點樣可以提升小朋友學習態度差?

kksushi

小女今年算小二, 上學期全級27/120, 下學期趺左10幾名, 見家長時, 班主任勁數佢學習態度差
其實我自己點會唔知呀, 阿女易心散好易分心, 加上個心一味只唸玩的事, 學習上的事一D都唔主動, 唔好奇.

佢比我感覺係, 咩都無所為, 有我玩就得. 永遠學習上的野都要放到最後先做, 我唔提佢佢又無左件事. 到底點可以幫佢提升下學習態度呢? 點樣可以令佢積極D唔好只顧住玩?

係米真係要同佢出小D去玩, 等佢心唔好咁散?

王家爸爸

kksushi 發表於 14-7-28 16:44
小女今年算小二, 上學期全級27/120, 下學期趺左10幾名, 見家長時, 班主任勁數佢學習態度差
其實 ...

需要查找學習態度差背後的原因。

angel_soso

學習都可以是坃的一種。其實3X /120 都唔差啦，

kksushi

回覆 王家爸爸 的帖子

就是想不通, 找不出! 就是什麼學術性的都愛理不理.
老師問是否家中有什麼大事發生過, 沒有家中很好很平淡.

kksushi

回覆 angel_soso 的帖子

無錯, 是不差的. 我地父母的已很滿意, 不過佢班主任反而說失望喎! 說她名之再好, 態度唔好都無用, 咁只會再退步下去.

王家爸爸

kksushi 發表於 14-7-28 17:17
回覆 王家爸爸 的帖子

就是想不通, 找不出! 就是什麼學術性的都愛理不理.

對每科也沒有興趣，還是只對特定的科目沒有興趣？

angel_soso

回覆 kksushi 的帖子

態度差是咪吊兒郎當的感覺？老師覺得小朋友無壓力，有少少唔舒服？

little_yolky

kksushi 發表於 14-7-28 16:44
小女今年算小二, 上學期全級27/120, 下學期趺左10幾名, 見家長時, 班主任勁數佢學習態度差
其實 ...

因為佢玩唔夠, 所以仲想玩。40/120都可以丫, 問題係要同佢傾下, 如果佢覺得上堂啲嘢太易, 都會心散唔專心的。只可以問番小朋友, 對正下藥。成績係可以了, 係要改善學習態度而已。鐘意看課外書嗎?

kksushi

回覆 little_yolky 的帖子

唉, 講睇書. 我2公婆由佢2-3歲開始伴讀, 一個星期去一次圖書館, 似乎佢睇書興趣都不大, 成日一拎起本書就係想我地讀比佢聽, 要逼佢自會自己慢慢去睇D字  

tam888

原帖由 kksushi 於 14-07-29 發表
回覆 little_yolky 的帖子

唉, 講睇書. 我2公婆由佢2-3歲開始伴讀, 一個星期去一次圖書館, 似乎佢睇書興趣 ...

如果沒有學習興趣可能是你的課外活動或學術活動太多，其實這個年紀好奇心好強，沒可能對事物不感興趣。如果她對玩是很渴求的，你一定比太小玩給她了，試下每日玩三十分鐘，情況會好些。這也是我對孩子的態度

sososu

係....好驚 , 我個女都係咁...
升上小學都唔知點..
而家拿出英文同佢讀下 , 佢經已哭起來...
但係一話唔讀 , 佢走去玩 , 就完全無事...
到上小學 : 相信會回家又不做功課 , 不停見家長...

sososu

同埋多多直口...暑假叫佢寫下字 , 又話唔舒服 , E 度痛 , 果度痛...
去玩就完全無事....

直係唔識點左....定你個細路有問題 ???

little_yolky

kksushi 發表於 14-7-29 09:21
回覆 little_yolky 的帖子

唉, 講睇書. 我2公婆由佢2-3歲開始伴讀, 一個星期去一次圖書館, 似乎佢睇書興趣 ...

係咁架, 因為細個唔識字, 所以唔想自己睇, 俾啲心機講下故仔先, 唔好逼佢睇。字識多咗, 就自然會自己捚嚟睇。

我既經驗係, 由幾個月大開始講古仔, 講呀講, 當然佢好鐘意聽啦, 我講古仔都幾吸引的 (讚下自己先), 然後講得幾年, 去到K1/K2, 就一時繼續講古仔, 一時又加插下啲青田書咁, 因為學校雖然係hea幼稚園, 但有一度好, 就係好俾心機培養小朋友閱讀。佢哋都有青田叫小朋友讀俾家長聽, 中文一本英文一本, 一個月一次。咁自己屋企既青田你同佢讀下, 又請佢讀下, 讀得好就整個表蓋印仔。有啲繪本書, 因為圖多字少, 你講得幾次佢大概知個故事內容, 咁佢就得閒無嘢做時攞嚟自己睇。睇下睇下越睇越多, 突然有一天, 佢就自己識睇書了。當然, 你唔好望佢完全明白啦, 但都係自己睇。

以上既過程係相當漫長, 日復一日, 最初唔知係咪真係work, 好懷疑, 好咀喪。經過好多年既洗禮, 噚日執書時見到大囡睇好多字既書, 中間夾住書簽, 同老公講：爸爸, 阿囡睇書好快喎。心裡真係好滿足架。當然, 過程係相當艱難, 好似讀極都無結果咁。

little_yolky

sososu 發表於 14-7-29 09:47
同埋多多直口...暑假叫佢寫下字 , 又話唔舒服 , E 度痛 , 果度痛...
去玩就完全無事....

因為囡囡數學差, 暑假買咗啲淺既習作佢做。點知都唔識, 喊晒, 話好驚媽咪鬧。見佢驚我就即刻停。俾佢玩兩三日, 咁又乖乖跟番時間表睇書了。

係呀, 又頭暈, 又頭痛, 總之成身唔舒服。咁你就安慰佢, 咁唔舒服不如休息下, 由佢做自己鐘意既事, 就又變番乖寶寶了。過得一兩日, 問佢有無睇書呀? 有無練琴呀? 點解無寫日記俾媽咪既, 咁佢就又知自己要做乜了。

kksushi

而家小朋友讀書, 真係要父母同佢鬥智鬥力.

annie40

跟孩子相處，要不停微調自己的心態，鬥智鬥力，是樂趣啊！！

投其所好，才有指揮孩子的切入点，想孩子閱讀，必先從聽故事開始，一定要做到阅讀是娛樂。

沒有孩子是任由擺佈的，父母要循循善誘，才能誘導合適的路，共勉之。

MrBeast

做完一樣玩一陣得唔得? 另可叫佢自訂時間表

MrBeast

另另外考試測驗一完就會帶去玩(如之前有努力溫習), 不計成績

loveDD

原帖由 kksushi 於 14-07-28 發表
小女今年算小二, 上學期全級27/120, 下學期趺左10幾名, 見家長時, 班主任勁數佢學習態度差
其實 ...

咩叫今年算小二？

如果九月升小三，那麼即是要考TSA，老師緊張是有理由的。

sososu

希望係咁...唔係佢心理有問題 . 再觀察一段時間先...

而家做家長 , 真係好辛苦...又要做野...小朋友又懶散 (好似)....

不過都要盡力而為...