對救世軍幼兒園(各區)的評價-可讓家長們在此討論

yinyinmama

Hi, Jac:


其實救世軍十幾間幼兒園的教學都係一致o既, 因為佢o地有小組專責編排各科目的課程, li D你可以o係其他救世軍幼兒園o既家長發表中睇到, 我仔仔讀o既時候全園係百多人, 師生比例都係1:14, 致於環境方面, 我覺得佢o地o既課室好光猛, 因為課室係開放式, 兩邊都有窗, 樓底高, 乾淨, 空氣十分流通, 園長, 先生同嬸嬸都好友善.

升小學方面, 而家因為有冇面試, 所以如果首名子女得5分o既話, 就好睇仔所揀o既小學多唔多人揀, 多人揀自然機會低, 你仔仔而家仲咁細, 幾年後小一派位方法可能未必同而家一樣, 所以我覺得你唔駛咁早諗住.

o係網頁度有冇見到講座o既資料呀, 有時間可以去參加順便參觀吓呀嗎, 又可以自己親身睇o下環境, 接觸吓園長同先生.


yinyinmama

      

siubabe

BMF

I feel sorry about your experience.

張園長是那間園?

My daughter is going to study in 救世軍幼兒園 this year.

BabaMama

請問有無家長參加過上星期六響荔枝角幼兒園既家長講座呢?有無notes.可以分享呢?我遲了報名呀!

Wkit

Babamama:

點解你自己唔打電話問下

BabaMama

Wkit
Ha!好提議!我明天試下問!

cclam

Ada, KooKoo, helenhhh & 小寶：
北角果間學費係$2460，我知其他救世軍幼兒園的學費也是間間唔同。
佢地剛剛開幼兒園所以緊係得噤少人畢業啦！第二年的高班比例就會正常返！
佢地一班唔係18人，?應該係28人，有兩位老師(1對14)。
間園細D，但以課室空間計也不錯，無擠迫感覺，課室內放左小朋友的畫同埋手工製品，做得幾靚，設備都算新，重有個Montessori Corner(呢樣貴野黎架，我個澳洲朋友話，係澳洲一個月$700澳幣每星期返2/3個下午)果日報名我都有帶埋亞仔去，佢一入課室就自己走去玩，同D小朋友玩得很開心，D小朋友好友善，又識分享，我就係想個仔學識呢D，最後重玩到唔肯走添，你地可以去睇睇呀！

cclam   

ChrisMaMi

Jac & yinyinmama,

我都幫bb報o左天平邨的救世軍幼兒園, 周園長話希望佢有位比佢在出年1月(2 years old)插班讀N1, 如果唔係就要等到9月呢!

唔知我o地的bb會會係同學     

靖媽媽

yinyinmama :

佢o地o既課室好光猛, 因為課室係開放式, 兩邊都有窗, 樓底高, 乾淨, 空氣十分流通

請問是指邊一間?

靖媽媽

BMF:

張園長是否TKO的?

BMF

靖媽媽,Siubabe,

張園長是TKO明德之園長.

BMF

winoma

我正想幫阿仔報名 - TKO明德,點好呀?   

靖媽媽

我都報左名! TKO明德! 不過我都未有時間親自去看看 or talk to 園長!

the lady on the phone said 最快要到04年9月才有位! my son is now 1 yr old. that means he can't get into it when he's 2. no 插班 coz 少人走.

Jac

Yinyinmama, Babybaby
唔該哂!我啱啱今日收到天平幼兒園寄回講座的單張，下星期六剛好有講座，我都會去睇睇，多謝你地分享，我都希望我bb好似你地的bb一樣可以享受到快樂的學習環境。

Chrismami,
我bb係5月尾出世，所以原本打算讀出年9月的n1都ok，唔知Chris會係佢學兄抑或係同學仔呢? 下星期六的講座你會去聽嗎?

我係救世軍的網頁見到其他分園有講座，但就唔見天平邨有，原來佢分別係三月一日、三月二十二日、四月二十六日同五月十七日的十時至十二時都有唔同題目的講座，對象係 0-5歲的幼兒家長，有興趣的可電2671-9972查詢報名。
哈!幫佢賣埋告白添，不過非牟利的活動係值得支持的。

6媽

winoma,
你亦不用太擔心，據我朋友所講，其實TKO的老師的確不錯，她們有很多經驗給小朋友，好似上年他們畢業班小朋友表現的牛仔舞，就令我的朋友印象深刻！而且上年他們申請了優質教育基金，做了些活動，都好似不錯。
                            

BabaMama

winoma
我都同意6媽的講法,最緊要救世軍的理念好,你認同他們的方向,先生有愛心及材幹,最重要,因為她們才是親身教導你孩子的人,同時,有時對人的印象,真是觀點與角度既!

winoma

BabaMama, 6媽,

Thank you 你們的意見, 我都會報左先,最唔知等幾耐和收唔收, Thanks.

Samuel媽

一口氣睇完8頁的討論, 都有d想俾阿仔讀, 我地住大埔, 請問有冇人可以俾我大元幼兒園o既評價呢?

我由另一個topic知道救世軍係基督教機構, 咁園內有冇宗教活動呀? 呢個係幾重要因素, 因我同阿仔都係天主教, 如果冇宗教活動還好, 有就唔好喇, 我細個都讀過浸信會辦o既小學, 成日有佈道會, 我果時咁細都覺佢地煩, 成日o係佈道會逼人企出去表態話信, 我唔想阿仔都有咁o既唔好經驗呀.

我阿仔而家14個月, 我地唔想佢太早入學, 想明年(04年)8/9月至讀N1, 係咪而家就要報名喇?

Terry媽咪

Hi Samuel's mom,

The Salvation Army Nursery is of Christianity background. As I know, the kids will have 15mins morning prayer period everyday which teaches them how to share with others, and love others,......etc. This is to develop them into a better human being.  So, you don't need to worry about that.

Even my sister is not a Christian, she still let her son to go to a Christian school since she thinks it is good for his personal growth in all aspects.

Hope this will give you a reference.

Terry's mom

Michellemama

babybaby 寫道:
Michellemama

我的小朋友數年前於三聖幼兒園畢業,現在瑩瑩仍很掛念幼兒園的生活,她又說司徙園長很疼愛她,所以常要求回園探園長及先生

雖然三聖幼兒園地方較少,但如其他廠世軍幼兒園一樣,推行相同的教學模式,所以她們所學的不會缺少

而我從救世軍的網站看過,現在比以前環境更見豐富,我想學校曾進行裝修,而小朋友也從他們做的Project中,學了許多書本得不到的東西,所以這是一間值得你考慮的學校

Remark:幼兒園的師生比例是有法律規定的1比14.各幼兒園均必須符合要求         

真係好多謝妳既回應,便我對依間幼兒園有多d了解.
我想問妳囡囡依家讀緊邊間小學??佢剛上學既時候追得上嗎??依家既學業成績如何??
唔好意思,真係好多問題!!
25/2我約左司徙園長interview,所以我希望可以有更多既資料考慮!!

babybaby

Hi,Michellemama

瑩瑩在劉伍英小學讀書,初上小學一定要有一些時間適當,因為環境同同學仔都不同了,但她也很快適應,而且能喜歡上學,學業成績也不錯,現在還參加跳舞班!

通常讀幼兒園的家長,都會擔心兒童升小學的問題,怕幼稚園學生學得那些"深",而我的小朋友上小學,會否追不上他們?但我與一些小學先生分享過,她們說無論幼稚園及幼兒園小朋友升上小學或多或少也會需要時間適應,初時,可能幼稚園學生會較突出,但到小一下學期後,則會有不同的表現,如遇到一些要思考及分析的問題上,幼兒園的小朋友是比較好的,因他們能較主動去發言及提問,思考靈活(因幼兒園的教學是這樣)不是死讀書,我正是希望是想培養瑩瑩學習善用腦袋,懂得應變,所以選擇讀救世軍幼兒園,試想強記知識,而不懂用,有如用?讀到高年級,甚至大學,也是要學生識運用知識,懂靈活思考.
希望日後瑩瑩回幼兒園時,可見到你的小寶寶啦!