新界出香港讀k1既困難決擇

suki224

由於係龍校，唔想放棄，有以下難題，想大家比下意見，呢幾日念到訓唔著，
1， 出租自主荃灣單位，係西半山租屋，好處係近學校，但屋租要補6千以上，實用面積細而家150呎以上，又唔知會租比咩人，唔舍得間屋，因為都有裝修

2，放賣荃灣物業，租西半山屋，同樣細左，但如果一直賣唔去就要同時供樓加租樓

3，唔搬，阿女搭校車，車程約每程一小時15分，車費2千6

4，出租或放賣荃灣物業，搬去99好殘舊屋，係鴨利洲，如搬過去要同99住同比約20至30萬裝修，另每月比幾千蚊租99，不過阿女都係要搭校車，同唔知香港仔隧道會唔會塞車，好處係可以用返而家荃灣間屋部分家私同燈飾

5， 出租或賣樓，租西灣或西營盤舊樓，好處係都近阿女，屋租會平少許，但租既屋可能超殘舊

請大家比比意見

bbaunt

我會揀一，阿女日日搭車好辛苦

323

5

最緊要問清楚坐幾耐車, 因為校車會兜. 似乎你間學校起中西區, 西九係另一option, 行西隧好快, 係車費貴d

WinnieCatCat

1或5， 但覺得自己層樓租好過賣，依家樓價，賣左唔知之後仲買唔買得返。同意樓上jm，如學校在中西區，可考慮西九，奧海城、富榮花園等都ok，比較下同住港島既租金，因行西隧好快的

lovebb2

錢是大問題，仲要諗埋大學出國讀書。

agathasweetie

如果係st Clare's , 地鐵開左后應該幾方便，同埋我見西營盤D租開始貴，我覺得唔駛一定住中西區既。

Ireneyoung

西環0的樓吾係依家先貴，呢幾年keep住貴，平平地租都過萬

Moonlight819

不會選3或4

小曳人

如果係龍校，你一讀15年
我唔會揀租樓！呢個唔係長遠計

我唔清楚你本身層樓供咗幾耐，但以現時實用呎價計，好多區都係1萬左右，置富/pokfulam花園唔會"太貴"，我會傾向換樓

tam_bb

我情況同你幾乎一樣！我們打算換樓。但好奇一問，荃灣去邊間港島龍校？車程要over 1小時？我荃灣去大坑真光保姆車$2600一個月，保姆車公司話行西隧，車程40-45分鐘only。

Lingfung813

有無第二個好學校Offer？
苦一定要這龍校(是否全龍？升小升中必收？)，就賣荃灣再買學校區附近的樓。

suki224

tam_bb 發表於 14-5-24 18:08
我情況同你幾乎一樣！我們打算換樓。但好奇一問，荃灣去邊間港島龍校？車程要over 1小時？我荃灣去大坑真光 ...

我去st clare, 你係米張太保母車？ 你小朋友而家讀緊咩班？ 因為佢同我講要預一小時15分，因為要係荃灣頭站，出九龍再去港島，之後再係唔同學校放低d學生

suki224

Lingfung813 發表於 14-5-24 18:25
有無第二個好學校Offer？
苦一定要這龍校(是否全龍？升小升中必收？)，就賣荃灣再買學校區附近的樓。 ...

原本阿女讀緊n班救世軍，但而家有st clare,點都讀呢間啦，而且回想去年阿女面試，約共6間，全軍覆沒，其中in st cat 時佢表現好好，但最終無收，其他都in 得般，所以我地立定決心讀呢間，

suki224

我地而家變得好窮，感覺好似無甘大個頭就帶左頂好大既帽

tam_bb

原帖由 suki224 於 14-05-24 發表
我去st clare, 你係米張太保母車？ 你小朋友而家讀緊咩班？ 因為佢同我講要預一小時15分，因為要係荃灣頭站 ...

我係學校指定的保姆車。全架車都是大坑真幼學生。

tam_bb

原帖由 tam_bb 於 14-05-24 發表
我係學校指定的保姆車。全架車都是大坑真幼學生。

我也是第一站。

Smartbubu

原帖由 tam_bb 於 14-05-24 發表
我情況同你幾乎一樣！我們打算換樓。但好奇一問，荃灣去邊間港島龍校？車程要over 1小時？我荃灣去大坑真光 ...

荃灣去聖心都要1個鐘

socute

我在baby kingdom 見過你的post 你好 我是st Clare 舊生 若你一心諗住讀落去 換樓是長遠辨法 若現在不可行 1 and 5 是過渡option

中學部是在摩星嶺其實在堅尼地城或置富去是近啲。我當年是住西營盤，阿媽都要我搭校車。來緊有地鐵相信方便好多

tam_bb

原帖由 Smartbubu 於 14-05-24 發表
荃灣去聖心都要1個鐘

車程1小時？保姆車叔叔話，因為要早15分鐘到達學校，例如，pm class是1pm-4pm，保姆車就12:45pm到達學校，所以我們荃灣的，要12noon上車，叫我們預車程40-45分鐘囉～照計荃灣去聖心（中西區），會快過去大坑真光喎～ 你架車是否因為行紅隧，不是西隧，所以要耐D？

Smartbubu

原帖由 suki224 於 14-05-24 發表
由於係龍校，唔想放棄，有以下難題，想大家比下意見，呢幾日念到訓唔著，
1， 出租自主荃灣單位，係西半山 ...

一定唔會賣依家既樓，如果升唔到龍小學時，反而考到九龍區直資。私小，或者入到沙田倍橋咁點算？等小學 firm 好左先買賣樓