失敗了嗎！

little_yolky

過了兩個月的悠長暑假, 今日新學期新開始。
暑假時, 我幫囡囡訂好時間表, 叫佢依時做。主要上午看書/練琴/做功課, 下午全部free time。問佢, 佢又話有跟住做, 我當然相信佢。點知响暑假最後一日.......

原來六歲既小孩子係唔可以相信的, 佢無跟time table練一小時琴, 只練15分鐘, 無聽audio book, 無做練習, 無練寫作。一日到黑只是看中文書, 做圖工, 買咗10本英文audio book佢只係聽咗2本, 之前小一既教科書唔明白又唔趁暑假溫番追番。我問佢究竟想點, 係咪想日日補習, 佢又話唔想, 因為會無咗free time。我同佢講想自由就要自律, 唔自律既人就無自由可言, 好激氣, 想嘔血, 白白欺騙咗我既感情, 以為佢咁乖咁聽話, 好失望。

失敗了嗎? 所有小朋友都要迫先做的嗎? 一定要媽媽變怪獸嗎?

MASAYA

係失敗左，係你失敗左，佢冇失敗，佢冇做唔到自己訂既時間表，只係冇做你個時間表

子女唔跟父母時間表做好正常，只係失望，又唔係絕望，新學期開始喇，大家加油

little_yolky

MASAYA 發表於 14-9-1 12:36
係失敗左，係你失敗左，佢冇失敗，佢冇做唔到自己訂既時間表，只係冇做你個時間表

子女唔跟父母 ...

但係佢講大話同我講話佢有做。

MASAYA

little_yolky 發表於 14-9-1 12:38
但係佢講大話同我講話佢有做。

佢講大話畀你識穿左，咁佢失敗左
咁佢對講大話被識穿有乜反應？

little_yolky

MASAYA 發表於 14-9-1 12:41
佢講大話畀你識穿左，咁佢失敗左
咁佢對講大話被識穿有乜反應？

驚俾人鬧而已, 所以好想打佢一身, 唉。

tester5

你個女同我個女一樣, 都從來唔會跟我既時間表, 或講大話話有做, 原來冇.

我唸要6歲既小朋友跟時間表係難少少, 家長要時常打返去提下佢, 會好d, 我要阿女開始做功課時打比我, 做完又打比我, 佢記得打比我, 我應承放工去會獎勵佢.

佢記得打比我果日, 就表示佢跟我定既時間表...

little_yolky

tester5 發表於 14-9-1 12:47
你個女同我個女一樣, 都從來唔會跟我既時間表, 或講大話話有做, 原來冇.

我唸要6歲既小朋友跟時間表係難少 ...

真係中國人唔可以有太多自由? 佢番學時因為無乜時間, 係會跟時間表做的, 但暑假咁長咁好, 真係好浪費。做樣樣嘢都係打個折, 第日做人都係咁你話係咪死得。

HaYi

我個都上P3, 從來唔會聽話,  我好明佢個套, 我set 左大綱都只好隔時check 下有冇做, (其實佢有做basic 我已叫成功),  俾佢自己 set 的根本是玩多, 佢唔知死架, 如果跟晒就慘.  

新學期剛開始, 大家加油.

little_yolky

HaYi 發表於 14-9-1 12:58
我個都上P3, 從來唔會聽話,  我好明佢個套, 我set 左大綱都只好隔時check 下有冇做, (其實佢有做basic 我已 ...

我真係嬲到想操佢卷！

小時了了

little_yolky 發表於 14-9-1 12:25
過了兩個月的悠長暑假, 今日新學期新開始。
暑假時, 我幫囡囡訂好時間表, 叫佢依時做。主要上午看書/練琴/ ...

今年錯了, 明年再想改善方法, 仲有好多個暑假, 唔好咁上心. "舊事已過，都變成新的了", 新學年, 新開始.

暑假要女溫習, 我自己做法會信阿女做咗咩外, 另外我每星期幾晚會不定時 check 佢係咪有跟及做 ------- e.g. 睇書, 我真係會問小小書的內容或故事發展. 佢都試過同我講睇咗, 但當我抽問書一啲內容係講咩, 唔識答. 佢先至講日頭只係睇書內的相及圖, 無睇過啲字咁我會俾多次機會佢, 要佢聽日再睇多次. 而小女係呢個暑假都發生過幾次同樣情況.

所以, 我愚見係您要定時定候 check 吓佢嘅進度的.

加油呀!

LHLMother

要六歲小朋友每日自動波彈一個鐘琴, 好似誇張d喎!

little_yolky

LHLMother 發表於 14-9-1 13:10
要六歲小朋友每日自動波彈一個鐘琴, 好似誇張d喎!

但係佢可以全日做4、5個鐘頭圖工, 做到隻手痛, 第二日都仲要繼續做, 我只不過要求佢練一個鐘琴而已。

little_yolky

小時了了 發表於 14-9-1 13:03
今年錯了, 明年再想改善方法, 仲有好多個暑假, 唔好咁上心. "舊事已過，都變成新的了", 新學年, 新開始.
...

出年暑假佢就知死。

stefi

原帖由 little_yolky 於 14-09-01 發表
但係佢可以全日做4、5個鐘頭圖工, 做到隻手痛, 第二日都仲要繼續做, 我只不過要求佢練一個鐘琴而已。 ...

因為鐘意，所以先會投入同唔怕辛苦，所以圖工喺佢心目中係重要d。雖然佢冇練琴1個鐘，15分鐘都好呀，起碼佢唔係完全放棄

Mini-mummy

原帖由 little_yolky 於 14-09-01 發表
但係佢可以全日做4、5個鐘頭圖工, 做到隻手痛, 第二日都仲要繼續做, 我只不過要求佢練一個鐘琴而已。 ...

因為她喜歡圖工啊！

little_yolky

stefi 發表於 14-9-1 13:32
因為鐘意，所以先會投入同唔怕辛苦，所以圖工喺佢心目中係重要d。雖然佢冇練琴1個鐘，15分鐘都好呀，起碼佢 ...

你真係好樂觀。

chanwendy

我反而有啲奇怪, 你訂完時間表叫佢跟, 你又一路冇 check 吓佢係咪真係有做? 點會去到最後一日先發現佢原來冇做架, 就算你信佢, 都要睇吓佢有冇做錯啩.

little_yolky

chanwendy 發表於 14-9-1 15:03
我反而有啲奇怪, 你訂完時間表叫佢跟, 你又一路冇 check 吓佢係咪真係有做? 點會去到最後一日先發現佢原來 ...

因為時間表係上午四小時, 睇一小時中文書, 一小時英文書/audio book, 一小時練琴, 一小時暑期作業/練習/寫作遊戲。下午free time / 游水(一星期兩日)。
佢寫作最初有做, 好似寫日記咁同我交換。但後來話想寫故仔, 寫咗Frozen下集, 講到Elsa個老公被士兵殺死咗, 故事就唔知點再發展就無心機寫了。咁買咗啲好簡單既英文數佢做(佢讀中文數), 做到喊, 咁算啦, 唔做啦。後來又話想瞓耐啲, 8點至起身, 咁就無咗一個鐘, 咪無咗最後個個鐘囉。佢就自己縮短練琴做暑期作業, 又自己合併咗睇英文書同audio book變為只聽同睇audio book, 一tick做晒, 一日到黑只睇中文書/雜誌同做圖工。因為我放工返去佢成日攞住本紅樓夢, 仲問我媽咪free time可唔可以睇書, 咁乖我咪以為佢一直有睇書囉, 點知係一直只睇中文書。間中問佢有無聽audio book佢又話有, 妹妹仲要做幫凶話家姐有聽。

噚日執返學書包, 囉咗本小一picture dictionary是旦掀開幾頁問佢, 一個都唔識, 再被我嚴刑烤問至得出實情。我都警告埋妹妹, 叫佢醒醒定定勤力啲, 唔好一齊為非作歹。

Yanamami

chanwendy 發表於 14-9-1 15:03
我反而有啲奇怪, 你訂完時間表叫佢跟, 你又一路冇 check 吓佢係咪真係有做? 點會去到最後一日先發現佢原來 ...

我有相同疑問。6歲人仔，唔喺話事事要監管住，而喺要時時guide住，事關他們未有自制力。自動自覺？只有好少部份可以做得到，大部份做唔到喺正常既~~唔喺好似大人禁，老板掉低一句話，幾時幾時你就要交貨。6歲，初初喺要check住架，見她做到又再加d加d。你一次過交低4句鐘既“工作”俾她，expect她會正正經經同你做齊？荷求囉~番工咩？有時老師無番，就算有代課老師睇住，d小朋友都未必個個正正經經做他應該要做既野啦。

另，要同女講番，你對她講大話喺好失望。做唔到唔緊要，有錯就要認，但講大話喺絕不能接受。

Miss_Parker

其實小學生暑假不是應好好玩下休息下, 你女女有睇下書而不是打機看tv好乖啦! 講真大人定時間表都未必日日跟黎做! 你可同小朋友講講大話5岩, 但暑假做鍾意的東西一點都沒有錯! 大個D連暑假都無