請問將天/播道點選擇

sheepsheep49

我係全職媽咪, 將天聽講好谷好多功課, 相信都要找功課班幫忙, 但播道開心愉快學習, 又有中學直升, 本身呀女不是太過主動的人, 怕如果現在不谷她, 她會很懶散, 點算好, 麻煩大家比下意見!

cowboybaby

你派左將天之後播道又收你？？真係好難揀，剛剛看到有個媽咪又係播道vs 黃永樹，播道都好多人放返位出黎喎

bobochow

將天精英班好多可出去考到好中學。

kingkingxoxo

原帖由 cowboybaby 於 14-06-11 發表
你派左將天之後播道又收你？？真係好難揀，剛剛看到有個媽咪又係播道vs 黃永樹，播道都好多人放返位出黎喎



...

多人放是好是壞？

bobochow

可能播道中學只是band 2 。

sheepsheep49

綜合了各方意見, 都是選將天, 第一因為有妹妹的關系, 第二因為播度有朋友兩個女讀, 她們都是開心愉快學習, 注重閱讀, 我相信是好有紀律同自律性的小朋友會好些, 因為我個大女不太主動, 所以如果再讀播道, 我怕佢不能自律, 易放難收, 加上播道好像升大學比率不太高, 我都是怕競爭力不夠, 希望沒有選錯.

bobochow

有細佬妹最好讀津校, 將天雖然谷,但最緊要睇小朋友資質,加上你是全職媽媽,可以多點時間與她同行教導,好好多

sheepsheep49

SORRY我講錯了, 我是在職媽媽, 所以才擔心沒有時間去教, 但是都決定會試將天, 請問有無在職媽媽攪唔掂小朋友的功課及溫習呀?

播道好似年年都係放噃好多位出來的, 當初我個人感覺是, 如果派唔到一線學校我會讀播道, 但派到後, 身邊不停有好多朋友, 同學仔媽咪, 就話將天勁谷.....講到我好驚好擔心, 所以先會動搖......., 昨天再找資料分析一輪.......又問了補習社的老師, 她們的意見都好正面.....無想像中咁可怕, 就即管GO GO GO

GAT

一定揀將天，在將軍澳超多人想入，學術好，派位好，唔使錢，妹可跟入。播道重愛心，學術唔夠勁。

愜意貓

平心而論，我覺得播道今次非常有問題，並不是call全部waiting list的小朋友為首，反而接受被rejected再叩門的家長，亦原來要家長玩誠意玩到匪夷所思的地部，收到call而又是跟我一樣waiting的家長，由上年收到播道發出waiting list的信開始，每一個月寫信給校長求位，現在才成功有call，我只寫過一封，昨日看完一名家長的post，才多寫一封，因為校務處鼓勵我可寫兼盡快親自交來，我只可以講，我哋唔夠嗰班去到盡嘅家長玩，但最嬲係去到咁盡，卻猶豫黃永樹好還是播道好，又或將天好定播道好！不是堅決地入播道嗎？播道不是不二之選嗎？奪走真正想入讀的小朋友的機會，所以我真係好失望！我知播道校長喜歡家長有誠意，但我估不到所謂誠意是每個月去信，假若我早知，不如每一個星期去信，甚至每一天去信，係咪攪到全香港嘅家長好似癡晒線咁日日寫信先為之有誠意！原本我和小兒好堅決入播道，尤其小兒經常問道，無奈對校長之處理方法非常失望，有違公平公義。

Chunyan

愜意貓 發表於 14-6-1思 22:17
平心而論，我覺得播道今次非常有問題，並不是call全部waiting list的小朋友為首，反而接受被rejected再叩門 ...

有感當而發，當年都很想入播道，當年都有手寫了四封信給校長。這些信還保留副本，回想也覺得有點可笑。有朋友在這裡讀，他教路要親自遞信以表誠意。我去了學校四次，有兩次成功遞信給校長。
說真，遞信時真的不知說什麼好。早上學生上學時，就開始等，每次都見到其他家長在等，不知校長會否出來。 當年幾次都見到一位爸爸，當有一次見到校長時，校長對我說：你有什麼問題可問這位先生，他差不多天天都來（叩門）。
另外，有一次遇到一家人，帶同子女，畫了畫送給校長。

論誠意，我知我輸了，也反問自己是不是這樣做才是有誠意。我看到當年這位父親好像保安一樣站在，也不知等什麼。雖然面露笑容，但我覺得很不自然，也許是苦笑。不知校長感受如何？

不過我又不覺得不公平不公義這樣嚴重。

sweethoho

原帖由 Chunyan 於 14-06-13 發表
有感當而發，當年都很想入播道，當年都有手寫了四封信給校長。這些信還保留副本，回想也覺得有點可笑。有朋 ...

這樣的爸爸(老公), 我個人覺得過了火位囉!

MC媽

難道校長和學校喜歡看别人有求於人的樣子? 用作突顯學校身價嗎?老實說, 我不喜歡人這樣對待別人。

mj66

我個女讀將天 (小5)，因住將中心諗讀將天好方便(唔想阿女因交通間题辛苦),而且將天又出名. 所當年放棄油天(我先生係油天舊生), 依家我超後悔, 因為將軍澳的brand 1 中學只有4間, 競爭超大. 而因將天派位唔係想像中好 ! 大部份叻學生(全级頭2x名)都去外區(eg : 官塘/東區/直資)讀, 只有约10人可升讀區内brand 1中學 (將軍澳的brand 1 中學實太少)!! 真他学生一般升brand 2中学, 我現都好頭痛