小朋友小一應否留班？

kristy_bb_heng

小朋友今年小一升小二，但老師要求留班，我應該俾他留班嗎？還是到4年級成績唔得先再俾佢留？係咪如果今年留左以後到中學都冇機會留阿？因為有些朋友說因只是9年免費教育，只可留一次！
麻煩各位幫我解答一下，很煩惱！
唔該各位，thx！

Jane1983

什麽原因要留？留班可以解决到問題，幫到小朋友嗎？

吾留又有什麽其他選擇？

kristy_bb_heng

回覆 Jane1983 的帖子

老師話佢成績差問我俾唔俾佢留，話打好反個基礎先，如果唔留就上二年級！

Jane1983

你小朋友系咪細B？學習上的問題系咪留班可以解决？經呢一年，你摸吾摸到幫個仔女上軌番軌道的方法？

小一d野吾系甘深，搵到問題所在，你一個暑假努力就追得上。相反，如果你吾解决問題症結，留班起初可能有d，之後都系吾掂。

kristy_bb_heng

回覆 Jane1983 的帖子

唔係牙，我都唔肯定留班可唔可以解決到，所以我問過老師，老師就話留一年會好d，我都摸唔到牙，因為本身小朋友我自己教佢好冇心機，講好多次都唔入腦，所以我係俾補習社教架！佢學校d野會俾區內小學較深的，我就係驚咁，到時留左哂左一年時間！
我都唔知會唔會因為岩岩小一所以未適應先成績咁！

5tgb

奇實老師已經是最清楚你孩子的人啦，她都比左意見，叫留班啦！樓主問人留唔留班好，是想找比老師更清楚的人的意見？還是想找答樓主不要留班的意見呢？好多人想留都無得留呀！

heihei1228

香港現在是12年免費教育。

moondream3003

原帖由 Jane1983 於 14-06-25 發表
你小朋友系咪細B？學習上的問題系咪留班可以解决？經呢一年，你摸吾摸到幫個仔女上軌番軌道的方法？

小一d ...

係呀， 暑假努力追， 多親子閱讀。

Jane1983

回覆 kristy_bb_heng 的帖子

如果你有時間，自己跟功課、幫小朋友好d。補習社都係做生意，吾係間間好，一定無亞媽咁上心。
留班係一個辦法，但你要睇清楚個問題係邊，跟住解決，見過吾只一個，留完初初好d，跟住都係包尾。

kristy_bb_heng

5tgb 發表於 14-6-25 19:40
奇實老師已經是最清楚你孩子的人啦，她都比左意見，叫留班啦！樓主問人留唔留班好，是想找比老師更清楚的人 ...

其實我最想知係小學留左一次係咪冇得再留,如果因為咁小4唔得冇得留,5-6年級程分,到時中學驚派得唔好!

5tgb

不會留左一次，唔可以留第二次，但小學留二次班，考到一線中學的機會應該不高啦！

sissysze

原帖由 kristy_bb_heng 於 14-06-25 發表
回覆 Jane1983 的帖子

唔係牙，我都唔肯定留班可唔可以解決到，所以我問過老師，老師就話留一年會好d，我 ...

你講話小學比較深，係咪唔適合小朋友呢？ or 轉去一間正常無教深嘅小學會好啲呢？？

yanyan6

5tgb 發表於 14-6-25 21:01
不會留左一次，唔可以留第二次，但小學留二次班，考到一線中學的機會應該不高啦！ ...

why會影響升中?

MrBeast

留就唔多唔少對小孩心理有d影響，不過如果摸唔到問題係邊，可能都是留會好d，有冇問過當事人意見？有冇得重考？

kerkermui

如果小朋友應付唔到，原校升小二係浪費時間
我反而有興趣知道，會唔會係因為學校教得比正常深，小朋友底子唔夠應付？其實正常嘅小學會無問題？
學校會唔會有教育心理學家？可唔可以搵佢傾下？其實我唔知幫唔幫到，但好似有個專家了解下，佢嘅意見會幫到手咁

karen55407

我會選擇留班，如果成績差還勉強升班，可預計佢一路都係會包尾，我學校就有人留完可以再留，無話得一次留班機會

anntx3

轉校吧

little_yolky

kristy_bb_heng 發表於 14-6-25 20:53
其實我最想知係小學留左一次係咪冇得再留,如果因為咁小4唔得冇得留,5-6年級程分,到時中學驚派得唔好!
...

我唔知你間學校有幾神, 但一般小朋友11-12歲升中一, 你仲預小朋友可以留兩次班, 13-14歲至讀中一, 又想問中學仲可唔可以留, 咁你到底想小朋友讀到幾多歲? 你覺得青春期既小朋友見同級但大其他人兩年, 其他同學仔會點睇, 佢自己會點諗。你去買番正常小一程度的習題, 佢識唔識做? 如果正常課程無問題, 係咪真係需要咁堅持讀間band 1名校。你有無入過升中網, 有一個帖係band 1學校既band 3生, 該家長升中時的辛酸, 我諗你真係要諗清楚。

利申：我安排自己囡囡入band 2學校博做band 1生。

ppsfung

kristy_bb_heng 發表於 14-6-25 20:53
其實我最想知係小學留左一次係咪冇得再留,如果因為咁小4唔得冇得留,5-6年級程分,到時中學驚派得唔好!
...

官津校老師不會随便叫人留班. 我聽過幾個CASE係家長要求留班而學校不批.
我估老師咁樣講一定係非常跟唔到... P.2, P.3的課程比P.1要求嚴格, 勉強升班會令差距越來越遠.

既然現在有問題, 便應及早解決現在即刻處理, 而不是等問題惡化落去, 到P.4才處理.

如果小朋友留了一次班, 仍然是跟不上(或者情況沒有改善), 可能要檢查吓小朋友是否有專注力或學習能力的問題... 再跟據佢能力去轉合適的學校, 到時已經不是留班2次的問題了.

loveDD

差係去到幾差先?  

老師叫得小朋友留應該係覺得小朋友都重有機會可以教得好，小一個底子打得唔好上去真係會好辛苦!