- 在線時間
- 287 小時
- 最後登錄
- 22-10-12
- 國民生產力
- 0
- 附加生產力
- 2083
- 貢獻生產力
- 0
- 註冊時間
- 14-5-13
- 閱讀權限
- 10
- 帖子
- 614
- 主題
- 19
- 精華
- 0
- 積分
- 2697
- UID
- 1529191
|
一年前我好似大家咁, 只知人地話呢間係寶校, 其餘咩都唔係好清楚, 所以開左呢個POST想知多D. 不過我同你地唔同既係我係叩門入呢間學校的. 我派左龍崗, 叩入慈航再轉入黎信義. 當然我亦有叩其他, 但除了祟真有OFFER之外就無了. 讀左一年, 我大致覺得校長, 老師, 校工是有愛心的, 可能小班教學, 所以校長, 老師及校工會記得大部份學生, 他們會叫得出名字的, 感覺溫暖.
一年級課程沒有教快, 是循序漸進的教, 對一些不是讀學術性高的幼稚園小朋友來說是一個好的開始. 老師睇到每個小朋友的進度, 而且有個別幫忙. 課程很有系統, 英文及數學每課都有NOTE, 亦有顯示每課學生應掌握的知識, 家長很容易幫小朋友溫習. 每課過後都有進評, 是個小測. 而每一個星期會有一次默書, 中英輪住默. 但每次默書前都有幾次小默, 小默意思是把默書範圍分開幾次默, 等小朋友習慣每日都要溫默書, 不是默書前一日才溫, 有好有唔好, 唔好既家長好似成日都要同小朋友溫默書, 好既係每日迫你溫幾個生字, 到默書時成績都會有個普.
星期一至四放學前有大半個鐘比小朋友做功課, 如小朋友定性可完成一部份, 返屋企會輕鬆好多, 但唔好諗住一年級小朋友可以做到好多. 如全部都在屋企完成的話, 一個半小時內一定可以完成. 而星期五有課外活動, 小一是學校特定的. 今年有足球, 小結他, 跳舞, 所有小一都要輪住學齊3樣野.
SEN學生眼見唔多, 聽我小朋友講有小朋友做野慢D, 成日執唔齊野, 抄唔齊功課, 學期初有大哥哥大姐姐幫小一生檢查功課, 但後期要自己習慣了. 那個慢的小朋友, 老師鼓勵班上面的小朋友幫佢, 從而教佢地亙助亙愛. 我眼見各個小朋友對果位有需要幫的學生都好照顧同包容, 我相信係老師教得好既結果. 相反, 如老師只顧教學, 起勢谷成績, 那有心情時間看到個別小朋友的需要, 那有時間教小朋友品德呢, 有時間都教多幾課啦.
我可以話呢間唔係一間一線小學, 同同區的一線小學比, 成績係真係有分別, 可能O係某D人眼中連二線都唔係, 但我眼見校長老師在成績上都開始想追上來, 課程亦安排得不錯. 我唔覺同其他同區的一般小學有咩大分別, 以前開唔足4班, 可能成績唔夠人爭, 但近幾年一定會開足班, 我相信各樣都會升LEVEL了, 但希望校長既理念唔會跟現在偏差太遠, 他現在經常說, 每個小朋友都是獨特的, 他不會只看重成績好的學生, 他希望幫學生找到自己叻既野, 從而建立信心.
比時間自己了解學校多D, 多D同老師溝通, 做個有責任的父母, 學校會不斷進步的. 如成績非常卓越的亦可以考慮轉校, 總之信義是一間普通津校, 一定不會特別差, 同時亦不會是最TOP的. 但整體來說, 我覺得是一間有愛心有理念會不斷進步的學校.
希望我既資料幫到大家, 亦希望大家的小朋友有個快樂的小學生活 |
|