在不同學校讀2年K3？

SMFM

原帖由 rgalc 於 14-08-06 發表
與其要諗repeat K2, 重讀差不多的課程一年，為何不讀PN，慢慢一步一步上，小朋友會讀得開心D！



  ...

多謝你的意見。
以小朋友現時的自理及學習能力，再上PN班好像得浪費，而且K1都是著重於自理及適應方面，所以寧願多讀一年K, 於repeat K2 / K3 時轉去另一間程度較深的幼稚園學習，希望可以打好啲基礎。
當然大前題都要有啱心水嘅幼稚園收先行得通。

crispin

好多教育心理學家講嘅足齡入學，係指3歲，唔係兩歲8個月
人家細b想做大b，一方面係競爭力問題，另一方面係體能上"比下去"
好似寫字咁，太細係控制唔到枝筆架！仲有自理能力咁
點解要迫佢做細B呢？！
既然都要重讀，不如由N班讀起啦！學卷只可以用3年，點都有一年要俾貴學費！
坦白講，細b都咁難搵學額，我好懷疑你個超細細b點可能搵到間好學校！但如果佢以年頭b身份去考，佢好可能有幾間offer！
何苦呢？
仲有，K3下學期開始講小學嘢，點寫手冊之類，當人人高高興興升小學，但你嗰個去K3？！
可憐豬~

lauwingtai

SMFM 發表於 14-8-6 09:18
多謝你的意見。
以小朋友現時的自理及學習能力，再上PN班好像得浪費，而且K1都是著重於自理及適應方面，所 ...

唔repeat，就跟兔年升小，repeat，就跟龍年升小，真係點行都難行，隨便你。

kaman710

SMFM 發表於 14-8-5 17:09
竟然會無人明？
無錯，今年入學嘅學生都係2011年出世，呢個係2012年1月出世，有學校取錄而且入讀時 ...

其實我都係唔明. 你小朋友係2012年1月出世. 係已經有2014-2015  K1 offer 喺手定點?!

janettsui

SMFM 發表於 14-8-6 09:12
多謝你的意見。
假設真的可以讀2年K3, P1會留待第2年才考

2012b 正常係...
2014 9月(pn)
2015 9月 k1
2016 9月 k2 => 下學期開始考直資私小
2017 9月 k3

你小朋友...
2014 9月 k1
2015 9月 k2
2016 9月 k3 =>下學期考私小直資 但同時間一定要搵一間kg去repeat
2017 9月 repeat k3 (冇左學券)

或者我分享下我大囡既case
佢係11月細女 一足歲就插pn
上學期評估已經大部份係A 老師話好少細B拎到A 而我囡到左下學期除左未戒片之外 其他都係A
學術上好OK 但佢情緒係控制得唔係咁好 好容易喊 要到下學期先有明顯改善
之後佢考到間唔錯既kg, 有唔少同學足足大佢一年, 幸好學習方面亦唔差得過大b
但小肌發展未到就係未到, 寫字開始時係有d吃力, 慢慢有改善, 但佢係會辛苦o架!
我囡k1升k2已經好知咩事, 好期待咁升班, 知道k1, k2, k3, 之後就升小學
好多人問我會唔會repeat 等佢考小學有優勢 我話一定唔會 我比較重視佢既感受

k2下學期已經開始考小學既漫長戰爭 8月尾就進入面試高峰 玩足幾個月
如果你小朋友係repeat k3 佢就要一邊調節自己既心態(個個朋友仔升班 佢要留班) 一邊適應新學校新環境 一邊去考小學....

所以除左考慮可唔可行之外 你仲要考慮好多野....

esmetam67

PN can be treated as an elementary entrance for a kid to learn how to adapt to school life and practise social skills.  Actually I have never heard it is hurry for a small kid to study K instead of PN, especially for January born baby.  Really rare.

WinnieCatCat

如樓主好想小朋友今年讀K1 (雖然我同以上jm一樣唔贊成），我覺得repeat K1 或 K2會好過repeat K3。從實際方面考慮，你想搵間程度深d既kg repeat K3，但呢d幼稚園一般較受歡迎，無端端點會有人k3先黎退學然後畀你插到班呢？可插班的一般是普通程度而受歡迎程度亦普通的幼稚園吧！如此repeat一年真係好無謂。如樓主想小朋友讀程度深既幼稚園，不如repeat K1，黎緊用大b身份考K1著數好多！

同你分享我兩個朋友共三個小孩的經歷，你參考下再決定點幫你的小朋友行吧！第一個家庭兩個小朋友都係細b，家姐讀k2時老師提議她repeat，因小肌肉唔得，寫字跟唔到。當時我朋友諗左好耐，repeat K2 定 K3好？最後佢決定repeat K2，主要原因係K3時會有畢業禮、謝師宴等，如女兒參加完畢業禮又要佢9月返去讀K3，好怪囉！另外，K3時同學仔間可能都會講下考咩學校、入左咩學校，若女兒要repeat K3，點答同學呢？好影響心理啊！樓主若有信心小朋友超細b讀到K1，即小朋友認知可能比同齡好，就更唔應該低詁repeat k3對心理的影響！而我呢個朋友既細女，都係細b，都係寫字吃力，最後轉校repeat k1。

我另一個朋友，小朋友也是細b，讀K2時已想repeat，因寫字吃力，對所學既野理解力也較差。佢本來都好似你諗法想repeat k3，問讀緊既幼稚園，由k2下學期問到k3上學期，一直confirm唔到佢讀完一年K3仲可否讀多一年，其他學校亦唔會禁早答到佢下年有無k3插班位，小朋友已讀緊K3，唔通唔考直私、唔報自行、唔玩抽獎，等一個唔知有無既k3 repeat位嗎？於是我朋友焗玩升小一遊戲，直私全軍覆沒、N無人士預左自行陪跑、抽獎運亦當然無，連門都叩唔到，好慘。最後當然亦搵唔到k3 repeat，唯有焗上小一，唔想小學做細仔但已返唔到轉頭

樓主小朋友仲未入學，仲可返轉頭的！三思！

mybabycullen

原帖由 WinnieCatCat 於 14-08-07 發表
如樓主好想小朋友今年讀K1 (雖然我同以上jm一樣唔贊成），我覺得repeat K1 或 K2會好過repeat K3。從實際方 ...

其實呢个case...如真系冇repeat k3学位，homeschool一年再報校行嗎？

SMFM

真心多謝咁多位爸媽的意見，大家的意見是很值得參考
其實下個月讀K1早已經決定了，只是考慮緊repeat 邊一年。

ozoz

原帖由 SMFM 於 14-08-04 發表
因為小朋友係1月bb, 今年9月滿了2歲8個月便入讀K1。
本想repeat K1出年做返大B, 但有無家長會到K3畢業後， ...

2012 1月今年入k1,你到小一未夠年齡，教育局真係一日都不能小，唔比抽學校，真心奉勸，唔好咁做。間學校咁做都唔啱呀，有冇提你？

SMFM

原帖由 WinnieCatCat 於 14-08-07 發表
如樓主好想小朋友今年讀K1 (雖然我同以上jm一樣唔贊成），我覺得repeat K1 或 K2會好過repeat K3。從實際方 ...

多謝你的意見！ 有實例參考非常好。
我有3個小孩，呢個係阿二，他們3個的入學安排都有點不同，好多嘢唔係唔想跟，而係有咩食就食乜。
之前都係諗去第二間repeat K1, 後來見阿大讀的K1其實同讀過嘅PN (程度較深) 差唔多，主要是適應及自理，所以才有repeat K3/K2的念頭。
相信應該repeat K1及 K2會比較好，而考K1又會比K2容易。

SMFM

原帖由 ozoz 於 14-08-07 發表
2012 1月今年入k1,你到小一未夠年齡，教育局真係一日都不能小，唔比抽學校，真心奉勸，唔好咁做。間學校咁 ...

所以一定會讀多年，適齡才考小學

Jane1983

回覆 mybabycullen 的帖子

一生一次大抽獎，如果抽咗吾去，homeschooling，之後考吾到直資私校，就幾大件事。

kapokapopo

pm u OK?

wendywaiwai

我個仔有個同學仔repeat K2, 結果成班同學都話只有佢冇得升班⋯⋯⋯我意思是指年齡越細repeat, 同輩間都仲未知發生咩事，可能小朋友本身都唔會好在意。當年紀越大，如果repeat , 可能會影響小朋友的自尊。

SMFM

原帖由 kapokapopo 於 14-08-07 發表
pm u OK?

歡迎PM

SMFM

原帖由 chilokma 於 14-08-07 發表
其實介唔介意講系邊間幼稚園會收超細仔讀K1？會有好幼稚園咁做（好學校連細仔都唔收喔）嗎？如果好似你咁講 ...

唔好意思，不便透露。
其實全香港咁多幼稚園，無話最出名嗰幾間一定係最好。
我揀得呢間係比名幼PN的路程近好多及平好多，不論家長及小朋友都得益。