用戶登入
用戶名稱:
密      碼:
搜索
教育王國 討論區 升中派位 我對不同女校的感覺
查看: 67582|回覆: 229
go

我對不同女校的感覺  

Rank: 5Rank: 5


1365
發表於 14-6-9 18:11 |顯示全部帖子
還有一個月就放榜,眼見同事阿囡小一放榜派得唔好,我都開始驚驚地。今年在這裏得到不少家長的寶貴意見,所以我都想分享我地考過或心儀過的學校,因為只是我自己的主觀感覺,不喜勿插。

阿囡在九龍塘私小就讀,是band 1生,只有操行獎,風紀,班長,並沒有很多校際獎項,因佢有外國䕶照,過一兩年都會去美國讀,所以我冇好谷佢,而佢亦冇乜興趣去參加比賽。

但因為都要在HK讀一兩年,都唔想是但搵間讀,所以我地都有去不同講座,可以分享下作為媽咪的感覺:

BPS - 因搬咗去天后,所以好自然打算以BPS為本區第一志願,因為行過對面就係,又是band 1 頭學校。但去完講座參觀過學校後,阿囡卻嫌學校舊,而且不喜歡綠色校服,所以冇最初咁鍾意BPS!

St Paul Convent - 呢間阿囡都好喜歡,除了校服靚,近居企,band 1頭學校,英文又好,又有親戚讀緊,所以有伴!但呢間亦是最多嘢要預備的中學!因為一早已知interview format, 所以暑假已叫阿囡揀書睇,但佢始終慢吞吞,好遲先開始做,我又要幫佢改book report, 好多嘢要做!Interview亦不是太難,阿囡入了second in, 但因為始終收三十幾個學生,最後收了一個名次比阿囡前嘅同學,和另一個打乒乓球叻的女仔。

仲有五間未講,待續



點評

圖書寶寶  住在富澤同康澤都近  發表於 14-6-9 19:49
e12340  好好的分享!洗耳恭聽!住係栢x臺是最近BPS!  發表於 14-6-9 18:45

Rank: 5Rank: 5


3443
發表於 14-6-9 18:58 |顯示全部帖子
請高人指點,小女今年升中BPS我哋都有揀!請指其他女校意見!

Rank: 5Rank: 5


4779
發表於 14-6-9 19:40 |顯示全部帖子

引用:請高人指點,小女今年升中BPS我哋都有揀!請

原帖由 e12340 於 14-06-09 發表
請高人指點,小女今年升中BPS我哋都有揀!請指其他女校意見!
樓主好像早已有德望的offer,後來聖保祿有面試,又因得到心儀官津的面試而放棄直資。是否值得就因人而異,不過樓主之前還勸人放棄報上智而保留直資的德望!



Rank: 5Rank: 5


1365
發表於 14-6-9 20:11 |顯示全部帖子

回覆:e12340 的帖子

協恩- 最初其實並沒有打算in 這間,因為始終在九龍區,驚阿囡搭車辛苦,但班主任卻話都咁大個囡,搭遠d都唔怕啦!所以我們就去了協恩的講座。老實說,協恩的講座真的辦得很好,學生可以參觀學校的活動,而家長亦在禮堂感受到老師對學校的感情,副校長的介紹實在很令人感動。臨走時和協恩的學生傾計,感覺佢地大方得體,令我突然想阿囡入呢間。first in 後阿囡話唔難,所以我地都等著second in 的電話,可惜等到三月都沒有通知我們second in! 我自己估可能是沒有運動獎項,而且並不是頭十名的原因。

德望- 這間最初都不是心儀的學校,因要花一小時才可到達。但當作取多些面試經驗,所以都申請了。還記得德望校長講過面試主要是傾下計,很簡單的。但面試完卻發現那個first in 的題目一點也不易!考完後見d女仔不停話好難!雖然話冇筆試,但俾張紙仔佢地睇,然後要答曬中英數的問題。而好彩阿囡亦入了second in, 今次就真係傾下計,並不難,而父母亦要在另一間房和老師傾計,問我地點解揀佢地,怎樣照顧個囡等等...
三月時亦收到offer, 果陣因為未知St. Paul convent second in 的result, 又未有協恩second in 的機會 ,驚起嚟就簽咗先。因為當時去了不同學校的講座,間間都話唔會將留班位變叩門位,而自行的兩間又未有面試信,為安全起見,雖然路途遠,都係簽咗先,再等其他直資的offer和面試機會,因為四月前仲可以改,佢地未將我地資料交俾教育局。而估不到我地後來真的為了另一間中學而到德望withdraw offer!

Marymount - 自行時的兩個選擇,原本是想放BPS 在第一的。但在討論區卻發現好多人就算考頭十名都冇面試機會。而我表妹前年都in完BPS, 話對手超勁,英文流利程度如native speaker, 而且在group interview中佢都很難爭取到機會講嘢! 加上知道同校頭幾名的女仔都在自行時考BPS, 所以因為這些原因,我地決定不搏BPS, 因為它並非in曬所有申請者,我地怕冇咗個機會,所以打算自行時以Marymount 為第一志願。

Marymount 沒有舉行講座,所以除了上網睇資料,好多嘢都唔清楚。但幸好佢會in 曬所有申請者。班主任收到Marymount 的申請表時,還給了一份俾阿囡,有Marymount的校印,上網download的卻沒有校印。當我填好教育局三色的申請表時,班主任卻突然叫我地不要揀Marymount!佢話收風知道Marymount 只收全級頭3名的女仔,叫我地改過另一間!所以我就去咗教育局俾錢再拎過張3色form去填啦!而且又要苦惱搵邊間好呢?

待續...



Rank: 5Rank: 5


1365
發表於 14-6-9 20:20 |顯示全部帖子

回覆:goodenough 的帖子

對啊!我之前亦解釋了我是有後著,可以隨時俾個囡去外國讀書,所以我覺得自己搏得起!
但其他人如果並非有後備計劃,單單覺得自己in上智不錯,放棄直資而搏自行或派位,我自己會覺得冒險囉!班主任亦叫我不要相信阿囡interview時的感覺,信唔過!正如阿囡覺得協恩的interview很容易,但卻反而入不到!而德望的interview佢話唔識,佢反而有offer!



Rank: 5Rank: 5


1365
發表於 14-6-9 20:40 |顯示全部帖子

引用:Quote:原帖由+e12340+於+14-06-09+發表請高

原帖由 goodenough 於 14-06-09 發表
樓主好像早已有德望的offer,後來聖保祿有面試,又因得到心儀官津的面試而放棄直資。是否值得就因人而異,不 ...
其實goodenough好像之前在EK另一個topic都質疑過我為什麼自己放棄了德望去等自行派位,但卻叫其他人做相反嘅嘢!
我只係知我想揀最合適嘅學校俾自己個囡。至於俾意見其他人時,我會以第3者身份表達客觀嘅意見囉!
我並不是甚麼高人,只不過分享今次考學校的過程給大家!有時候原來行多一步是會有意想不到的事發生。之前就係因為在這裏分享了德望和自行選校的問題,跟著就收到幾位好心家長的message,教我怎樣做,所以想分享出來吧了!



點評

e12340  真的期待你的分享!  發表於 14-6-9 20:51

Rank: 5Rank: 5


4779
發表於 14-6-9 21:36 |顯示全部帖子

回覆:jc_mom 的帖子

我覺得有後著的同學,更加應該考慮直資。除了不用見到同事囡囡小一派得唔好而令到自己又驚之外,又可騰出官津學位給沒有需要的同學。



Rank: 5Rank: 5


4896
發表於 14-6-9 21:45 |顯示全部帖子
上年我校入左三個瑪利曼,佢地好乖,都係自行入。佢地都是二十名以外的。

Rank: 5Rank: 5


1365
發表於 14-6-9 22:10 |顯示全部帖子

引用:上年我校入左三個瑪利曼,佢地好乖,都係自

本帖最後由 jc_mom 於 14-6-9 22:34 編輯
原帖由 圖書寶寶 於 14-06-09 發表
上年我校入左三個瑪利曼,佢地好乖,都係自行入。佢地都是二十名以外的。 ...

因為搬到天后只有一年,很多時只能憑親戚朋友的資料作參考,另外就靠BK家長的指引。班主任好錫我個囡,所以我地亦很信任佢!自行時真係好頭痛,因為好多學校都好好,好難揀呢!




17374
發表於 14-6-9 22:20 |顯示全部帖子
提示: 作者被禁止或刪除 內容自動屏蔽

Rank: 5Rank: 5


1365
發表於 14-6-9 22:27 |顯示全部帖子

引用:我覺得有後著的同學,更加應該考慮直資。除

本帖最後由 jc_mom 於 14-6-9 22:31 編輯
原帖由 goodenough 於 14-06-09 發表
我覺得有後著的同學,更加應該考慮直資。除了不用見到同事囡囡小一派得唔好而令到自己又驚之外,又可騰出官 ...

我自己和女兒揀學校,會注重校風和理念。有後著的人為甚麼就要騰出官津學位呢!我也有交稅啊,但咁多年來阿囡都未享受過免費教育呢!



點評

HK4integritas    發表於 14-6-10 19:00

Rank: 5Rank: 5


1365
發表於 14-6-9 22:29 |顯示全部帖子

引用:Quote:jc_mom+發表於+14-6-9+18:11+還有一

原帖由 ha8mo 於 14-06-09 發表
唔喜歡綠色校服???
咁佢過去6年點忍???
KTS果套較鬆身,可以掩蓋好多弱點!阿囡貪靚囉!




55254
發表於 14-6-9 22:39 |顯示全部帖子
ha8mo 發表於 14-6-9 22:20
唔喜歡綠色校服???
咁佢過去6年點忍???
我小朋友和佢地d同學仔一樣認為...叫佢地做白菜仔
可能...都係早接受自己學校套校服 ~~~

Rank: 5Rank: 5


1365
發表於 14-6-9 23:47 |顯示全部帖子

引用:+本帖最後由+jc_mom+於+14-6-9+22:31+編輯+

本帖最後由 jc_mom 於 14-6-9 23:55 編輯
原帖由 jc_mom 於 14-06-09 發表
本帖最後由 jc_mom 於 14-6-9 22:31 編輯

阿囡在香港出世,並不是雙非兒童,揀選官津學校亦是無可厚非的!就算是有後著!

繼續講埋其他學校先!

SSGC - 初初並沒有打算考這間,所以連講座也錯過了。但自行時隨了揀聖保祿中學,還要揀多一間,表妹的補習老師説SSGC英文強,校風好,推介這間,所以我們選了這間做自行的第二志願。其實講排位,SSGC比St Paul Sec 前,但因為St Paul Sec 近屋企,所以反而排了他第一。這兩間學校,入了其中一間也不會後悔,雖然會冇了抽BPS的機會。SSGC 會in 所有申請者,3月interview時其實已簽了德望的offer,但我地收到SSGC的信時亦有去in. 那時因已有offer在手,所以阿囡in得好輕鬆。加藉校長亦很nice,在等候時和她們傾計!不過阿囡話原來有老師留意注佢地等候時有冇傾計,暗地裏俾分。in 完時阿囡話唔難,並且覺得老師和SSGC的學生都很友善,幾喜歡這間學校。

但是我們登記時見到了那張interview list 真的很長啊!阿囡又話自己hea住答,冇全力以赴!

St Paul Sec - 這間一直是自行時的其中一個選擇,因為識人讀這間,對這間學校讚不絶口!校風純樸,學生很乖。她的校舍不及很多直資學校大,設施不及德望,並不能做到德望的小班教學。所以當時都好矛盾!

St Paul sec 並不是in 曬所有申請者,而且差不多三月中先通知有冇得in,那時收到信,知道要帶埋student record form 去,但張form已經被德望收了,諗住算啦冇得in啦!但在EK 和其他家長傾開,佢地叫我打去問下啦,打完去St. Paul sec, 和校務處職員傾了我的情況,佢叫我地帶埋本手冊去interview,俾我地in, 校務處職員還提醒我地直資學校如德望交咗我地d資料去教育局,就算St. Paul sec 想收我地都不可以的。在整個過程中,感到校務處職員很幫忙,令到我地有面試的機會!同一時間,我亦打了電話去德望,問佢地將名單交了給教育局未,佢地話四月先交,跟住我又問埋如果取消offer的info。

St Paul sec 的簡介會我同阿囡一齊去了,主要由前校長講解。很奇怪,校舍雖不大,卻有好warm好新的感覺!之後去參觀課室,並和學生傾談,發覺她們讀得很開心!其實之前亦有和德望的學生傾談,兩間比較,發現St. Paul sec 的學生開心些!

到了面試的一天,阿囡去了group interview, 而家長就和Ms Wu傾計。前任校長很厲害,竟然認得家長有冇參加過之前的講座!之後佢再講學校的理念和她對學生的要求。阿囡老豆雖然在外國長大,鬼仔性格,聽完卻同我講:媽咪,呢間好!

阿囡亦很喜歡這間學校,所以in完後我地更苦惱呢!

很眼瞓!明天繼續



點評

QQ_PAPA  多謝你的分享! 每個合資格的學生都有選擇櫂利, 支持你的選擇!  發表於 14-6-10 09:47
chantm1812  如果女兒是乖學生,申請這間好學校啦!這是一間非常優良校風的中學!SPSS積極培養學生的素質,我的女兒很喜愛這間學校!  發表於 14-6-10 01:13

Rank: 6Rank: 6


7522
發表於 14-6-10 01:01 |顯示全部帖子
本帖最後由 cellon 於 14-6-10 01:02 編輯

Rank: 6Rank: 6


5080
發表於 14-6-10 09:31 |顯示全部帖子
SSGC是什麼學校?是直資嗎?
我小朋友上年學校有2位學生入了Kowloon Tong Maryknott Convent School.  這校現在是不是比較易入,好多家長話佢係貴族學校,所以都無比小朋友入。反之DPS還難入。

Rank: 5Rank: 5


1365
發表於 14-6-10 09:48 |顯示全部帖子

回覆:我對不同女校的感覺

聖保祿vs德望

參觀了不同學校後,我都覺得自己很花心,很多間也喜歡!但喜歡並不代表我們入到呢!直資的三間學校,最後雖然只有德望有offer,但我們亦已很高興。3間直資中,最希望入的是St. Paul convent, 我和阿囡已經很努力的準備,雖然入不到,但我並不會懷疑阿囡的能力,她初初亦有些失望,但我會安慰她可能有更適合的學校等着她!

比起很多家長,我並不勤力,因為要返工,所以我並不是時常上BK交流,但都係因為要幫阿囡揾學校,所以又來討論區傾計了!

那時候簽德望,是喜歡她有雙班主任,資源豐富,有好多活動可以參加,語文很強,有Spanish, French 學...而且亦有兩位同學收咗,大家有伴,阿囡都很興奮best friend能一齊入讀。而缺點就是比較遠,要搭地鐵加小巴才到校,會辛苦一點。那時候決定簽offer, 打算搭車辛苦的話,就搬去德望附近,將天后住址放租,因為阿囡不用辛苦,而且租出去亦有錢賺!

但和阿囡的補習老師傾開,因佢住在北角,搬家的話就不能上門補習了,因老師嫌遠。另外阿囡在北角的數研學數,老師教得很好,三次數學呈分中,兩次取了一佰分,另一次九十幾分!升中一後阿囡初初可能還需要補習老師幫忙,如果連tutor也換埋,一次過要適應很多改變,所以我開始猶豫了。而且現在的piano老師亦是上門教阿囡,可能又要再夾過了!



Rank: 6Rank: 6


6782
發表於 14-6-10 09:50 |顯示全部帖子
多謝分享

Rank: 5Rank: 5


1365
發表於 14-6-10 09:56 |顯示全部帖子

引用:SSGC是什麼學校?是直資嗎?我小朋友上年學校

原帖由 heiB 於 14-06-10 發表
SSGC是什麼學校?是直資嗎?
我小朋友上年學校有2位學生入了Kowloon Tong Maryknott Convent School.  這校現 ...
SSGC 和 Maryknoll都有直屬小學,並非直資學校,我自己覺得都難入,因為學位不多。阿囡住九龍區的同學,很多也放Maryknoll作自行的第一志願。



Rank: 5Rank: 5


4809
發表於 14-6-10 09:59 |顯示全部帖子

引用:協恩-+最初其實並沒有打算in+這間,因為始

原帖由 jc_mom 於 14-06-09 發表
協恩- 最初其實並沒有打算in 這間,因為始終在九龍區,驚阿囡搭車辛苦,但班主任卻話都咁大個囡,搭遠d都唔 ...
多口問句你囡學校頭幾名自行有報bps,咁,佢地有冇直資offer架?如dgs or spcc?