用戶登入
用戶名稱:
密      碼:
搜索
教育王國 討論區 特殊教育 因小朋友患有先天腦病,想放棄撫養權!
查看: 62373|回覆: 130
go

[其他] 因小朋友患有先天腦病,想放棄撫養權!

Rank: 3Rank: 3


408
發表於 14-8-25 18:45 |顯示全部帖子
我個8個月大B女患左小腦症及巨腦回,醫生說佢將來會行動不更,及智力低下, 命也會比較短, 我知道後很傷心及難過, 好唔開心, 日日對住我個B女,我好多野諗, 想了結左佢生命,免得大家受苦, 但又怕坐監, 我不是個好爸爸, 我想放棄撫養權.

Rank: 3Rank: 3


262
發表於 14-8-25 19:30 |顯示全部帖子

引用:我個8個月大B女患左小腦症及巨腦回,醫生說

原帖由 kimluibaby 於 14-08-25 發表
我個8個月大B女患左小腦症及巨腦回,醫生說佢將來會行動不更,及智力低下, 命也會比較短, 我知道後很傷心及難 ...
爸爸,彼此不要放棄!
生命是上帝給我們的禮物。
明白作為父母,看不見小朋友將來,
而且身體受苦;是最難過。

你先找家人及朋友傾訴一下,
再找社工協助,總有方法解決問題。
不要放棄,這裡的父母也會大家扶持!



Rank: 3Rank: 3


408
發表於 14-8-25 20:08 |顯示全部帖子
回覆 carmenkmlo 的帖子

多謝你的鼓勵, 知不過我心裡真的很難過, 頭也經常痛!


Rank: 4


727
發表於 14-8-25 20:31 |顯示全部帖子

回覆:因小朋友患有先天腦病,想放棄撫養權!

爸爸,我是在一間嚴重智障學校做的, 看見有很多不同殘障的小朋友,其實佢地都好可愛,都有好多人愛錫,包括自己父母。

我地有一個學生甚至嚴重到不能看(盲)、不能聽(聾)、不能講(啞)、不能行動(坐輪椅)、不能食東西(胃造口),須然是這樣,但她每天的樣子都是充滿笑容的,非常可愛,她父母都很愛錫她,不要放棄,祈禱交托,天父會拖帶你行每一步,Amen!



Rank: 6Rank: 6


5302
發表於 14-8-25 22:55 |顯示全部帖子

回覆:kimluibaby 的帖子

爸爸唔好做傻事。



Rank: 2


39
發表於 14-8-26 00:55 |顯示全部帖子

回覆:因小朋友患有先天腦病,想放棄撫養權!

我知道你一定好痛苦,但BB冇罪,佢一出生已經有病,但有家人愛錫係佢唯一幸福,你要撐住呀!



Rank: 4


884
發表於 14-8-26 08:17 |顯示全部帖子

回覆:kimluibaby 的帖子

爸爸你來得呢板證明你都好錫你小朋友,唔好放棄呀,如果覺得照顧有困難,可以搵醫院社工,佢地會提供協助。



Rank: 3Rank: 3


408
發表於 14-8-26 08:41 |顯示全部帖子
回覆 DollyCC 的帖子

多謝你地咁多位的回覆! 我覺得面對個女, 好似無哂希望.我個女到現在都唔認得我地!
如果,每日咁對住個女, 我會痴線.
如果係咁, 我倒不如將佢寄養係宿社度, 請問有無這類宿社?

Rank: 3Rank: 3


408
發表於 14-8-26 08:57 |顯示全部帖子
回覆 衰豬仔 的帖子

我個女有時都會對我笑, 但一想到將來, 我就覺得無希望, 好傷心!
我想做一個好爸爸, 但我不是一個好爸爸. 因為我有了結B女的念頭.

Rank: 6Rank: 6


5616
發表於 14-8-26 09:20 |顯示全部帖子

回覆:因小朋友患有先天腦病,想放棄撫養權!

本帖最後由 Kyle 於 14-8-26 18:45 編輯

唉!點講呢!當年我同社工問咗可否放棄撫養權,社工見我情緒好劣都建議我放棄,她話父母一簽紙就會送走佢,以後與我地無關。咁我問:「可唔可以探下佢,問下有無人俾夠衫佢著和俾夠野佢食。」社工話一概唔再關我地事,社處送佢去邊到住或去邊個家庭都唔會話我地知。

唔知以上安排係米你所想?

唔知點安慰您!生命好多時都是無奈,將個痛苦習慣到變咗無乜野,日日個心被條杉拮住,拮拮下就會慣咁。

捱下捱下你對生命看法會變,當然你現可以諗清諗楚放棄撫養權係米你要的方法。這個放棄,唉!瓜咗可能心會舒服點,日日都知道有個仔女在唔知邊處,唔知其他人點對待佢,個心可能會長另一條更大的杉出來。



點評

fatpam  講得好中,痛苦變成習慣   發表於 14-10-26 23:06

Rank: 5Rank: 5


2607
發表於 14-8-26 11:43 |顯示全部帖子
Kyle, 你個仔點樣呀?
我個囡雖然幾生猛食得走得,但認知和自制能力很差,就快七歲從來沒一片消毒膠布可貼在她身上多過十分鐘。
我自己也時時想,若亞囡有意外或重病,千其唔好有得拖,我無法想像她怎樣在醫院接受治療,好怕她掙扎,拔喉扙針傷到自己...../

Rank: 6Rank: 6


5616
發表於 14-8-26 11:54 |顯示全部帖子

回覆:muimui5 的帖子

本帖最後由 Kyle 於 14-8-26 13:32 編輯

多謝您問候我仔。

係呀,樓主情況我好明白,唔想揾另一個差過樓主個囡嚟比。比完樓主個心都不會舒服。

咁多年,我自己都接受唔到啦!什麼自己個仔得父母會愛錫佢!什麼這是上天的禮物!大整古就有份。

唯有時間啦!可以好漫長!時間可以醫治一切。人點唔開心,地球也無情地繼續轉,唔會為一件件的人間悲劇而停低不轉,唯有自己調節下,習慣下。自己無勇氣去死就開心唔開心也得過每一天,咁就儘量叫自己開心啲地過啦。到今天,我習慣了一排,我信生命充滿希望,有希望才是生命。過一排,好多看法都會變。
祝福樓主!




Rank: 14Rank: 14Rank: 14Rank: 14

醒目開學勳章 王國長老


58751
發表於 14-8-26 13:26 |顯示全部帖子
曾經有次做義工, 服務對象係失明人士, 果日我地相處左一個上午, 失明人士話, 佢有時會返大陸做義工, 因為覺得自己已經好幸福, 起碼自己有屋企人鍚, 佢好多院友, 自細都係孤兒, 俾父母放棄左

唔好誤會, 我無意亦無權去批判你想去點做, 只係希望提醒你一下, 原來一家人可以一齊已經係幸福

加油!

Rank: 4


832
發表於 14-8-26 13:29 |顯示全部帖子
樓主, 我都曾做前線照顧嚴重智障患者(成人)的工作人員...
我告訴你, 好多家長縱然把孩子養育到20歲 / 30歲 / 40歲/ 50歲 (家長好命未死)..
內心仍然內疚,不安,心感痛悲, .....
但佢地一班家長仍然堅持住...


每每看著孩子, 那怕只有一點點的進步, 家長已經可以好好好開心....
明白你想逃避, 明白你有許多許多的不安...
我唔係社工 / 心班輔導員....
只係我地作為一班前線人員, 好樂意提供協助....
我地呢班無親無故的員工, 都好比心機教導佢地, 陪佢地一齊成長....
可能你話我地對得幾個鐘, 梗係當玩咪又半日...
我話你知...唔係架....

只係因為, 我希望我地的堅持, 教導, 信念....
帶希望給學員, 給家長..
希望少少都好, 幫你地減低壓力...幫你地分擔辛苦...
亦同時, 使你地明白, 每一個生命都有佢的意義...

身邊有人能為你分擔憂慮嗎???
希望一眾家長, 每一句都給你力量...
相信自己能做的, 相信B女到世上係有意義的...

加油??? 不用了....呢刻找感受到你的掙扎, 為自己的良心掙扎, 你係一個好爸爸來的....
你好盡力了....我們欣賞你這8個月的付出呀.....
支持住你~~~


Rank: 3Rank: 3


408
發表於 14-8-26 15:32 |顯示全部帖子
回覆 Kyle 的帖子

感謝你分享左你內心的感受給我, 我也知道我同B女的路會很不好走. 如果時間真的能醫治一切, 我希望能感輕我同我老婆的痛苦. 經過B女件事後, 我同我老婆再無勇氣生第二個了.........

Rank: 3Rank: 3


408
發表於 14-8-26 15:33 |顯示全部帖子
回覆 Charlotte_mom 的帖子

感謝你給我正面的鼓勵, 希望真的能澸輕的負面的想法!

Rank: 3Rank: 3


408
發表於 14-8-26 15:34 |顯示全部帖子
回覆 貓山公主 的帖子

你地工作人員真的很有心, 感謝你給我正面的鼓勵, 希望真的能澸輕我負面的想法!!

Rank: 6Rank: 6


5616
發表於 14-8-26 15:39 |顯示全部帖子

回覆:kimluibaby 的帖子

終會有一日有路行。It is a matter of time only.

至於生唔生多個,隨心啦!現在做你認為舒服的事就可以了。去到每個階段都會有不同的想法,今日以為自己無路行,幾年後回想返,可能都忘記了今日的傻想,或就算記得都一笑置之。

朋友,人生有起有跌。試過什麼是苦,先會珍惜樂的時間。你跨得過呢關,之後有什麼困難可以阻得你呢?



Rank: 6Rank: 6


5302
發表於 14-8-26 16:07 |顯示全部帖子

引用:終會有一日有路行。It+is+a+matter+of+time

原帖由 Kyle 於 14-08-26 發表
終會有一日有路行。It is a matter of time only.

至於生唔生多個,隨心啦!現在做你認為舒服的事就可以 ...
Kyle真係講得好好,係我地班家長的心聲。希望你個仔早日康復。

樓主,默默祝福你。




3208
發表於 14-8-26 16:45 |顯示全部帖子
提示: 作者被禁止或刪除 內容自動屏蔽