小女快升小學，但發覺行為有點反常！好擔心唔識點教！

samima

小女今年升小學啦！但發覺佢行為越來越差，都嚟知點解叫親佢做咩都好都好唔合作，高班上學期都好好地幾聽大人話。新年後大了一歲就開始唔聽唔係講一句就去與我同爸爸合作！要激到啲大人起哂火！好似今日叫極佢都唔瞓瞓之前都同佢講到明睇多半過鐘電視就好瞓啦！咁之前講明哂之後佢半個鐘後一叫就自己入房瞓，依家就唔得，出出入入唔係整過樣就另一樣死都唔瞓直至要人發火喊哂口先去瞓。做功課又係之前好緊張自己功課依家就是是彈彈就做完。變哂第二個人咁。都唔知點解？各位家長你地仔仔女女去到六歲時係咪開始變？去到小學會唔會越來越激心！好擔心佢升到小學會變壞！真係唔知點教！！

Jane1983

咁其實係你女女以前超級乖，而家係普通小朋友的表現。

有時小朋友大咗，有自己想法，都好正常，係成長的一部份。

samima

好唔習慣！我地由細到大係咪管教都太嚴，自問好少放縱佢，唔知佢細個係咪唔咁反抗我地，大咗就開始反抗呢？係要人激到出火先聽！好苦惱！唔識點教！對住佢好激心好心痛！

skkeung

正常小朋友！考驗大人！

poonseelai

小朋友成長學習獨立過程中會不斷測試父母底線，這並不等同會學壞，慢慢來，要有心理準備這過程好漫長

王家爸爸

poonseelai 發表於 14-5-18 09:34
小朋友成長學習獨立過程中會不斷測試父母底線，這並不等同會學壞，慢慢來，要有心理準備這過程好漫長



  ...

完全同意！

底線要定得死，不能輕易改變，否則小朋友會很難適應，家長也容易失去權威。

MrBeast

已小一但我還是做緊三陪: 陪讀，陪玩，陪訓（覺），is it such a big deal if they cant sleep on their own?

Mighty

我唸MR　BEAST　誤解了楼主的意思、楼主不是説小朋友不可以自己訓覚、而係応承左但到時又吾肯做！！　楼主的小朋友行為一点也不怪、個個都有NEE個階段、重有這種行為是不断重複的。　如上所説、SET一個底線、辛苦都要守、不然小朋友就会TAKE　ADVANTAGE OF　THAT！　EQ要高D,不要COME　DOWN　TO　THEIR　LEVEL,忍耐、忍耐、再忍耐！　

Jane1983

回覆 samima 的帖子

太嚴或者太高壓，真系吾好，多d講道理，多d傾計。
吾使吾開心，係一定會出現的，個個家長都經歷過，係睇幾歲而已。

MrBeast

咁或者可能小孩唔想自己訓所以樓計呢，then 1 thing leads to another.

我個之前唔肯自己讀書，傾完後我發現原來佢擔心自己識讀後我就不會再講故事， 知道原因後就eps

都係個句：在乎溝通與關懐。

tingting_mum

同下小朋友傾下， 睇下點解佢會唔合作

了解下佢心裡諗乜， 再係佢果邊諗下， 而你亦可以同佢講下你感受， 小朋友都唔想爸爸媽媽唔開心， 傾完之後再定目標俾佢， 做到的可以獎勵下做d佢想做的野， 例如去公園玩

hadwinboy

原帖由 samima 於 14-05-18 發表
小女今年升小學啦！但發覺佢行為越來越差，都嚟知點解叫親佢做咩都好都好唔合作，高班上學期都好好地幾聽大 ...

我不認為這叫變壞，只是長大了個人思想開始顯露。我個仔超級有主見+有性格，由K2開始已經出現你所提的情況，現在小一，經常與他糾纏，十級勞累

samima

佢不嬲由細到大都自己瞓喎！不過都明白小朋友越大越會有自主，我都覺佢喜歡話事！唉…！

little_yolky

hadwinboy 發表於 14-5-19 00:47
我不認為這叫變壞，只是長大了個人思想開始顯露。我個仔超級有主見+有性格，由K2開始已經出現你所提的情況 ...

係, 真係好攰！
原來大家都係咁, 升咗小一真係想死, 駁咀駁到呢......明明之前果分鐘都仲好地地, 下一分鐘就發脾氣。叫佢擦個牙來來回回咗十幾分鐘都仲未去, 然後又遲咗上床, 遲咗瞓覺, 然後第二朝又唔願起身, 如是者惡性循環。

Charis_mummy

Little_yolky的情況簡直同我個女一模一樣, 我女依家已P.3了, 由P.1開始就越來越激心,不只駁咀,擦牙, 唔肯早瞓咁簡單......只知這種情況會持續很長, 相信每位家長必會經歷, 我都無計措施, 只能久不久响大家靜落黎時傾吓, 不要令相方關係越變越差, 但同意一定要有底線 !

dontaskme

Same here.....  教育小朋友真是超勞累，不停的在消耗你的體力、耐性、精神，有時真的超羨慕有乖巧小孩的父母！:;pppp:

Rachelmummy2008

我囡囡是K3，同你情況相同，好似聽唔到你講嘢，唔會咁易聽話。
不是你女兒變壞，是小朋友成長階段，請看看育兒書，想發怒時記得離開冷靜一下，再想辦法。

little_yolky

Charis_mummy 發表於 14-5-19 12:29
Little_yolky的情況簡直同我個女一模一樣, 我女依家已P.3了, 由P.1開始就越來越激心,不只駁咀,擦牙, 唔肯早 ...

有陣時真係激到血壓颷升, 心跳加速。

Jane1983

我女又係K3，佢5歲前好曳，食飯、沖涼、訓覺樣樣都係講極吾聽，但到咗5歲左右，開始好d，講得通道理，明白「點都係要做，何必反晒面先去」。

大家加油，多d講吓道理，小朋友這個年紀係好想取悅父母的，激嬲大人佢都吾好過，搵個雙贏位，大家開開心心過日子。

samima

原帖由 Jane1983 於 14-05-19 發表
我女又係K3，佢5歲前好曳，食飯、沖涼、訓覺樣樣都係講極吾聽，但到咗5歲左右，開始好d，講得通道理，明白 ...

我個女六歲啦！因為個女大開始唔太聽話，所以我今年開始發覺爸爸嘅EQ 好差，之前我都唔太覺呀！所以個女一唔聽就搞到佢要鬧發火，我話算慢慢同個女講，教小朋友唔係咁！佢又話我好種佢，所以整到自己好都好唔開心！如果繼續落去唔得囉！講真個女越鬧越唔聽！我知道囉！細個可能怕爸爸威嚴所以唔敢曳！依家大咗就唔同！
唉…！我依家身心都好累啦！對住兩父女！