大家如何訓練小朋友專注同坐定？

cheung_chit

我小朋友K2, 佢屬主動，不怕羞，善表達的人。佢不屬於曳，但唔係果種好安靜好定的。幼稚園面試時，我見有些小朋友，真係坐到好定，好正，同爸爸媽媽一齊睇書，但我個仔就會一路睇一路係度左郁右郁，要我哋開聲提佢先坐返定。

佢依家讀的學校教學都係比較活動，本身唔係好要求學生成日坐定定聽老師講的。平日佢自己都有安靜睇書的時間，但亦有坐唔定的時候。我好擔心佢出年小一面試時，冇我哋係身邊提佢，佢又會坐到郁郁貢，未正式問問題面試已俾人扣晒分。所以諗住來緊針對幫佢改善呢方面，想問有冇媽媽都有經驗可以分享一下？謝謝！