教育刮風暴 減派唔得掂

elbar

適齡中一學生人數減少，過去一年已在中學刮起縮班潮，暑假後迎來的新學年，縮班風暴料更上一層樓！教協早前已搶先出招，向教育局局長吳克儉（吳得掂）下戰書，並提出幾項措施，包括明年全港中學派位時，中一每班人數由二十六人減至二十人。這個建議明顯是在過渡期間，保教師飯碗，但要中一再減派，對家長及辦學團體卻是一個大忌，教協懶理民意，直接威脅吳得掂，若不能成功處理減派便下台！只是，吳得掂今次的官運與升中學生綑綁在一起，教協想贏此戰實在不易。


香港教育專業人員協會（教協）在今年中一派位之後，已對中一新生人數表達憂慮，其後提出建議，揚言要發起連串行動，更要求教育局在未來落實三招，包括建議明年全港中學派位時，獲派三班的中一或以下學校，降低開班線至二十人；收取一名融合生相等於兩個學額；並加強中一減派等。


該會直言，減生情況比政府評估更嚴重，「去年要縮十二班，今年要縮四十幾班」，為此教協決定籌辦連串行動，如發起校長聯署，聯同中學校長約見吳克儉等，爭取中學進一步減派。不過，教協的建議明顯偏重工會利益，對家長及其他團體來說，並非好事。


沒有家長不希望子女入好學校，Band1中學更是大部分升中學生的首選，但教協建議中學進一步減派，極可能造成年前學界爭論的現象，即好學校亦要加入減派行列，那麼升中學生入Band1的機會勢必受影響，這一點，能否過得了辦學團體一關，還是未知之數，更何況家長？


不過，教協似乎已敲定用政治手法處理教育問題，直接將吳得掂的官位押上賭枱，但吳得掂會愚蠢地接招嗎？或者吳只需一句：「要減派，問過家長先」，教協已被推到學生及家長的對立面，擺人上枱，或落得被擺上枱的下場。

hkpapa852

大多數學校其實都唔想收咁多唔啱Banding嘅學生，話辦學團體會反對？寫呢篇野嗰個瞓醒未？

long0

估計有更多學校會要求增加留班位解决收生問題  
—來可以増加时間幫同学補底  
二來可以減少因生源不足引起低Banding上流問題

goodenough

long0 發表於 14-8-10 00:00
估計有更多學校會要求增加留班位解决收生問題  
—來可以増加时間幫同学補底  
二來可以減少因生源不足引起 ...

如果因為收生太濫然後又要同學留班，咁點解當初又要收咁多唔達標學生回來？浪費了納稅人金錢都唔去計較，只是怕浪費了同學一年時間。如果學校有權自行決定減派到一定數量，除了可減輕程度錯配的風險又可保持受歡迎學校的學位數量不變。

假若冇咁受歡迎的學校，明知錯配會嚴重而又為了面子唔自願決定減收，到時學校整體成績被拖累就咎由自取。說實話，如果可以將成績未達標的同學勸退的，我相信都會有唔少學校會考慮這樣做。既然如此，何不當初少收幾個同學！

fatman69

教協建議開班線降至20人，即21人兩班，41人三班（平均不足14人一班）。
為保教師飯碗，真有點過份。

khmama

原帖由 fatman69 於 14-08-10 發表
教協建議開班線降至20人，即21人兩班，41人三班（平均不足14人一班）。
為保教師飯碗，真有點過份。



  ...

呢個係針對殺校邊緣嘅學校，依家減到20人，留住間學校唔殺，到2017年升中人數升返，就唔使煩。

fatman69

弱校始終無人讀，留都無用。
如果先縮班後擴班，咁都情有可原。

checkylam

fatman69 發表於 14-8-11 01:19
弱校始終無人讀，留都無用。
如果先縮班後擴班，咁都情有可原。

強校收唔晒, 迫住去弱校, 到時就唔會收唔晒了,
不過作為家長, 當然希望多啲強校, 但係如果小朋友唔係咁強, 都寧願去弱校, 咁對小朋友都係好事,

long0

寧為雞口 莫為牛後

long0

goodenough 發表於 14-8-10 00:37
如果因為收生太濫然後又要同學留班，咁點解當初又要收咁多唔達標學生回來？浪費了納稅人金錢都唔去計較， ...

收生如果係學校話唒事(如直資)  佢都想收少幾個B1尾/B2學生

long0

係我睇法係學生的級數

學生
B1 - 小學完成品
B2 - 小學半製成品
B3 - 小學原料

B1學校教師教唔掂B3學生
B3校亦都教唔掂B1學生

只有學生 同 學校匹配先可以出現最好效果
盲目追求Banding最後損失都係學生 同 家長

fatman69

B3校都有好壞之分，有些好的B3校在外評方面年年「增值」，家長讚賞，有口碑自然收到生。
反之有些B3校年年「減值」，自然收生一年比一年少。
不要經常強調B3生要入B3校，反之是要入些有「高增值」學校，學生才有進步。

goodenough

fatman69 發表於 14-8-13 00:17
B3校都有好壞之分，有些好的B3校在外評方面年年「增值」，家長讚賞，有口碑自然收到生。
反之有些B3校年年 ...

唔怪得之EK已成為band 3學校的校長、老師的聚腳地！

又唔怪得之咁多小學已成為band 3中學的經理人，不停向學生推介！

「物必先腐而後蟲生」，那怕是百孔千瘡的制度，只要小學推介成功、只要EK有家長相信，收到好學生就可順勢「增值」！

old_baby

long0 發表於 14-8-12 17:44
[size=15.333333015441895px]只有學生 同 學校匹配先可以出現最好效果
[size=15.333333015441895px]盲目追求Banding最後損失都係學生 同 家長

呢兩句得罪好多怪獸家長了.

fatman69

回覆 goodenough 的帖子

可能閣下不明白甚麼叫「增值」？「增值指標」是由教局派人每幾年一次到校作出評估（即外評），把學生由中一入校時至中六離校時作出比較，看banding有沒有提升。這和收到好學生與否沒有關係；假如某校中一全收B1生，但教學不善，以致畢業時有一半變B2，這就是「負增值」；若學生入校是B2，畢業變B1，這就是「正增值」。
學生「正增值」，家長是感覺到的，該校自然有口碑，不論甚麼banding，收生也不難。
一些差學校，年年「負增值」，家長自然不會再推介。所以點解很多縮班中學想收多幾個人都咁難，只怪教學質素欠佳，以致收生不足，「冰封三尺，非一日之寒」。

hkpapa852

fatman69 發表於 14-8-13 02:35
回覆 goodenough 的帖子

可能閣下不明白甚麼叫「增值」？「增值指標」是由教局派人每幾年一次到校作出評估 ...

學校到底是否有"增值", 坦白講, 唔係用家, 根本唔會知 (你真係信評核報告嗎? 你完全明白每一項目的評分準則嗎?)

要減少錯配, 最好就係教育局"強制"規定所有直資同官津中學, 必需詳盡公開高考成績俾家長參考.

"只睇成績會唔會唔公平, 膚淺咗D呀?", 係會嫁, 但係香港教育制度就係咁, 成績決定一切, 你唔用呢D公開一致的評估機制既成績嚟比較, 仲可以攞咩嚟比較? 鬥有能力 (咩能力? 點鬥?)? 鬥有自信心? 鬥膽色? 定鬥愛國?

fatman69

説得對，所以對肯公佈成績的學校多有好感，相反，放榜後在校網對成績完全不提的就叻極有限。

little_yolky

hkpapa852 發表於 14-8-13 08:37
學校到底是否有"增值", 坦白講, 唔係用家, 根本唔會知 (你真係信評核報告嗎? 你完全明白每一項目的評分準 ...

可唔可以公布埋該批DSE學生當年入中一時的banding比例, 咁就可以最客觀透明了。
例如, A校DSE成績看似唔錯, 但原來該批學生原本有80%都係band 1, 但到最後只剩番60%成績好的。相反, B校學生入學時只有10%係band 1, 但到最後有50%成績好的, 咁就一目了然。

goodenough

fatman69 發表於 14-8-13 02:35
回覆 goodenough 的帖子

可能閣下不明白甚麼叫「增值」？「增值指標」是由教局派人每幾年一次到校作出評估 ...

請不要誤會，我所講的「增值」的跟本上跟你講的「增值」是徹頭徹尾的不同。我講的「增值」就是用來諷刺你指的「增值」。我就係奇怪竟然還有人信教局的外評報告和那些增值指標！我只會說，我好慶幸我當初沒有相信這些指標。

goodenough

hkpapa852 發表於 14-8-13 08:37
學校到底是否有"增值", 坦白講, 唔係用家, 根本唔會知 (你真係信評核報告嗎? 你完全明白每一項目的評分準 ...

你真係信評核報告嗎? 你完全明白每一項目的評分準 ...
這個就是重點！