DSE放榜：12名狀元來自傳統名校(歡迎報料及鼓勵)(新增統計)

shadeslayer

失禮一：當學校欠左佢這些無關痛癢的人。
失禮二：行為標準只有自己個套，不能公報體藝，成績卻要立即。
失禮三：用左公帑便好似大哂。你比左十元買期，你唔叫人地公報業績手續費？
失禮四：開埋口學店，甚無品。

doggy2013

shadeslayer 發表於 14-7-15 20:21
睇完這裏的評論只有兩個想法：

1. 失禮的不是 DBS。

作為一間受政府資助既學校，應該受到市民監察，但係ANNUAL REPORT入面只係輕描淡寫有關成績部分，同一間上市公司唔將成盤數話比你聽冇咩分別。

http://www.dbs.edu.hk/administration/DBS_AnnualReport_12_13RV3.pdf

beckylui

原帖由 mirage 於 14-07-15 發表
盡收天下奇人異士學界稱雄數十年的神校，祂是用來參拜的，祂比體藝中學更體藝，衪在BK受萬人敬仰。 ...

Wakaka ... 好抵死... 笑c咗!!!!

chun媽

其實都係，一些二線直資如顏寶玲都公開DSE 的成績啦!何況是大名鼎鼎的……

CrabPincers

shadeslayer 發表於 14-7-15 23:53
失禮一：當學校欠左佢這些無關痛癢的人。
失禮二：行為標準只有自己個套，不能公報體藝，成績卻要立即。
失 ...

申報利益先，我無仔女讀直資/私校
我覺得，自金融風暴後，香港市民好偏激加仇富，就好似好多年前，bk都有個敏感話題，講個個自危裁員時，公務員就穩定工作，又話公務只懶，我交稅養班垃圾癈柴，同依家直資中學有無分別呢？開口埋口，用政府錢去做乜做乜，差在未講，我有份交稅，有份供你讀書，吾該你學校比report我看

除非和位似李生，年年交一大堆零的稅，如果不是，真係普通市民交既稅都用係自己身上都不知夠夠，醫療，圖書館，道路維修。。。。。

CrabPincers

每年報章，網上公佈有邊間學校有7科狀元，我聽完就算，從不上心，就算係我女學校出狀元又點？學校出名者，關我乜事？又不是我女是狀元

不過我女學校又渣，真係未出過狀元

話分兩頭，我不看呢d, 我寧願佢無狀元出，學生成績平均，多人入u好過，起碼我女有機會入u, 狀元 無諗過

zhuzhu

【本報訊】天水圍小子李詠輝因跑步出色，多年前以田徑尖子的身份升讀拔萃男書院中一。最初他覺得自己「嚟到冇得鬥」，但中六文憑試卻取得3科5*級。基層家庭的成長經歷，令他本着「有心唔怕難，更難更多得着」的心情應付文憑試（DSE）及田徑賽。他已獲清華大學醫學院取錄，獲獎學金資助未來八年課程。
記者：彭美芳　馮子愷

自2013年起，內地清華大學、北京大學及復旦大學可自行取錄香港尖子；清華去年取錄兩名男拔學生，今年取錄一名學生，就是「短跑王」李詠輝（17歲）。

■李詠輝獲清華大學醫學院取錄。
■李詠輝獲清華大學醫學院取錄。
升名校以為「冇得鬥」
李詠輝三歲時和媽媽由內地到香港與父親團聚，在天水圍公屋長大，小學讀屋邨學校，成績名列前茅，小四因跑步快，入選元朗區隊。小五下學期，校外教練推薦詠輝到男拔讀書。基層家庭長大的詠輝起初不敢高攀，在教練和男拔老師游說下，詠輝終於鼓起勇氣接受。
由屋邨小學升讀傳統名校，對詠輝來說是一大挑戰，「少少覺得自己差，嚟到冇得鬥」，全級240多人他排名51，比以前小學全級首三名相距太遠。詠輝獲學校豁免宿費，宿舍生活更自律，校方要求每晚11時就寢，他趕在清晨6時讀書，他形容自己是「苦行僧」。英文又是另一難關，詠輝拿着字典，常看常背誦。詠輝成熟，同學叫他「輝爺」，他覺得「有心唔怕難，更難更多得着」。
本周一放榜，男拔最佳成績的考生，取得5科5**及一科5*級。詠輝成績不俗，中英數通識分別是「45*55」，物理、化學及生物，分別是5*、5*及5級。惟在中文考試中，說話考試表現最差，令中文只取4級，「可能我太過進取，壟斷發言七次」，但他「為咗啖氣，一定上訴」。

獲八年獎學金讀大學
詠輝爸爸多年前已證實患有乙型肝炎，中四時詠輝立志做肝臟科及外科醫生，望日後可照顧父親。在文憑試開始前，他已被清華大學醫學院取錄，輕鬆面對文憑試，未來八年獲獎學金，免費讀大學，包括兩年往美國匹茲堡大學醫學院課程。他強調，選擇重返內地升學只為開眼界，學知識之餘會保持「香港仔」文化。  

體藝尖子已變成DBS培育重點.。

yghgwong

希望大家繼續互相鼓勵, 互相祝福。

chun媽

原帖由 CrabPincers 於 14-07-16 發表
申報利益先，我無仔女讀直資/私校
我覺得，自金融風暴後，香港市民好偏激加仇富，就好似好多年前，bk都有個 ...

事情又唔洗想得咁複雜，大家都想知成績，特別是名校

judy

可能我太過進取，壟斷發言七次

文憑試口試最重運氣，一組考生，要既合作又競争，最怕遇到壟斷發言的。

mirage

chun媽 發表於 14-7-16 09:49
事情又唔洗想得咁複習，大家都想知成績，特別是名校，

一如已往閃縮，只透露最佳成績有多少星星，然後避重就輕的拿一個屋邨學生升神校然後取得不俗成績來做文章，保持見報率及讓眾多神民臣服感動敬拜，再次讓其他一百多個DSE學生沈默或被消失。神校真是多麼的令人XX啊。

judy

自2013年起，內地清華大學、北京大學及復旦大學可自行取錄香港尖子；清華去年取錄兩名男拔學生，今年取錄一名學生，就是「短跑王」李詠輝（17歲）詠輝成績不俗，中英數通識分別是「45*55」，物理、化學及生物，分別是5*、5*及5級。

是DSE值錢，還是清華收生低呢？唔知點解，我睇完有點不安。睇過星期二檔案嘅人，都知大陸爭入重點大學幾咁殘酷。

大陸，幾時先可以做到公公正正呢？

chun媽

原帖由 judy 於 14-07-16 發表
文憑試口試最重運氣，一組考生，要既合作又競争，最怕遇到壟斷發言的。 ...

係呀，以前的補習天王就係教人要爭取發言，係又講，唔係又講，搞到其他組員無機會發言，整個小組討論只得15分鐘 ❨5人❩,你想下你發言七次，其他組員好慘，no say. 所以今年加了新評分準則，壟斷發言是有機會評為下品

ANChan59

原帖由 chun媽 於 14-07-16 發表
係呀，以前的補習天王就係教人要爭取發言，係又講，唔係又講，搞到其他組員無機會發言，整個小組討論只得15 ...

另一個極端是大部份人不發言，你發兩三次言，便變成壟斷發言。

這個情況在大學及見工小組面試，亦都常見。大學d輔導員都提班大帝，你一句都唔講，邊個請你。

pooh仔

原帖由 mirage 於 14-07-15 發表
一間每年拿取五、六千萬公用資源的直資學校，每個市民都可以問。

mirage

CrabPincers 發表於 14-7-16 08:04
申報利益先，我無仔女讀直資/私校
我覺得，自金融風暴後，香港市民好偏激加仇富，就好似好多年前，bk都有個 ...

我外公年輕時在政府做掃街養話一家十口，風雨不改幾十年工作，從未交稅。我一年交稅等於他當年十年人工，但我從不覺自己身影比他重，對他只有真正的敬佩。

Yanamami

chun媽 發表於 14-7-16 10:47
係呀，以前的補習天王就係教人要爭取發言，係又講，唔係又講，搞到其他組員無機會發言，整個小組討論只得15 ...

禁導師都應該睇情況，全組人唔出聲禁點，唔通我又唔出聲？人地唔講我講多兩句就喺壟斷發言？人地想講，我一輪嘴有我講無人講，先叫壟斷發言吖~~唔通情願dead air？所以我話DSE評分好死。

judy

禁導師都應該睇情況，全組人唔出聲禁點，唔通我又唔出聲？人地唔講我講多兩句就喺壟斷發言？人地想講，我一輪嘴有我講無人講，先叫壟斷發言吖~~所以我話DSE評分好死。

對，一輪嘴有我講無人講，先叫壟斷發言。

我估考官冇咁蠢分辦唔到係唔係壟斷，放心！

Yanamami

其實HK課堂喺要學生乖乖聽書，一d都唔鼓勵發言、發表意見、問問題。。。但考DSE口試就要考人呢d技能，都無訓練，點expect人地會好？

chun媽

原帖由 judy 於 14-07-16 發表
對，一輪嘴有我講無人講，先叫壟斷發言。

我估考官冇咁蠢分辦唔到係唔係壟斷，放心！

right!