排緊cac想去私人評估，請問協康定邁步好？（內容有啲長）

ecbee

大家好！睇到baby kingdom大家既情況，正正就係我依家要面對既事，無人理解亦無從入手！

囝囝係2歲時被老師認為有感統問題，當時知道即上網睇只知道可能會有自閉，於是好快就決定辭職，諗住同時間競賽，只要勤力啲做多啲訓練，就無問題，其間去過做初步評估，評估話囝囝係有啲遲緩，但唔屬於嚴重，只係大小肌張力問題，去多啲公園，上多啲baby gum playgroup同做家居訓練就可以，或者因為評估話囝囝只係擲界，好快可以追番，我有啲輕視……

過左半年，發現大小肌係好左（可多蹲下去），言語依然係單雙字（不過已比之前好），係守規矩方面明顯不能排好隊，要佢有耐心二、三分鐘都比較難，而且當有其他小朋友想玩佢既玩具時，會大叫到好似抽筋，就算只係碰跌左少少，囝囝會將餘下既都推跌佢（人地見到會覺得好無品）

多左發白日夢，脾氣難以控制，踫踫跌跌仲有（因為好鍾意跑，以前會撞頭），依家就變到好多時突然好大力跪落地

里啲所有問題，令到我又再次想尋求答案……係搵既時候，我發現囝囝可能有專主力和過動問題

依家瑪麗轉介cac，原來要成半年
搵協康同邁步，兩間都打過去問，自己覺得好似協康無甘搵錢（起碼協康職員會問我去左健康院未，我話佢知已經等緊轉介，職員聽到後都話唔洗初步評估，直接做心理服務評估），但邁步就要做初步評估，而且做完後，好似係每樣分開再評（可能我問得唔好或因為價錢問題），不過我都希望里度既媽媽俾啲意見，究竟我去邁步做初步評估先，定去協康直接做心理服務評估好？

請俾啲意見，謝謝！