，我仔第二天己識晒全房同學，一房住八個學生算多嗎？全房連埋我仔得兩個華人，其它幾個係俄羅斯及南美人，我仔開心到有時忙記打電話比我，激死我

亮燈

karennmokk 發表於 14-9-9 20:27
小朋友話習慣唔到當地生活，一日先得一兩個鐘頭堂，而且番學聽唔明老師講咩(係香港讀開國際學校)



  ...

小朋友年紀細？阿仔讀year 10，一間房兩個人，同房係香港人，都識左好多外國同學，今日剛去利物浦一天遊，好開心。

karennmokk

原帖由 scso 於 14-09-09 發表
回覆 karennmokk 的帖子

第一年去讀？可能未揾到伴，過一陣會好，我仔第二天己識晒全房同學，一房住八個學 ...

佢係第一年去讀

karennmokk

原帖由 亮燈 於 14-09-09 發表
小朋友年紀細？阿仔讀year 10，一間房兩個人，同房係香港人，都識左好多外國同學，今日剛去利物浦一天遊， ...

已經yr12

亮燈

karennmokk 發表於 14-9-9 20:53
已經yr12

有冇問學校了解下？

scso

回覆 karennmokk 的帖子

你小朋友係香港讀國際學校應該好快會習慣D英文發音，叫佢試一排先啦，了解下佢有什麼問題家長可以向學校反映，我仔去到都唔知聽到有無一半，佢又唔會問老師，佢話估到一半明白，但佢大膽好易識朋友，同學仔差不多年紀很快己玩埋一齊，呢兩日都同同學仔打波，起初我都怕呀仔唔習慣咸，我要迫住留多幾天陪佢，點知佢都ok，當日趕火車走果時忙記big hug錫下呀仔，反而爸爸很擔心不安，係火車一小時由已打了三次電話比呀仔

亮燈

scso 發表於 14-9-9 21:26
回覆 karennmokk 的帖子

你小朋友係香港讀國際學校應該好快會習慣D英文發音，叫佢試一排先啦，了解下佢有 ...

你阿仔好叻，我阿仔就被動，冇咁大膽。

scso

回覆 亮燈 的帖子

但一房八人好似多咗D,要G12 , G13先可住一人房，最唔方便係連微波爐都無，房間無水飲要落樓下攞，請問租校服每人有幾多套替換？我你派得兩件恤衫，一條西衭，一條呔，一件校褸，一套體育服，好似唔多夠替換，平時係香港着一次洗一次，唔會着幾日先洗，請問你們學校派幾多套校服？

Flowerlam

karennmokk 發表於 14-9-9 20:53
已經yr12

男定女？可能未識到新朋友，如果識到就好快適應到。
再睇多1星期先，然後同老師傾下小朋友情況。
如果真係唔適應都冇辦法，始終個個人都不同，
要認真考慮！

smallfoothk

可能有思鄉病，就最怕，先安慰小朋友，試上一個term先，如不能，只好回來。

Macau媽媽

我剛剛都同女傾左一陣, 佢心情好差, 仲喊左一陣, 我問佢咩事, 佢話同學偷左佢筆盒, 我話你有冇同先生講, 佢話有, 但個先生吾多理佢, 我同佢講叫佢同班主任講, 我問佢同學有冇安慰你, 佢話有D香港人同學安慰佢, 佢而家好憎D鬼妹鬼仔, 成日偷嘢, 我同佢講下次自己要小心保管自己財物, 因為到到都會有D咁人Y

basbyy

我有個同事個女讀 HK local 學校 Form 4, 上年去英國跳班讀Year 12，又係去到唔知老師講乜，英文又唔係咁好，讀左一年返番香港，想讀返Form 5！但我見佢9月都未搵到學校收！！

basbyy

Macau媽媽 發表於 14-9-9 22:56
我剛剛都同女傾左一陣, 佢心情好差, 仲喊左一陣, 我問佢咩事, 佢話同學偷左佢筆盒, 我話你有冇同先生講, 佢 ...

我家姐就早早提醒我亞女要小心財物，D鬼妹鬼仔好鍾意唔問就『借』妳D野！！而老師係唔會理架！！不過我都預左亞女會唔見野架喇，因為今年幫佢睇『流年』，個師傅話亞女今年終於肯出國讀書，但佢今年有粒『賊仔星』，所以一定會唔見野！！！

Macau媽媽

回覆 basbyy 的帖子

最擔心就係吾適應跟吾上，兩頭吾到岸，另外想問各位，點解我問親亞囡都話冇功課做既？同埋佢話冇書？

亮燈

原帖由 scso 於 14-09-09 發表
回覆 亮燈 的帖子

但一房八人好似多咗D,要G12 , G13先可住一人房，最唔方便係連微波爐都無，房間無水飲要 ...

阿仔D校服係買，恤衫、褲就係香港買，校呔、校褸等就同學校買，都係買一件，因好貴。

smallfoothk

估是公校，偷嘢算小事，怕被人針對，欺凌等。

smallfoothk

很簡單好看間學校排名，越top多是目標性學校，要保持高排名及多比例學生入有名大學，功課多得很，尤其GCE起。