失敗了嗎！

annie40

時間表的目標是讓孩子學會自律，守信，自我約制。是很好的生活功課！其中要完成的內容並不重要。

因為要上班，把有限的溝通時間，浪費在提醒孩子做這做那，實在非常掃興，因此每個星期會為孩子做生活表，長假如聖誕，就做十多天的計劃表了。
經驗是：
策劃前，必須跟女女商量。例如：七時起床，十五分鐘梳洗，十五分鐘吃早點，要問佢夠唔夠時間，唔夠就要早點睡，再早點起床了。三時半到家，吃茶點，四時開始拉小提琴，拉多久她認為比較好，啊！20分鐘,ok! 媽媽給妳的中文寫字練習，20分鐘能完成嗎？好！就寫下5-5.20pm Chinese writing.，諸如此類，然後用張大畫紙開始畫表，每種活動旁要預留大空格，給女女畫上有趣插圖來描述活動內容，旁邊留下小框，譲她做完就給自己送朵小貼子花花，星星等。提示任務完成。總之把生活表弄得很有趣，做一會兒，玩一會，不知不覺妳都收工回家，大家咪吃飯，沖涼，看書吧！

漏做一兩項未貼上星星，孩子應該很清楚，週末時覺得完成得不錯，便帶她到書店挑本小書來獎勵她自己。

Ceci333

kenwong888 發表於 14-9-1 20:36
She is a liar!
Rectify her behavior asap!

呢個都要比空間，不要label她是liar。告訴她不要瞞，不要說謊，和說謊的問題在哪裡。你容許她犯錯，她才沒有說謊的必要和習慣。Rectify？ 要educate就真。Educate是包含比機會和空間改過。

annie40

以上方式，做了兩星期，孩子的勁頭慢慢減低，這時可以換個板斧，把2D生活表，進化為3D, 把各項活動做個小玩物，后面寫下工作時間，做完就由地上放回合子內。因為工作表孩子有份做，對自己的承諾大多了。

生活表讓孩子排列自己的作息玩樂有個方向，要易辦，清淅，簡單，合理，這樣才有持久性，從而培養孩子的自律。

babaxmama

很好的分享！

SmileSmileSmile

原帖由 little_yolky 於 14-09-01 發表
本帖最後由 little_yolky 於 14-9-1 12:26 編輯

過了兩個月的悠長暑假, 今日新學期新開始。

六歲人仔
有做都好好啦
你要讚下佢，貼紙都要送番張

至於佢講大話
你就要同佢傾下
習慣成自然就大件事
要罰，罰佢三日無得玩心愛玩具
要有獎有罰

放鬆啲

stefi

原帖由 little_yolky 於 14-09-01 發表
吓, 原來練15-20分鐘就得, 我阿女個老師話一個鐘的, 我咪信佢囉。我阿女學咗成年都仲未考得級, 老師 ...

考唔考級主要睇家長同小朋友考級既目的。
家長: 培養興趣or為左學業
小朋友: 目標or評估自己既程度
我女依家先學緊1級，老師同我講會由3級開始考，當俾佢有個繼續學既目標，所以我地先決定考

yovin

請問點解暑假咁長，你卻在開學前才發現她無跟你timetable呢？
因為我同細仔一同定下時間表後一星期，就發現有些未能做到的，然後再一同"講下數"去修改修改！

786

對不起，我這個大人也做不到。要我密集式工作一個上午，結果會好似我現在咁上下網又一日

little_yolky

yovin 發表於 14-9-2 04:28
請問點解暑假咁長，你卻在開學前才發現她無跟你timetable呢？
因為我同細仔一同定下時間表後一星期，就發現 ...

因為暑假初頭, 係見佢有做嘢的, 同埋, 一直佢都有揸住本書, 最大問題係我問佢佢話有做。
幼稚園時因為只有兩個禮拜暑假, 佢一向好乖, 所以我信佢就無check佢。信一個人又點會check佢呢。點知開學前同佢執書包, 我無聊攞起本小一picture dictionary考下佢, 佢一個字都唔識。如果睇咗兩個月書有乜理由唔識。見佢眼神閃爍, 我就知有問題, 於是嚴刑迫供下得出真相。

little_yolky

annie40 發表於 14-9-1 22:02
時間表的目標是讓孩子學會自律，守信，自我約制。是很好的生活功課！其中要完成的內容並不重要。

因為要上 ...

其實時間表訂好後係有同佢商量過的, 佢話好, 我就整到A3貼响牆度。我仲以為小學咁大個人就唔駛再咁多花臣, 不過, 都乎合國情, 可以滿足佢做圖工既欲望, 好, 試下做一張2D時間表先。Thank you

little_yolky

stefi 發表於 14-9-2 01:07
考唔考級主要睇家長同小朋友考級既目的。
家長: 培養興趣or為左學業
小朋友: 目標or評估自己既程度

學鋼琴的目的：

家長：培養小朋友琴棋書畫的氣質
小朋友：因為學校規定要學樂器, 所以揀樣最易學

家長+小朋友其實都唔想考皇家音樂試, 咁係唔係可以同老師講唔考試, 操下學校老師俾首考試歌仔就得?

little_yolky

Ceci333 發表於 14-9-1 22:12
呢個都要比空間，不要label她是liar。告訴她不要瞞，不要說謊，和說謊的問題在哪裡。你容許她犯錯，她才沒 ...

噚日學校派手冊, 我填手冊資料時見到有校規, 我指住其中一條同佢講：不可向長輩及老師講大話。佢尷尷尬尬咁响度笑。

個個都知道講大話唔啱, 但人人都天生識講大話, 仲可以點教佢, 點同佢講呢。唉！

MASAYA

little_yolky 發表於 14-9-2 10:03
學鋼琴的目的：

家長：培養小朋友琴棋書畫的氣質

我會覺得想小朋友投入學一樣野，一定要提起佢興趣，要提起興趣不外乎觸動佢神經或感動到佢，點解十年前咁多人學圍棋，因為一套棋魂大量名場面帶動大量讀者去捉棋，廿年前有jordan同slam dunk所以又好多人打籃球，如果搵到一首曲感動到佢，你想佢停一停彈琴都難，最近我老婆聽返久石讓既音樂會感動到想喊，幾廿歲人又話想彈返琴

Olympian

little_yolky 發表於 14-9-1 15:16
因為時間表係上午四小時, 睇一小時中文書, 一小時英文書/audio book, 一小時練琴, 一小時暑期作業/練習/寫 ...

唔好意思呀媽媽，我覺得個時間表太harsh.....4hrs靜態活動，好難每天都做到。打從時間表的設計，已經看到敗局。偷工減料真係好正常。1hr暑期作業很合理。Audio CD 一天聽一隻，一個暑假都已可進步不少，不一定要1hr吧。中文書既然是興趣，不放時間表也可。練琴如果真的想練1hr，何不分兩段時間，每次0.5hr?另外，放假1hrTV真的好合理，其實睇電視可以學好多野，又可以跟朋友有多一個話題。專家指孩子說謊，只有兩個理由: 一, 模仿大人; 二, 受到威脅。請你不要責怪女兒。不如一起檢討下個時間表。

little_yolky

Olympian 發表於 14-9-2 10:36
唔好意思呀媽媽，我覺得個時間表太harsh.....4hrs靜態活動，好難每天都做到。打從時間表的設計，已經看到敗 ...

大家討論下個時間表。

你覺得將一日時間劃分兩段唔好嗎? 半日做完計劃內事務, 有半日可以自由玩, 看上去靈活度大啲喎。咁上午流流長, 8-12有四個鐘, 如果只安排練琴半個鐘、聽CD一節、做暑期作業/練習/寫作一個鐘, 咁唔會太閒嗎?

MrBeast

little_yolky 發表於 14-9-2 10:08
噚日學校派手冊, 我填手冊資料時見到有校規, 我指住其中一條同佢講：不可向長輩及老師講大話。佢尷尷尬尬咁 ...

我就借本classic 狼來了,之後再加salt + vinegar 話如果第講乜野都冇人信咪好慘.

ps, 一些學者說ability to tell lies is a sign of intelligence.  I wouldnt lose sleep over it but obviously need to guide them onto the right path.

little_yolky

Olympian  所以我係讚成上興趣班的。


佢都有興趣班的, 不過主要集中响星期六, 要學鋼琴、芭蕾舞、唱戲, 暑假加多游水兩日同耍纓槍, 停咗芭蕾舞, 因為撞時間。

MASAYA

little_yolky 發表於 14-9-2 10:44
大家討論下個時間表。

你覺得將一日時間劃分兩段唔好嗎? 半日做完計劃內事務, 有半日可以自由玩, 看上去靈 ...

你個時間表有冇break? 係連續四個鐘定每件事中間有個break? 如果目標距離遠小朋友就好易放棄，目標短，見到𥌓光先會向前行，當然有d小朋友專心起上黎勁過大人，不過普遍都唔係