考了一間少功課小學，惡夢開始？

little_yolky

stockmike 發表於 14-7-4 13:24
她知道的，但唔知佢信幾多，我就好信

其實如果你哋唔要佢短時間內考試好叻, 一般中上就okay, 咁你個方法係work的。

你讀間學校唔谷, 但最緊要係你有心機同佢陪讀, 呢個point好緊要。唔係推晒俾學校。閱讀要一兩年至見到效果的, 同操卷唔一樣, 操卷見到即時成效, 但無長遠成果。我囡囡都係咁, 真人真事, 我由佢BB幾個月大開始講故仔, 幼稚園陪讀, 依家升小二, 功課溫習唔駛人操心的, 維持响全級中上游。最明顯係閱讀理解, 佢做得唔錯, 依家小學中文好鬼深, 你要堅持同佢閱讀。升小一操卷真係好多餘, 因為小一測考老師會讀卷的。

你都係同小朋友陪讀之餘, 多啲同老婆念下金剛經, 等佢無乜雜念, 可以打退身邊既牛鬼蛇神啦。

little_yolky

王家爸爸 發表於 14-7-4 18:03
這就是所謂的條條大路通羅馬。
培養自學能力比填鴨更重要。

問題係樓主要用咩方法搞掂老婆大人。

little_yolky

eviepa 發表於 14-7-5 17:58
樓主：

和你太太一樣，在教育上我太太也是個傳統得很的人。這方面，我則前衛之極。我要應用自己的教育理念 ...

好彩我家係中央集權式管治, 我講一句就算數, 外子就開開心心咁袖手旁觀。

little_yolky

stockmike 發表於 14-7-5 20:00
很多谢你無施地分享心得。我返工時間不定，末能定時陪伴。但會盡力做。同請教各大大有乜恐龍故仔書介紹，仔 ...

佢鐘意恐龍書, 都可能鐘意西遊記, 可以同佢講下故仔, 幾無厘頭, 好多男仔都鐘意。

little_yolky

chymama2 發表於 14-7-7 19:04
千祈唔好以為了presentation 係好淺, 要認真做好一份presentation，小朋友閱讀能力不可少，仲再有觀察力， ...

專題研習先至做到嘔血。

little_yolky

shadeslayer 發表於 14-7-8 23:06
甚麼樣的孩子比較適合填鴨式學習語文，那様的孩子才適合話潑的生活化學習？



  ...

我覺得所有小朋友都會適合活潑生活化學習, 而且越細開始效果越好, 但只有一小部份小朋友可以適應到填鴨式學習又學得好, 這小部份小朋友, 應該係用咩方法都可以學好的類型, 即所謂的適應力強。

我亦認為如果方法正確, 所有小朋友都會喜歡閱讀而又能 "培養" 出閱讀的興趣。小朋友有求知的本能, 但閱讀並非求知唯一的途徑, 如果沒有好好培養, 閱讀興趣/習慣就不會出現, 就會給人錯覺有部份人係如何也培育不出閱讀的興趣。君不見跑馬日一眾賭徒人人幾份馬經仔細參詳。他們很喜歡閱讀馬經, 只是小時候沒機會受栽培而已。

我家兩個寶從幾個月大懂爬就會自己拿書看(當然係看公仔), 她們一直喜歡閱讀, 我們的培養方式就係全屋到處都係書架, 書仲多過曱甴, 大人在家從不看電視、不打機, 我們經常看書, 小朋友就模仿看書了, 事情就是來得這麼自然, 不著一點痕跡。

個人意見而已, 不喜勿插。

little_yolky

stockmike 發表於 14-7-8 11:41
小弟以前書就係填鴨出黎，唔會睇任何課本以外的書。畢業後互聯網開始發達，再幾年後先睇下美劇，發覺原來好 ...

樓主, 我哋可唔可以扼下手。





見到你寫呢段, 好似自己寫照咁。依家工作上見人多咗, 知道識表達, 有自信係乜工都啱。但你依家最重要既問題係必須要太座配合, 因為你工作關係, 唔可以好似Eviepa咁100%自己跟足學業, 一定要依賴太太協助。做project, present的功課係好辛苦架, 尤其係初小, 因為佢哋唔識搵資料, 唔識打字, 仲盲字唔識多個。我哋好多人支持你, 但你最重要既係太太既支持同配合, 從閱讀學習呢條路對家長嚟講唔易行架, 比起操卷真係easy好多, 但係難就係難响眼前, 以後佢既人生就會好好多。

BTW, 我要提提你, 我們呢一代雙非baby bomb年代的, 升中一定好嚴峻, 會有一定數量的band 1仔去咗band 2校, 尤其係男仔會慢幾拍, 唔好到時touch wood升中唔太理想就質疑自己既教法, 呢段說話係寫俾你6年後睇既。當然希望你仔仔係band 1頭/中, 自行入咗就無問題了。

little_yolky

stockmike 發表於 14-7-9 20:32
好多謝各位大大的支持。講起學中文寫字我仲未有心得。我好少要他寫字，但同佢睇書後我發觉佢認中文字都幾多 ...

如果小朋友將要升小一但仍然未有自讀既習慣, 你就真係要努力啲了。人哋幼稚園就開始有閱讀習慣了, 過程你會辛苦啲, 但好快過, 一年兩年效果就已經好明顯了。努力。

little_yolky

eviepa 發表於 14-7-27 11:44
回覆 PotterLai 的帖子

//- 如果孩子喜歡看書，視做功課為平常事甚至娛樂，催谷的學校是首選；//

催谷學校咁鬼死多功課, 真係好難視為娛樂, 可以視為平常心已經好超然了。

little_yolky

eviepa 發表於 14-7-27 17:15
唔一定。我就是一個例外。在高中前，我總是用放長線釣大魚的方法去培養女兒。我損失的只是小學階段向親友炫 ...

請問你咁放養式教育, 咁你囡囡細個時有無間中發脾氣, 唔聽講, 扭計之類的? 我已經好放養, 但佢(小一)就係間唔中會發神經, 你哋點處理? 小朋友到底會發神經到幾多歲。

little_yolky

scyauchris 發表於 14-7-30 23:08
我今天剛取小二課本，d中文書真係深左好多！其實做project更難，因為家長要懂得引導小朋友怎去做。

功課太 ...

係, 我囡囡間學校小一音樂要考樂器、唱歌同樂理, 真係死未。不過, 老師打分都好鬆下就係真既。