對救世軍幼兒園(各區)的評價-可讓家長們在此討論

熊熊媽咪

我仔仔在救世軍荔枝角幼兒園讀中班。這裡的老師大部份是大學程度，且已受專業訓練，學校亦要求她們不斷進修有關課程，老師個個都好Nice，好愛錫小朋友。

校方已率先採用鮮風過濾系統，把外面的空氣過濾，然後才抽入課室內，其他學校暫時未聽說有此設備。

救世軍採用蒙特梳理教學，通過孩子把玩教具，培養各種數學概念、邏輯專注、秩序感、自理、手眼協調等。

計劃活動教學(Project Approach)，特色是讓孩子做主導，探索、尋找答案，教師用專業知識作出支援，可以的話，更會請專業人士為孩子解答問題。此課程更能伸延至中文、英文、美術、律動、音樂等。

        英文 – 小組學習，用遊戲形式教導拼音，對記憶英文生字有很大幫助。
        中文 – 採用像形文字形式教導孩子，容易理解和記憶。
        普通話 – 由專業老師任教，讓孩子多聽多講。

總之我好滿意，你不妨考慮考慮。

Michellemama

Martin媽咪 寫道:
Hi Michellemama,
我在親子溝通留過言比你, martin 會重讀 k1, 轉去香港仔華富救o軍, 3月1日才面試, 希望收 la, michelle 是否考慮重讀k1 呀             

依家先回覆妳!!
我諗妳決定係冇錯既.
我都識為係仔既話,做大仔會比較好d.
但係如果係女既話,我怕將來佢大個既時候,佢會介意自己係全班最大,因為我小時侯都有同樣情況. 所以依家仲未決定,或者我會比多一年時候睇吓佢跟唔跟到.
michelle晌25/2已經面試完喇,園長都話會收佢.
係呢~~點解妳會想轉去救世軍既,留番晌啟思唔好嗎??
希望martin面識成功!!

Michellemama

babybaby 寫道:
Michellemama:
以我過來人的身份來說,我覺得在生BB前讓小朋友入園,對大既小朋友來說會好一點,她不用常常看見家人,只照顧BB,而產生嫉妒,你也可以較專心照顧BB,不過也需要做一些心理準備的功夫,讓她接納BB的來臨.
至於學費可減免多少,我想你可以問司徙園長,她可以給予經驗之談.可給你一個預算既!不過你現在的問題,也真的令你有左右為難的問題,不過,啟思的學費同書簿費要幾多錢呀!又要收雜費?課外活動都要比錢,計起上來也不平,以前在三聖讀書只係要交學費,及上下學期交書簿費,都係百多元,現在據聞簿也是學校提供,不用買,所以你也可以兩者比較一下.
希望我的意見,也以幫到你啦!

無論如何...我都好多謝妳既意見.

6媽

雅雅媽媽︰
你和你先生也不用擔心，因為而我所知，她們所謂的面試，都只是看看小朋友有沒有任何特殊既表現，普遍情況都無問題，好似我個親戚面試，小朋友連先生都不肯叫，先生不但沒有話他不好，還叫我的親戚不要勉強他，以免他產生反感！最好笑的是，我親戚還以先生要每個小朋友逐個見，做些test等，但原來園長話當她同家長們介紹間園的時候，有些老師一邊"看"著小朋友，一邊便做緊"觀察"，這便算是面試了！所以你們也不用太擔心了！                       

Martin媽咪

michellemama,

我問過先生, 如果martin重讀, 很大機會讀同一班, 書本會一樣, 其他同學升班, 得martin一個, 他一定會知道, 所以轉校比較好些, 如果找不到好學校都會留在啟思, 可能就升k2, martin在學術上是跟到的, 但行為仍像大bb, 他很細粒, 得 95cm高, 13kｇ，　唔似　３ｙｅａｒｓ　２　ｍｏｎｔｈｓ，　另外救ｏ軍很近我家，　早上帶ｍａｒｔｉｎ返學快很多，　近我公司，　我平時揍　ｍａｒｔｉｎ　放學要很急，　非常辛苦，　壓力很大，　一放工要馬上走，　再加上學費很貴，　全日ｈｋ＄４９２０．００，　我有申請減費，　但都很貴，　救ｏ軍是一間好學校，　學費比較便宜，　每月慳回學費可足夠比ｍａｒｔｉｎ保險費，　現在經濟唔好，　如其中一個無工做，　真比較辛苦，　明天要帶　　　ｍａｒｔｉｎ去見救ｏ軍張園長，　希望收　ｌａ，　有好消息再話比你聽　　　　            

KooKoo

我想請問一個問題: 我申請明年2月或9月入救世軍幼兒園, 我已入左申請表, 大約要等幾耐至有回音interview?

6媽

KOO KOO,
你打算報邊間呀？我知救世軍總部

珍妮絲

我剛剛上星期同我個囡囡報左屯門三聖果間幼兒園９月入學, 隔左幾日園長就叫我地面試喇，跟住今日剛收到信話收佢，真係好快呀！封信仲叫我下星期俾錢做校服同俾書薄費．．．但我唔知讀唔讀呢間好，因為我同我老公（尤其是佢）覺得佢既校舍比較殘舊，怕衛生情況唔係咁理想，我老公prefer啟思（我地都有報名），覺得佢環境好D，但係我同三聖幼兒園園長傾過之後，覺得佢地好有心機同埋D教學法幾好，而家個心十五十六唔知點好，有無人可以俾D意見呢？   

珍妮絲

Michellemama & babybaby:

剛看過你們的討論，知道Michellemama五月會有第二個BB出生，和我的情況差不多，我第二個BB將在三月尾出生，而我大囡則三月頭滿兩歲，原本她可以三月入學，但我選擇了九月，因為我唔想她以為有了細BB就好似唔要佢，要佢番學．．．我希望她多些和細BB相處，建立好感情才入學，其實我也不知道可不可行，可以分享你們的經驗嗎？對不起，好像有些離題．．．

cas

JAC
其實天平幼兒園環境很好,而且學校上年8月剛剛新裝修,課室又很光亮,先生及審審又很好,膳食由學校審審煮,我兩個女都在天平幼兒園讀書,大女今年讀低班,幼女今年2月入學,大女由幼兒班到低班每天都不肯放學,要先生叫她她才肯走,因先生在茶點之後會講故事書及小組溫書,亦會與小朋友唱歌,救世軍歌由救世軍自己作,很有趣,我兩個女在學校學到歌,回到家會不停唱,而且會模仿先生講書,他們兩讀得很開心,不知JAC有沒有看到天平幼兒園海報有免費講座,第一堂今個星期六講小朋友情緒問題,如有空可以來聽,又可以參觀學校環境,欣賞小朋友作品

ChrisMaMi

Dear Cas and Jac,

I have to work on this Sat morning so I cannot attend the talk in 天平幼兒園.  I will try to come in the next talk and see you there.

122510

Anybody know the location at Shatin?

6媽

122510,
我上網看過有這兩間，但近邊處，則不太清楚！       
禾輋幼兒園
Wo Che Nursery ##  沙田禾輋村德和樓地下一至十四號  2604 0428  2608 0614  [email protected]  
10    乙明幼兒園
Jat Min Nursery ##  沙田乙明村乙明村街十五號二樓  2647 4897  2646 6825  [email protected]  

cas

ChrisMaMi
之後三堂講座我都會去聽,今天我聽了第一堂關於情緒覺得招園長講得很好,希望到時見到妳啦.

cas

KOOKOO
看妳報那一間讀,如果妳報讀舊區等的時間會很耐,就好像我朋友報讀荃灣那間,她等的時間差不多等了四年才有位,後來她決定放棄,因她的大女等不位,讀其他幼兒園,幼女就跟姐姐同一間幼兒園讀.而我兩個女都在天平幼兒讀,很快就有位,大女等了四個月,幼女一到兩就入學,如妳住在上水區或粉嶺,我想妳小朋友出年九月有機會入學.

517

珍妮絲,

我本來幫個囡報讀聖彼德堂今年9月入學,但見好多媽咪對救世軍幼兒園既評價都好高,所以再去報0左三聖救世軍幼兒園,面試當日,個囡一去到就好鐘意間學校,好開心自己周圍玩,我同老公就係房入面見園長,司徒園長好細心0甘講解佢0地既教學方法,個囡周圍攪住人0地上堂,d小朋友同老師都冇唔耐煩仲好照顧佢,我0地都對佢0地既教學理念非常滿意,但係唯一缺點係個校舍好細好殘舊,我怕唔夠地方比小朋友走動,本來今年5月足兩歲就入學,但又心大心細唔知讀邊間好,我老公就鐘意救世軍既教學方面,但我又覺得聖彼德堂空間夠大,之後上年年尾收到救世軍既信要做校服同交書薄費,最後就決定讀近屋企既聖彼德堂,等9月新學年就會入學既,但係我依家睇完大家既經驗,都想比個囡入讀救世軍幼兒園,早兩日打電話比司徒園長星期三再約見,我0地考慮清楚後覺得幾方面都係救世軍較優勝,最多唔理想既出年先轉幼稚園,依家讀N1都唔係太緊要,起碼學費就平好多,又可以申請資助,最主要係我最想個囡可以開開心心返學,唔會有讀書既壓力,呢個係我既小小意見,希望仲有學位0拉,睇下我0地既小朋友有冇機會做同學0拉!     

珍妮絲

Hi, 517,

我都有報聖彼德堂9月架, 其實我報左幾間打算遲D先諗邊間, 初時我係打算只俾個女讀半日, 於是報左聖彼德堂同啟思, 三聖救世軍幼兒園係最近先報, 因為一黎我考慮緊好唔好讀全日(我暫時係全職媽咪加兩個老人家湊一個兩歲幾小朋友,一個初生BB),二黎對我黎講三聖比較近... 想請問你聖彼德堂全日幾錢呢?

517

珍妮絲,

聖彼德堂全日要大約$3300,佢0地話未confirm實,呢個係上年既學費,今年會調整小小,不過我唔知仲有冇其仔雜費,我都係全職媽咪,我個囡好曳好難教,想佢返全日可以獨立同有紀律d,所以會比佢讀全日.

517

Michellemama,

仲咩突然幫Michelle轉學校既??0甘救世軍收佢會唔會讀呀?我0地諗清楚後都係比心心讀返救世軍喇,因為真係好鐘意佢0地既教學方式,打算讀一年睇下點,如果唔理想先轉幼稚園0拉.
你呢排點呀,個肚肯定好大0拉,辛唔辛唔呀!!!

珍妮絲

Thank you 517! After discussion with my husband, I think I will also let my daughter attend full-day nursery school in Sam Shing because I don't think my parent-in-laws can take care of two kids if I go to work again. Besides, i agree that attend full day can train children's self-discipline better...