點樣可以積極面對

Gracemm

自己小朋友發展明顯遲緩。自卑到無辦法同親人朋友交流。做野都無心機，而家係全職媽媽，日對夜對壓力大到想死。

icanhear

是，會很大壓力！

要間中take a break,因為你都要叉電！

另外，有無其他家長可以分享下？傾下？聽下其他過來人的分享？看看成功追上進度的小朋友是怎樣訓練的呢？增加正面能量！

Gracemm

我自己唔識有類似情況嘅家長。

Hopesforlife

你好, 有一概念請緊記:如你不能接受小朋友情況，你將來如何能教導自己的小朋友正面面對自己的情況而去努力？如會取笑你的人並不是你朋友，我從不介意告訴別人我小朋友有腦痳痹情況，因為我知道我的朋友只會鼓勵我。

如果你唔開心其實小朋友是感受到的。你不需要自悲，我覺得情況只等同你比其他人窮，窮是不需要自悲，窮亦可以快樂，是嗎？

我經常提醒自己只要向前望才會有進步的機會，我亦見到我囝慢慢地進步！如可以可以找些兼職工作，分散一下注意力。

無論遇到什麼，我們都要記得要開心！媽媽努力呀！

hannalam

加油，三年前我又係遇到一樣情況，當時好徬徨。

Gracemm

咁你點算吖

cp2004

回覆 Gracemm 的帖子

好同意hopesforlife 的說法. 朋友一定不會笑你. 我仔小一時, 有同學生日會, 有媽咪笑有同學週記只寫"今天吃了一隻蕉, 很開心" 不知所謂. 我就大大聲話, 是的, 小兒來的, 他有讀寫障礙, 看不到的傷殘. 可免的功課就不用寫.

仔仔由小自大見我如此面對, 我還教他有事一定要出聲, 立即解決.

Gracemm

Thanks so much dear JM. God bless your kind words.

LanEE

回覆 Gracemm 的帖子

可講小朋友的問題出來彼此交流下心得嗎？呢度好多同路人㗎！

Olympian

如果面對親友會太大壓力及影響情緒，就別免強應酬。親友不明白你的情況，有時候既未能安慰你，又要花心機時間向他們解釋自己小朋友是什麼一回事，可能令人更累更洩氣。 發現孩子問題的第一年通常心情最糟，第二年感覺會好些，第三年已經可以面對。大部份家長心路歷程都係咁。要點時間適應接受。認識多些同路人家長，跟他們傾訴，相約一起出街玩或到對方家玩都好，跟他們和他們的小朋友相處會輕鬆很多，有咩唔開心通常一講就明。到自已心情好返一點，再面對其他人。

DollyCC

親友唔明架，話大大下識，呀邊個邊個4歲先講野，遲行好福氣。。。。聽你排特殊又話唔好排，入左出唔番。聽左笑下，答:排左可能唔讀，係呀未識呀，點教呢？你得閑來教下，我唔識呀！其實佢地吹水多。下下上心人都顛。其實小朋友有福氣既，遇到我地，有心機教，幫助佢地既父母。今日既付出有收獲既，第日小朋友長大一定好孝順。

taylortse

我仔都係有明顯既發展遲緩，我發現果陣都有唔開心左幾日，跟住日日教，同佢出去上堂訓練，雖然到而家都未跟得切同年既小朋友進度，但係睇到阿仔有明顯進步已經好開心，黎緊九月已經要揀小學，真係好大壓力，不過我都係已平常心去面對，樓主，你個小朋友幾歲？如果重細，五歲前跟得返就可以嫁喇，加油！

ecbee

我都係今年二月學校覺得囝囝有感統問題，去健康院轉介瑪麗兒科，發現係遲緩，依家仲等緊做全面評估。
其實學校發現同我知道後，我就即刻辭職，諗住可快快追上，但原來自己既心理壓力係好大，唔係開放同朋友講或想做好就得，我見囝囝除左感統問題，言語上同情緒上都有問題，自問自己EQ真係唔高，係甘既情況下，我自己都唔知點先可以幫到囝囝……

miafan

你好呀Graeme,我個bb有病所以發展遲緩，佢而家五個月，成日都要去e院覆診和上物理治療，但我從來都無一刻灰心過，作為阿媽就一定要比正能量小朋友，要去帶動佢，覺得有壓力多和家人朋友傾下，再唔係我地都可以交流下咖，有時追追遂逐會好辛苦，活得開心最重要呀，加油

pinkdoll

DollyCC 發表於 14-8-19 10:26
親友唔明架，話大大下識，呀邊個邊個4歲先講野，遲行好福氣。。。。聽你排特殊又話唔好排，入左出唔番。聽 ...

親友唔明架，話大大下識，呀邊個邊個4歲先講野，遲行好福氣。。。。<-------呢啲真係唔好聽, 我當呢啲係善意既安慰, 講真到4至5歲時, 仍然唔識講嘢, 又或者仍然行得唔好, 啲人又會話做乜佢咁樣既? 你重乜唔一早去處理呀??

LivedLee

每人際遇也不同，不用下下跟人比較。與其盲目跟隨別人的步伐，不如為他打好根底，backup佢去開拓以後的路，退一步亦令他能開心的過每一天。畢竟一切一切也不是他的錯。

我也在學習中……

WinryRockbell

我孖女兩個都發展遲緩，但實在忙到想呻下有幾大壓力既時間都無，大家一齊努加油啦。