應該揀德望小學一條龍升德中定去陳守仁？

silvia_ng

樓主呀女性格如何呢？我諗呢個方向諗會好啲。陳守仁上中學確實有壓力的，不過都係家長自己比自己啦。同時，我地有五份一學生修讀法文，佢地可以選既中學唔多，亦局限左。如果你目標只為band 1中學，我建議去德望。如果你想呀女會有自信，主動啲的話，陳守仁都係一個好選擇。我可以話你知，係陳守仁考後尾果班學生，亦會搵到佢自己既亮點，長處。

回樓上，而家只得三個band, 冇band 4的。

silvia_ng

原帖由 HappiMom 於 14-06-16 發表
其實考中學是否真需要特異功能？我見今年考小一成績不錯的都無特異公能。



  ...

大部分都會有計"課外活動"分，越名既學校，要求特異功能既功力越高。升中自行計分辦法，可於一月左右上各大中學校網睇睇。

silvia_ng

原帖由 Argyle 於 14-06-16 發表
我唔知TsL有幾多上女拔或spcc？

上年spcc 好似七個，dgs 兩個。再者，有啲唔想比錢讀(我係其中之一), 所以都唔會去考呢啲學校。

silvia_ng

原帖由 HappiMom 於 14-06-16 發表
䔥亞姨，我囡囡唔屬超主動（我超主動係見到陌生uncle auntir 會主動傾計個種），不過在班中算是帶領其他同 ...

哈哈，呢啲性格去到邊都受歡迎呀！tsl 好多呢類小朋友，唔怪得會收你女。我女係超主動型，三九唔識七都吹到水，雖然佢讀書唔叻，但學校係佢小三已經搵佢做tour guide.  學校亦都好多超叻同學，佢雖然唔可以變成spotlight, 但佢呢三年學識輸得起，欣賞其他同學，會為同學加油打氣，安慰唔開心既同學。我諗，呢啲因素讓我會放棄爭入band 1,等佢自由發展。
記住，如果你放棄一間一條龍中學，要預左比親戚朋友插爆！仲要插足好多年

silvia_ng

或者大家覺得好top 既tsl 學生唔會入顏保鈴，but sorry, 有啲考十幾廿名既同學仔都會入去，只因佢地鐘意同同學一齊上同一中學。唔好咁單方面去估陳守仁家長諗法，其實你估我唔到囉！德望係點我唔敢講，因我冇細路讀緊。我雖然有朋友讀，但我又唔會buy 佢講既野，因為每個細路各不同，我唔會因一個半個去決定入左邊間學校一定得。一命二運三風水四績陰德五讀書，有啲野，整定。