如何處理固執行為?

Vivianb

我個仔成日玩玩具都要倒晒出來，成日成箱玩具倒晒。我叫佢入的珠仔入個樽，佢入一粒就倒一粒。吾比佢入又系度發脾氣，佢玩任可玩具都吾係好跟指示，好有自己一套。
大家面對固執行為點處理?

mckm2007

固執性格會影響學習。試下用海豚式訓練，即係佢做到你的要求你讚下佢畀啲佢喜歡食而又好少食的。但又唔好畀太多，如一條虾條一開幾畀幾次。而又唔好對佢太高要求，做到小小都可有奬勵，畀返啲成功感。為食的小朋友最有用。小朋友再大啲，可用物質啲的獎勵，如貼纸。另外，可以自己扮玩，我試過佢有佢玩，坐响佢隔離一路玩一路自言自語，講吓点玩，扮到好好玩咁，過了成個月，有一曰我見到佢自己跟我方法玩，但又扮到係佢自己發明的。我個小朋友真係唔迫得，迫佢佢就唔會再玩。希望依啲方法可幫到你。