樂天教室joyful，去定唔去

lilygang

大家好，第一次發帖。。
我個女2歲2個月，女女係社交同情緒控制方面有d問題，好多幼兒園都refuse（女女一入陌生房間見到陌生人就會喊得好厲害）。

本身認為拒有可能係自閉症，因上網search好多症狀都中，去左joyful度見治療室，陳姑娘認為唔係自閉症（智力正常），主要係固執行為嚴重，及情緒既問題。

我想比個女係joyful上堂，但老公堅決反對。拒認為女仲細，可以係屋企自己教 (三歲半先直接上k1)， 唔應該逼得她太厲害，怕拒失去安全感（女女非常抗拒同其他小朋友玩）。另外拒認為既然女女唔係自閉症，就唔應該比她在係joyful上堂。但我認為joyful好專業，二一般幼兒園亦很難有耐性去帶我個女。（拒既脾氣太嚴重，第一次同治療師見面基本全程都係拒既喊聲同尖叫聲度過）

大家點睇？

felixthemom

我明白冇父母想子女接受特殊教育，但自己問心如果小朋友真的跟同齡差別很大就不要自欺欺人，因為早期訓練真的很重要。其實樂天的模式跟一般PN很類似，一樣有唱遊圖工、大小肌肉訓練、如厠訓練、故事、茶點時間，只是另加專業人士3T和人手比例1：3照顧好得多，所以除了貴之外試下真是無蝕底。我囡返幼兒園前都讀了3個月，感覺是脫胎換骨。

cvpigpig

原帖由 lilygang 於 14-06-18 發表
大家好，第一次發帖。。
我個女2歲2個月，女女係社交同情緒控制方面有d問題，好多幼兒園都refuse（女女一入 ...

同我仔初初好似，2歲仲未識講野，疑似自閉，之後去見治療師，第一次不停喊同發顛，之後上個别導師訓練，開始好d，肯做野，但都有走黎走去，2個月之後再轉密集，好快已經可以坐定定。當然每個人都唔同情況，但我覺得唔多唔少都一定幫到。仲有我覺得行為問題越細纠正越好。

lilygang

felixthemom 發表於 14-6-18 17:33
我明白冇父母想子女接受特殊教育，但自己問心如果小朋友真的跟同齡差別很大就不要自欺欺人，因為早期訓練真 ...

你講個“脫胎換骨”令人感覺好有希望，我都想比個女去，但老公可能心疼個女自己承受唔到，成日都話個女仲細自欺欺人。。 多些你既建議 ：）

lilygang

cvpigpig 發表於 14-6-18 17:34
同我仔初初好似，2歲仲未識講野，疑似自閉，之後去見治療師，第一次不停喊同發顛，之後上個别導師訓練，開 ...

我個女發顛時仲會扯人頭髮同抓人。。其實我擔心拒同其他小朋友上堂會唔小心傷到其他小朋友。。個別導師訓練介唔介意講你邊位導師？我都想考慮下先個別訓練再轉密集，等女女容易接受d。多謝回覆啊 ：）

cvpigpig

原帖由 lilygang 於 14-06-18 發表
我個女發顛時仲會扯人頭髮同抓人。。其實我擔心拒同其他小朋友上堂會唔小心傷到其他小朋友。。個別導師訓練 ...

已覆

felixthemom

你個女出年讀k1即是10月到開始要interview, 你咪同老公講當俾個目標和期限自己，返幾個月訓練佢坐定定和聽指令都好吖，到時睇到成果佢就唔會反對。事實上很多小朋友都係上一年半載糾正行為問題然後上主流幼稚園。