叩門準備

longbear

阿仔佢下年就會玩大抽奬遊戲, 好擔心佢派唔到學校就會叩門想先了解一下, 叩門係會考0的乜, 問0的乜
咁下年可以有備而戰!!!
請問大家可以分享一下叩門經驗呀?

nillnill

原帖由 longbear 於 14-06-24 發表
阿仔佢下年就會玩大抽奬遊戲, 好擔心佢派唔到學校就會叩門想先了解一下, 叩門係會考0的乜, 問0的乜
咁下年 ...

我估計明年獲派首三志願的朋友繼續創新低，因而連獲第一志願都要去叩門的人會更多。另外，雙非懂得了叩門的遊戲，甚至玩得比我們更熟。
1.在參加自行、統一派位前，都要考慮埋叩門。要多加假設，例如派到志願以外要打算點樣叩，派到首三名志願內要如何叩門等。
2.雖然今年好多學校違反當初111承諾，但如果你心儀小學繼續用111吊你胃口，你選擇信與不信？無論如何，111必須先去叩門，並且在放榜前寫定校長推薦信。
3.有些小學需要2年的成績或評估檔案，請一取得成績時，即掃描入電腦，必要要可以彩色到列印出來。K3上學期的成績，只要下學期初到手，應該即時掃描入電腦備定，放榜前即印即可使用。
4.叩門問題，特別第二輪，通常校長見家長及小朋友，小朋友必須有耐性坐定定，家長問題必然包括對小學認識，及如果其他小同時收你會有咩感受（對學校忠誠），小朋友通常問日常生活涉及解難或邏輯問題，例如如果有隻船請大家遊船河，會請咩人？點解？去邊？又例如突然係街唔見屋企人，小朋友應該點做？
5.集體面試方面，有可能要講故事，或者看圖講故事，甚至要普通話或英文講。要家長平日就要提高小朋友看故事書的能力，提高語文水平及看圖吹水能力。

nillnill

補充:叩門筆試,今年上水區幾乎間間小學都筆試。都通常30分鐘一科，中英數即時至少個半鐘。考閱讀，寫字，串字，加減數，單雙數，圖像等。靠平日功夫，而且做完小朋友必須習慣檢查及改正。

最後，面試記得問清楚邊位面見，通常副校長、校長面見才是跟你玩真。如果遇一般老師或主任見，有機會只是充當臨記，幫學校做勢，幾叻都根本不入圍。直接講：玩你，預左該場衰硬先。

麥兜MaMa

回覆 nillnill 的帖子

多謝哂你既詳細分析

kingkingxoxo

原帖由 nillnill 於 14-06-24 發表
補充:叩門筆試,今年上水區幾乎間間小學都筆試。都通常30分鐘一科，中英數即時至少個半鐘。考閱讀，寫字，串 ...

好詳盡

2boba

叩門準備得幾充足都好，都唔可以諗住實得，要有backup，預定叩門食白果。

叩門真係要講天時地利人和，要好好裝備小朋友學術，又要有靚靚內容嘅portfolio ，臨場表現又要keep得好，因為你唔知學校開邊樣，有D要你三條一、有D重點睇portfolio ，來自邊間名幼，有乜特異功能、有D同你做筆試，仲有D玩年年叩門唔同形式，有間地區龍頭，上年玩學術筆試，今年淨睇portfolio ，又有間校長話明無筆試，點知又考！連官小都唔係交表就有得見，話知你識飛都無表演機會。

yukai

Thanks for sharing

angrybusilver

叩門準備?最好識心儀學校既校長﹑校董，再唔係校長既兄弟姊妹都可以。