升小一，揀咩書可陪養佢閱讀興趣！

jy0022

如題，可否介紹下？？

yeeyeey2k

首先要針對佢鍾意咩書黎俾佢閱讀，然後又要夾返佢既閱讀level，你講多啲就可以令呢度既家長可以提供多啲有用既書籍。

Charlotte_mom

揀咩書係重要，不過更重要係父母擺幾多時間伴讀

gracedward

我個女最近鐘意Frozen，買了幾本英文書佢日日睇。我都覺得首先最重要係培養佢對書本的興趣，不會對書本抗拒，之後才慢慢引導佢讀內裡的字。

bbchoi

當然要睇佢興趣啦!
以我大囡來說，佢喜歡字體大，插圖美，內容生動有趣。
花多點時間在圖書館，讓他慢慢找找看

hadwinboy

適合他程度那些吧，如他是一級level 你給他8級level 的書，他一定冇興趣睇。

huba

贊同上面網友們的意見，先選孩子特別感興趣的題材作切入點（而不純粹是你想孩子看的），之後才擴濶種類，當然程度也要合適。

上網或到圖書館搜尋『伴讀』的方法可找到很多有用的材料。

茄子

有D書一定要佢睇，我會買全套，同佢日日睇，如ORT、Roald Dahl。有D就睇佢興趣，配合佢能力。如我女喜歡貓，我會借中英文有關貓的書給她看。
推薦:Oxford Reading Tree, Jake Cake, Bad kitten, Mallory, My weird school, 白貓黑貓等。

startstartstart

gracedward 發表於 14-7-3 11:16
我個女最近鐘意Frozen，買了幾本英文書佢日日睇。我都覺得首先最重要係培養佢對書本的興趣，不會對書本抗拒 ...

請問在那裡可找到frozen的圖書？

Badtz

X眾，x務都有！

HMmummy

多去圖書館、多伴讀、多去書店、主動同仔女分享，在書本發現的新知識和趣味！

5tgb

找孩子喜歡的書本，與找喜歡的食物一樣。不要祗給自已以為好、有益的給孩子。一定要什麽都試，圖書館，書局，多D同孩子去，一同選書，多伴讀，才能找到孩子喜歡的書。看推介後就去買，九成浪費金錢時間。

Moneyy太

去圖書館等佢自己揀

manmanchubb

先到圖書館選書，借左回家細嚼，如果真係好喜歡先決定會否買一套慢慢睇

Kayloreborn

I suggest u bring ur child to large book store like 誠品 or more cost effectively, bring him or her to the library. Go searching books he or she like together like shopping. If u still don't have ideas, u may start with classical literature. For English story books I personally recommend BlackCat series. BlackCat categorised classical well known stories into different level from 1-6 as to help parents  and students find some suitable books for themselves.

angel_soso

咩書都可以，最重要佢鐘意。閱讀是一個習慣，得閒去圖書館，行下書局，唔使一定要睇兒童圖書的。我女有時都拿我D書睇的，我D"馬仔" 我的低能書阿女全部睇完，仲話搞笑。我同意伴讀是重要過書的種類，家長自己成日睇書，小朋友自然會有興趣，如果大人一味玩電話/煲劇，但一味叫小朋友睇書，咁小朋友只是問：點解你唔睇書的？幾好的書都唔會有成效。

Olympian

小小愚見。可先買個小小的書架，其實雜物架更好，跟住買一些書放係道。睡前叫佢自己拿來看看。睡前是最好時間，因已唔可以再睇電視或玩玩具。佢睇或你讀由佢決定。可以放其他幼稚園學校的書，好似好低b，但我見好多大了的小朋友都鐘意睇，不過可能要問下朋友或二手才有，因買唔到。跟住可放生字書，中或英都要有，好多小朋友都愛看的，新雅文化那套幼兒圖畫字典唔錯。小樹苗那套常識問與答都好，淺但細路鐘意。跟住，可以放本三國演義漫畫，我見係男仔都鐘意睇。直到佢習慣睡前看書，就可以日買幾套 crystal reader,step into reading , Im going to read 呢d分grading 的書放書架。中文我放青田我自已會讀系列和小樹苗幼兒全語文故事系列。還有新雅幼兒好行為叢書。d中英文系列是重覆性強的句子，鼓勵佢讀比你聽，簡單容易有成功感。字識多了和流暢度高了就叫佢讀段落，可以你一段，家長一段咁讀。問下書的內容，但佢一唔鐘意就要停下。繪本我會到圖書館借，因唔會睇好多次，但放書架的書是會不繼重看的。我諗咁做整整下就鐘意睇書。我對仔女都非常鐘意睇書。佢地都有睇電視同玩平板電腦及手機，各樣平衡就可，最緊要教佢夠鐘自願熄機，出街吃飯絕不能玩。我玩電話仔唔理我照睇書，個女就叫我唔好玩咁多會壞眼睛，要我倍佢。

mimi1102

帶佢去圖書館, 你推介下比佢, 又叫佢自己揀下, 唔好discourage 佢自己揀的書, 只要佢肯睇"書", 漫畫又好, 冇字書又好, 咩都同佢借.