點樣從小培養B的閱讀興趣？

Potato001

開頭我女都係咁，佢揭邊頁我就講邊頁，唔順次序，兩歲時先至由頭聽到尾。

Potato001

原帖由 chuboforum 於 14-06-03 發表
回覆 yannietimb 的帖子

大約要幾耐先會見到有work唔work呢？

我女18個月開始玩遊戲書，我有時伴讀，佢有時會自己攞書睇，22個月左右開始記得書入面有咩，會指住講公仔做緊咩，24個月時一次可以聽到8個故事（每個6-20頁）. 阿女現在24個月大，每次我講故事前會指住書名讀一次，之後就唔會指住來講，昨天佢拎住本書，指住書名讀，但講咗另一本書個名。我諗過多一兩星期，佢應該會指得啱個名。

SekBauBB

要留意下佢鐘意咩，再搵相關嘅書同佢一齊睇，同佢一齊讀下書傾下D圖片

chuboforum

回覆 Potato001 的帖子

你係會幾耐同佢讀一次書啊？

Potato001

之後一星期講一兩次，近來多咗，一星期三四次。近來多數講圖書館借的書，有幾本講咗一個多月了，阿女鍾意臨瞓聽故事。

chuboforum

回覆 Potato001 的帖子

咁佢會唔會要求經常睇同一本書架？

Potato001

會呀，一本書睇好多次，有啲書續借咗三四次了，有時同一本書一晚講兩三次。有時我講到悶，叫阿女自己講，但佢揭書一揭揭幾頁，所以好快講完。

chuboforum

回覆 Potato001 的帖子

哈哈，好得意！謝謝你的分享，我要努力試試！

maomaochoi

分享我小小的經驗

我由阿仔4個月開始就俾佢睇書，認同伴讀最重要，一開始找些可以亙動一點的書，我唔覺得顏色要好colorful, 柔和一點反而令他更知讀什麼是睇書，書並不是玩具，咁將來佢唔會撕書或攞黎玩，你睇好多嬰兒用品顏色都好柔和

我好推介pat the bubby呢本書，冇野做就睇，一日可以睇10幾次同一本書。除了伴讀，更重要係自己都要有睇書的興趣，冇理由自己睇電視打手機，然後叫小朋友睇書。我係阿仔面前從來都唔打機或睇電視，自自然然阿仔都跟左我睇書


然後我係放玩具的附近都放好多書。佢玩玩具前都會留意下本書


到大啲，小朋友好鍾意問點解點解，我就會陪佢搵小百科，大家一齊找答案，佢知道原來書本可以幫佢了解好多東西，佢會好有興趣


重有千其唔可以考佢書本講乜，唔識咪唔識，最緊要有興趣，我從來都唔會問佢內容

我阿仔而家4歲，好愛睇書，出街小朋友愛打手機，佢就只會睇書，佢已經同書本建立朋友的關係，現在只係引導佢睇乜野書，例如佢好鍾意車，我除左俾佢睇車的書，也會俾佢睇相關的小百科，引導佢不斷的興趣