如讀一般幼稚園，點增強小朋友的英語能力？

Imjanety

原帖由 huggiesbb 於 14-08-30 發表
可否分享下你小朋友讀邊間n班？
因我都係覺得讀間貴啲 但有好嘅英語環境的學校好啲
學其他人講 另外出去補 ...

讀邊間唔講了，不算是重點，半日學費約$4k x12, 咁讀4年用20萬，貴過自己讀大學，諗起就覺得肉赤。不過佢其實有雙班主任，全英授課，每星期有普通話，應該會教少少中文（N班者）， 我都打算自己幫佢加強中文，學校係happy school! 有時真係好矛盾，想佢有愉快童年，唔想谷佢，但又想佢有競爭力，真係魚與熊掌！

Imjanety

原帖由 jade_h 於 14-08-31 發表
本帖最後由 jade_h 於 14-8-31 03:16 編輯

小兒今年k3，k1-k2上學期讀屋村幼稚園。本來以為課後再多看英 ...

我都怕轉環境英文會退步，其實只係返左三星期，已經同我講「I want water」，以前唔會無端端講英文句子的。我同佢讀英文故事，問佢簡單問題，佢又突然用英文答我（以前我用英文問佢，佢多數用中文答返我），所以我覺得成效都好高！ 聽完大家咁講，我都可能會偏向讀返私幼

Evachau

原帖由 Vickyblah 於 14-08-30 發表
哩個方法都可行，但哩啲幼稚園比較少。。。

係吖！一有offer已放棄了另外兩間跨區offer,但相對其他有學券的幼稚園學費也較貴！

happyapple

如果一心想上一般津校，幼稚園就算讀有好多net既，上到小學少了機會聽講，都會退步，這是我見朋友兒子的例子。所以除了幼稚園的語境，家庭的配合同之後小學的選擇都是重要。

rugbyfan

喺屋企同佢講多D英文，睇英文書，語言要日日用，否則會退步

muimui2012

原帖由 Imjanety 於 14-08-29 發表
我本身英文普通，不是native speaker。如果小朋友讀一般學卷幼稚園，你地會點培訓小朋友的英語能力？我想佢 ...

如果小朋友宜家讀得開心鍾意返學，而家長又負擔得起，好好考慮繼續英普k1或轉其他英粵K1，因我認同語境對外語學習的重要性。如選學卷幼稚園再外補英語，花的錢可能差不多，但亦需考慮小朋友放學後再去上課會否太累，和會否不夠自由玩嘅時間。

twk005

聽樓主甘講已經有了答案!!

Herobear

我揀咗有學券嘅，因為平。我自己真係覺得唔值，我讀大學都唔駛咁貴
揀得有學券真係預咗學術上嘅野自己教，其實冇學券咪又係要自己跟返
每日要花多好多時間去同佢睇英文書
只要持之以恆，佢英文唔會差過讀冇學券
不過睇你有冇咁多時間

Vickyblah

原帖由 happyapple 於 14-08-31 發表
如果一心想上一般津校，幼稚園就算讀有好多net既，上到小學少了機會聽講，都會退步，這是我見朋友兒子的例 ...

係呀。哩樣都好緊要。樓主你打算讀津貼小學嗎？如果係都係考慮因素之一

kuma_mama

原帖由 Linuslouis 於 14-08-30 發表
其實我都諗點加強英語，試過讀同聽(有
cd)的英文故事書，亞仔好喜歡喎，因係亞仔喜歡的McQueen卡通，每日都 ...

請問邊到有得買？多少錢？

megwong1

我個人既小小意見:
小朋友剛返村校N班, 估唔到有NET 一至五都30MINS 英文, (但國語只一星期一堂); 但始終大班, 25人, 須學校說分兩組上, 但覺得未必可以照顧到每個小朋友! 我細個日日上英文堂, 發夢多! 所有村校只可以提供最BASIC 既資源去學英文!

我打算亦問過專業人士, 在家最好每日同小朋友講5分鐘英文 (可以好簡單), 等佢地唔會抗拒! (大人唔叻咪都順便練習下/OR 搵D簡單英文書同佢每日講下). – 我就每日15MINS 同佢 English time.

我每個月比佢去學英文, 一星期一次 (因為已返全日, 唔想小朋友太累)! $160 個鐘, 一個月$640! 比起讀國際學校 5k-6k, 差好遠! 我本身勉強可以比小朋友讀5-6K 學校, 但對我黎講返全日學自理(同某D其他原因)緊要D, AND 5-6K 讀2-3 小時我覺得貴,所以最終揀村校!

HaYi

我識比較多小朋友, 學劵的多說會出去補, 但有成效的較少,

我2個都是 "非學劵", 大的已英小, 細的上K1,  佢地會好習慣轉channel, 可能每日對開不同人(老師同小朋友) , 我都開支大辛苦的, 不過佢地上左小學辛苦小D.

picture

原帖由 ricchlosc 於 14-08-30 發表
請菲傭

Are you kidding?

Linuslouis

回覆 kuma_mama 的帖子

Kuma_mama, 三聯有得買，但我在圖書館借的，諗住俾佢習慣看書，借書，其實隻CD 好悶，但亞仔好喜歡跟住讀，你可以試試吧！

luckygirl2011

我都有爭扎過讀國際幼稚園還是本地幼稚園，你們一心著重英語能力，但我反而覺得中文執筆寫字認字更難

loverbear

K1我小朋友都有私幼同學卷offer, 最後都係私幼,每月成5k,我都有付擔,不過諗真下,為左3年後小一之戰, 都冇辦法,當然啦,冇話讀私幼就一定有好小學收,但最少小朋友可以接觸普英,對佢一定冇壞,而自己最多都係洗少d,好過小朋友上到小學辛苦而後悔,因為我都buy呢句嘢"3-6歲係小朋友發展的重要階段",係會有人覺得我傻,幼稚園咋麻,洗乜呀,所以呢d真係好睇個人歡喜,冇話對錯!

twllc

我仔3年前讀私校n班，到k1時轉了有學卷幼稚園，讀左大半年發覺語境真係幾重要，單靠每星期1.5小時英文課真係唔夠，勁後悔（果間學校出名好有愛心，但中英都教得好淺好慢），結果k2我幫仔仔轉番私校英普班…

我鄰居仔仔讀有學卷學校，再另外一星期三堂（每堂2小時）讀英文黎keep，淨英文課學費都5k一個月…