48 網 樂天VS油基顯

MVH

兒子今年K2, 9月要填表啦, 所以請聽下各位意見!

本人是樂天舊生, 所以樂天有20分, 基本上係好大機會, 但樂天是一間傳統小學, 想問一下是否好谷? 同埋各位對依間學校有咩評價? (校風, 師資, 升中), 我畢業都好耐, 以前牛天是OK, 但唔知而家點...

但我有一難題, 本身自己是喜愛油基顯, 但只有15分, 都冇機會, 所以唔知博唔博好?

望有人可解答, THANKS~~,

lauwingtai

MVH 發表於 14-5-23 12:51
兒子今年K2, 9月要填表啦, 所以請聽下各位意見!

本人是樂天舊生, 所以樂天有20分, 基本上係好大機會, 但樂 ...

自行階段, 樂天收緊15分, 20分唔只大機會中, 應該必中, 這反而會變成冇得抽油基顯。

我唔太清楚以前樂天的級數, 但現在約是二線中, 以往績乙三、乙四都仲有機抽中, 所以就算來年放乙二相當穩陣。

若你較喜歡油基顯, 而據聞要111扣門, 我會建議:

自行: 油基顯
甲一: 油基顯  甲二三留空
乙一: 油基顯
乙二: 樂天

咁應該會約四成派油基顯、六成派樂天。若派樂天, 再111扣油基顯門, 得就得, 唔得就算。

MVH

多謝寶貴意見~~

我見好少人有討論樂天, 所以諗住出下POST, 睇下有冇人可以講多D依間資訊俾我聽下~~

油基顯係48網好HIT, 係活動教學, 想問下功課, TEST, EXAM係咪比較少D, 有冇人讀緊? 係咪會舒服D?

我參觀過學校, 真係好靚, 好大^^

我小朋友比較活動, 我好怕傳統GE會迫到佢唔LIKE番學, 但最近睇過活動教學GE功課, 原來同傳統GE差唔多, 小二D野好似小四咁, 我見到D小朋友成7點幾仲係補習班, 個個樣好痛苦咁, 其實活動教學係咪都係同傳統差不多

再加上學校老師話油基顯轉校長, 會變到李兆強咁谷, 各位又知道係咪真?

喜樂果子

以我所知基顯從頭到尾都是谷的, 因我在不同時間都有親戚朋友O係度讀, 但真係唔知佢有無李兆強咁谷.  但基顯確實係一間區內的好學校, 而且升中真係唔錯

MVH

咁樂天呢? 近年有冇人係度讀? 我見升中都9成頭3志願wor, 而且有小學體驗班, 可以俾小朋友試下喜唔喜歡...
lauwingtai的建議幾好, 我都諗住咁填, 不過係怕博唔到油基顯, 最後連樂天都冇埋, 再見3寶就大件事啦>0<
9月要填form, 真係頭都大埋, 直資又冇邊一間特別like wor, 太多資訊, 好亂呀!

lauwingtai

MVH 發表於 14-5-26 10:43
咁樂天呢? 近年有冇人係度讀? 我見升中都9成頭3志願wor, 而且有小學體驗班, 可以俾小朋友試下喜唔喜歡...
l ...

睇「頭三志願」係冇用的, 因為乜學校都有八至九成。要衡量學生學業成績, 一般都睇「Band 1 生比率」, 樂天約三成幾, 油基顯約五成。

樂天升中網頁有公報, 以下有link; 油基顯向來網頁冇公報, 但EK家長透露過約五成。

http://www.lwcps.edu.hk/new_website/7th_button_part/secondary/9/2011-2013/2011-2013result.pdf


樂天舊年有人乙四中, 即係乙三收齊晒。今年當然暫時未知啦! 但六月初會派彩, 建議繼續緊貼 EK收料, 若果都係乙四有人中乙三收齊, 咁你出年填乙二, 就相當穩陣。

MVH

lauwingtai 發表於 14-5-26 12:19
睇「頭三志願」係冇用的, 因為乜學校都有八至九成。要衡量學生學業成績, 一般都睇「Band 1 生比率」, 樂天 ...

你小朋友而家讀邊間? 我俾小學D功課, TEST EXAM的資訊嚇死呀, 而家開始好有壓力
其實我但願佢返學開開心心, 唔係名校唔緊要, 最緊要校風好, 唔好學壞, 唔好太谷啦, 我好怕佢會怕左學野, 唔想返學, 幸好到而家K2尾, 佢都好LIKE返學

MVH

我唔想日日要做功課到10點後, 再加默書, TEST, EXAM呀...我係在職媽媽, 自問真係冇能力日日都搞到咁晏, 我都唔想小朋友咁細就咁辛苦>0<