用戶登入
用戶名稱:
密      碼:
搜索
教育王國 討論區 教育講場 學乒乓(左丁山)
發新帖
查看: 827|回覆: 5
go

學乒乓(左丁山)

Rank: 12Rank: 12Rank: 12


73606
發表於 14-5-13 14:21 |顯示全部帖子
本帖最後由 elbar 於 14-5-13 14:21 編輯

香港女子乒乓隊三位主力球員之中,最好波一位係21歲嘅李皓晴,世界排名第14,其次係杜凱琹,排名25,吳穎嵐排名33,呢三位小花年紀小,照計可以當打五至七年,香港女子隊或者可以贏到世界盃亞軍都唔定(要打贏中國女子隊幾乎係mission impossible),香港隊教練李靜話李皓晴已達世界一流水平,公子L對左丁山講:「李皓晴係乒乓奇葩,佢小學時就參加青訓,當時佢係女拔學生,到咗中學階段,呢位讀書成績好好嘅名校女生竟然話願意放棄學業,全天候打乒乓波,乒總諸公都嚇咗一跳,因為香港家長好注重子女讀書,何況女兒係女拔萃叻女?當時大家勸佢諗清楚,同家庭詳細商議,可以一路打波,一路讀書考會考嘅箒,中五畢業後只是十七歲,咪可以專心全情投入乒乓球囉,但最後李皓晴還是得到屋企同意,放棄學業,全力衝出亞洲,登上世界舞台,坦白講,乒總好感動,對佢栽培不遺餘力,盡量俾機會,送佢出外比賽,爭取世界排名,今日佢排世界14名,當然全靠佢自己嘅毅力、努力,但係乒總出錢,亦非常緊要。」呢啲錢,其實政府可以俾嘅,但特區政府撥款支持甚麼盛事基金、龍獅,出手闊綽,幾千萬元已經係濕濕碎,結果就係搞到一塌糊塗,醜聞頻現,真係幾該煨咯,如果政府能夠每年撥款一兩千萬俾乒總,以及傷殘奧運等體育團體送運動員出外比賽,就功德無量。傷殘運動員每次出外比賽,淨係運送輪椅、器具,已所費不菲,難為Jenny Fung(馮馬潔嫻)等領導人年年向大機構「沿門托缽」,講出來就心酸,那似得陳鑑林議員佢地搵人舞吓龍舞吓獅就可以花錢花得爽快!代表文化體育界嘅立法會議員馬逢國唔知識唔識得,或者想唔想,向特區政府爭取呢?你估其他體育總會個個都好似乒總咁,有一批有錢有心有力嘅領導人咩。未必想做運動員,但想話打乒乓鍛鍊身體有何辦法?公子L話不少少年人跟私家教練學習,一小時收費約400元,教練幾乎係清一色內地省隊球員移民來港嘅,公子L兩位公子自小就跟隨國家隊級數嘅教練學乒乓,長大後到美國讀大學即刻入選大學代表隊。


左丁山




Rank: 11Rank: 11Rank: 11Rank: 11


46838
發表於 14-5-13 17:32 |顯示全部帖子
越來越多父母願意陪小朋友追夢,好為他們高興!

Rank: 12Rank: 12Rank: 12


73606
發表於 14-5-13 18:06 |顯示全部帖子

引用:越來越多父母願意陪小朋友追夢,好為他們高

本帖最後由 elbar 於 14-5-13 19:16 編輯
原帖由 Jane1983 於 14-05-13 發表
越來越多父母願意陪小朋友追夢,好為他們高興!








一群奮戰不懈的野球少年們,朝著夢想前進的熱血故事!故事描述192­­­9年台灣誕生了一支由日本人、台灣人和原住民組成的嘉農棒球隊,在新教練以「進軍­甲子園」為目標,用斯巴達式的嚴厲態度訓練球員,原本散漫的球隊在教練一年多的魔鬼訓­練與屢屢落敗的刺激下,漸漸激發了球員的求勝意志與前進甲子園的決心。

1931年,嘉農棒球隊一路過關斬將,打敗由日本人所組的常勝冠軍「台北商業隊」,成­為首支在濁水溪以南並且贏得全島冠軍的野球隊外,更代 表台灣去日本征戰甲子園,在一望無際的甲子園的草地上,五萬五千名觀眾面前,嘉農球員­們奮而不懈的決心與永不放棄的精神感動了現場所有觀眾,不論輸贏,嘉 農已經締造了歷史,不畏懼地勇敢挑戰自我,無形中卻得到真正的勝利。遠遠地,觀眾席上­傳來一陣奮力呼喊:「英雄...戰場...天下...嘉農」。

大家都以為台灣棒球的起源是紅葉少棒,但早在日治時期就有一支來自台灣南部的「嘉義農
­­­林野球隊」,在不可能的狀況下打進甲子園、甚至進入冠亞軍決賽,讓當時的日本流傳­著一句話「英雄戰場‧天下嘉農」,但可惜的是,他們的故事卻鮮少人知。在1931年日­本統治台灣時期,嘉農野球隊是第一支打破了過去殖民觀點,首批由大和民­­族、漢民族­、台灣原住民族組成「三族共和」的球隊,說明了「在棒球的世界裡是不分你我的」當一群­人擁有一個共同目標時,便能排除隔閡達到互相瞭解、尊重、與包容的團結­心。





點評

Jane1983    發表於 14-5-13 19:02

Rank: 5Rank: 5


2489
發表於 14-5-15 15:38 |顯示全部帖子
Jane1983 發表於 14-5-13 17:32
越來越多父母願意陪小朋友追夢,好為他們高興!
這條路很不簡單,打到她們的水準,比較公開試拿到9A還要艱難!

Rank: 11Rank: 11Rank: 11Rank: 11


46838
發表於 14-5-15 16:33 |顯示全部帖子
回覆 item 的帖子

係呀,特別係香港,專業運動員的金錢回報較差,係需要好熱愛個運動,同埋好大勇氣。
什麼運動都好,排名去到世界11,都係吾簡單。

Rank: 5Rank: 5


2489
發表於 14-5-15 17:13 |顯示全部帖子
小女小時也是打乒乓球的,跟其中一位小花同一球會,她當年只有有10、8歲,可以一天練波8小時,那種超乎常人的體能,還有無窮的鬥志,才能成就到今天的水準,還有是她父母默默的付出和支持,更加令我敬佩!

點評

Jane1983  對大家和細路都吾容易!  發表於 14-5-15 20:26