當有培幼喺手，你仲會target邊間小學?

macmate

我女考到培正幼稚園，本身幾鍾意培正教學及德育培訓，理念上大致認同。如小朋友有能力可更進一步，除咗拔萃非本人那杯茶外，大家仲會考慮邊間小學?

NICOLE123

我估神津校才能打動我

細咩咩

培正我都好鍾意，因為一條龍，但中文中學又的確唔係我想要嘅嘢，如果我有其他offer可以鋪到路入英中，我會棄培正

macmate

多謝意見，但可唔可以具體啲講原因同邊間小學呢？唔該

angie_mama

個人意見，其實，唔鍾意培正，唔鍾意中小/中中，為何申請？何不集中精神、心機、時間去搵路上英幼？大把international kindergarten 全英語教學。喜歡英文學校沒錯與對，知自己要乜最重要，有培幼offer又唔係自己杯茶的話，九條龍直上博士學位也是徒然，因為成個「中文」教育過程都令你心裏有條刺，何必呢？其實唔啱都申請浪費自己$30申請費、$660留位費。。。更重要是，浪費人家人力物力(在培正、至少3年幼稚園、分分鐘加6年小學、6年中學，浪費資源及時間多達15年.....浪費自己學費錢9年加高中3年)，及真正真心鍾意培正的學生和家長機會、學校interview 及 admin resources. 啲大陸雙非已經累到香港家長比強國人剝奪港人資源，香港家長唔啱口味都生霸死霸，真的令兔B、龍B雪上加霜。香港教育的確是有疚病的地方，但有時不一定是𡃤教育制度，(港人、雙非及單非)家長心態與行為品德一樣有「貢獻」。btw, 其實，中文比英文難學好多倍，英文26個字母，懂併音就識讀，grammer有特定structure , 中文像文、像意、像形、像聲，識睇都未必識讀、識讀又未必明意。中國中文文化，學得好，小朋友大朋友都知自己的「根」在那裡，這對個人修養品德有莫大影響。英文當然重要，但說得一口流利英語，少看自己種族「母」語，等同看不起媽媽説的語言(除非母親說「流利外語」).......中文學校，不一定只得英文一科有英文，學好英文一科，其實易過「同時」學好英文及中文兩科語言。

AJH

雖然培正唔係我杯茶，但係我好好奇，間學校唔係你心儀先報咩？人地收咗先問呢個問題？講真，做人不要太貪心，因為培正係好多人嘅目標。
我只想講，沒有最好嘅學校，只有最適合自己子女嘅學校

tam_bb

原帖由 angie_mama 於 14-06-09 發表
個人意見，其實，唔鍾意培正，唔鍾意中小/中中，為何申請？何不集中精神、心機、時間去搵路上英幼？大把int ...

十分認同！ ---> 「中文比英文難學好多倍，英文26個字母，懂併音就識讀，grammer有特定structure , 中文像文、像意、像形、像聲，識睇都未必識讀、識讀又未必明意。中國中文文化，學得好，小朋友大朋友都知自己的「根」在那裡，這對個人修養品德有莫大影響。英文當然重要，但說得一口流利英語，少看自己種族「母」語，等同看不起媽媽説的語言(除非母親說「流利外語」).......中文學校，不一定只得英文一科有英文，學好英文一科，其實易過「同時」學好英文及中文兩科語言。」

細咩咩

人家鍾意英中對你有影響嗎，每個人都有選擇權利，再且，有講過中文易學過英文嗎? 讀英中就中文會差嗎？ 想讀英中就一定會入到嗎？ 入唔讀而揀培正又有問題嗎？ 培正唔係自己首選就唔可以報？ 就要讓個位出嚟？

phoebewong123

會target 德望，spk，聖心私小
Btw, 我唔同意有培幼就一定要疊埋心水讀到中學，都未讀點知適合？同埋小朋友性格越大越顯現，得2-3歳都未知哂

Crystalpig76

人望高處, 有何不妥? 報龍校都係想穩穩陣陣去玩小一遊戲啫...

就算依家 K 可以入到德望, SPK, 聖心, 真光, 相信到搵小學時好多家長仍會報其他更心儀的小學, e.g. DGS, SPCC..

macmate

我估唔到問少少意見會有家長有咁大反應

首先請留意清楚，我有提及過我係鍾意培正嘅，無論宗教、理念大致上都好認同。我冇話過中文易學又或者只心儀英小或英中。事實上小女有英小龍幼offer但都揀咗培正，因為我鍾意培正嘅德育教學。個人只希望小女中文要有小學嘅程度，我唔需要佢學到作家級，只求足夠應用日常生活就得。相反，學英文雖然比中文易，但要聽說寫流利並唔係容易。對英文有要求嘅最大因素係屋企未來(未計劃過幾時)有機會移民外地，如英文唔好係好有問題。

咁有時尤其响forum入面唔駛將家事全盤托出，仲有我都真心覺得培正英文都唔差，只係人要向前望才能有進步。又或者咁，如培中日後加強多啲英文訓練，咁我就唔駛心多啦！但件事都係講緊十幾年後嘅事，個世界係點我點知。我而家只係盡自己努力做多啲research同問吓意見，正所謂機會係會留畀有準備嘅人，行前一步並無不可。

仲有，我多謝有實質input嘅家長所畀嘅意見。但始終forum係一個open嘅世界，你有權發言，我有權認同或不認同， 對某啲言論有所偏激嘅人，本人不敢苟同。不過其中可看出每個人嘅修養同來涵都唔一樣。以目前我所接觸真正培正嘅家長，絕大部分都係謙虛有禮嘅。好多時啲人話睇住自己小朋友就如照鏡，性格、禮貌、個人修為。。。

sorry，有啲離題，但請留意自己嘅言論係會影響下一代，中。當然如自己都唔知自己有問題嘅就最可悲

小曳人

其實，會唔會係小朋友大咗d，你更了解佢，所以可以幫佢揾間更適合嘅小學？！而唔係假設性嘅問題呢？！
類似嘅問題，响小一嗰間出現過，咁啱我識兩個好大機會係資優嘅小朋友，都係小3-4轉走，一個由唔鍾意返學，到响新校重拾學習興趣，另一位就更上一層樓！
而討論中，有媽媽話識得有資優生插入培小，讀得好開心
我估，人夾人緣，未讀過唔會知啱唔啱，唔啱嘅話，隨時轉走到可以！到時你就唔會再問相同問題！

fishmaruko

其實因為中文學校或英文學校的緊張討論都不是第一次見，似乎出自某間中文小學對此類的言論特別反應大，不敢恭維

NICOLE123

哈哈似乎回應的很多都不是真正有培幼offer在手or真正用家。何不入培幼组羣or fb group問意見？

NICOLE123

可能因為幼龍而是中文学校又比較多家長希望入到的就此一間。

happybbpig

回覆 細咩咩 的帖子

培正是怎樣呢? 不是英文主要教學? 如想讀英中, 讀培幼不合適嗎?

細咩咩

其實我相信大部分人揀培幼都係希望一條龍唔洗煩小學中學，但培正中學現時係中中呢個係事實，而我只係覺得如果我target嘅英文中學，咁我會為一間同好嘅英文中學有連繫嘅小學甚至幼稚園而放棄培正，但唔代表讀培小就銜接唔到，只係鋪路問題