小一中, 英文作文

SY_Joanne

阿囝學校下學期開始有中文 [假期閱讀報告, 亦有全港閱讀比賽 (250字內), 每週一次週記], 英文試過參觀活動後需要寫一篇 50字的感想.  阿囝話老師從沒有教怎樣作文, 寫作就要他們回家作, 即係變相係阿媽作文!

想問吓其家家長囝囡的學校是否都一樣預阿媽教, 預家長送補習, 老師就完全唔教呢? 可以分享吓嗎?

skkeung

這情況很普遍，特别是名校！預你有補習！

王家爸爸

skkeung 發表於 14-5-13 13:32
這情況很普遍，特别是名校！預你有補習！

對小一學生，中文作文50字絕對不容易。英文還有點可能。

palmchristy

快升小二了. 當小朋友的閱讀量足夠, 是可以做到的.

little_yolky

SY_Joanne 發表於 14-5-13 13:18
阿囝學校下學期開始有中文 [假期閱讀報告, 亦有全港閱讀比賽 (250字內), 每週一次週記], 英文試過參觀活動 ...

係好學校呢！

都唔需要阿媽作咁悲觀, 引導一下囉。我囡囡學校K2下學期末開始有週記, 只需要寫一句。K3開始週記就可以寫長啲, 兩三句咁。依家小學反而無, 教得比較慢, 我都打算暑假同佢玩交換日記。50字感想其實唔易寫, 一下子就50字, 字數好快無, 要寫得好唔容易呢。

以下係上次囡囡嬲咗我時寫俾我的memo, 供參考(注：我潤飾了一下)。

「我不是媽媽的小蜜蜂(注：我平日叫她的乳名是小蜜蜂）, 我是老虎, 老虎。以後我們不是好朋友。」

這是細囡(K2)寫給我的：

「XX(她的名字, 唔開名), 媽媽覺得妹妹好, 可愛(得)不得了。」

所以, 寫作實在唔難, 只要你不要希望他細細個就要攞奬, 寫得開心, 咁就好。

hadwinboy

我仔小一上學期已有英作，約40-50字，會有問題lead 住你寫. 到下學期開始給你題目便自己寫，即creative writing, 不過上堂老師有舉例子教寫。至於正式中作，暫時也未有，但會有看圖續句成一篇短文，或者看圖供詞作短文，字數不會太多。

poonseelai

我剛找出細女小一第一篇中文同英文週記看看，原來中文有60字（連標點符號），英文約30字，她一手一腳做，亞媽無參與，現在睇番好好笑。父母不要低估小朋友能力，多D鼓勵他們，多些閱讀（I mean read for fun)對作文一定有幫助。

Mighty

一提、、閲讀是INPUT、写作是OUTPUT,多読書之好処、無容致疑、但両者的程度絶不等同、這個家長要注意。　

hadwinboy

原帖由 Mighty 於 14-05-14 發表
一提、、閲讀是INPUT、写作是OUTPUT,多読書之好処、無容致疑、但両者的程度絶不等同、這個家長要注意。　 ...

一時三刻會有差異，但長遠應可拉勻，差異會減少。

rean_chau

我仔小一下學期都有creative writing, 其實都係根據返佢學過既句式去作，唔好話五十字，八十字都寫得到。因為creative佢地會諗到好多野寫，我仔成績唔算好，但都好中意做呢份功課。有時會離曬題架，但無關係，英文就係有呢樣好，唔駛識好多字，但可以表達好多野。而⺜且呢個階段老師唔會對佢太多要求，有創意有用心去做就得架啦！

little_yolky

hadwinboy 發表於 14-5-14 00:45
我仔小一上學期已有英作，約40-50字，會有問題lead 住你寫. 到下學期開始給你題目便自己寫，即creative wri ...

諗起看圖作文就好好笑, 上次測驗阿囡看圖作文, 圖中有兩個小朋友在水中游水, 阿囡唔多識字, 唔識寫游泳池, 就寫「星期天, 我和妹妹在河中游水」云云。圖中明明一個係男仔, 一個係女仔。咁老師又無扣佢分, 不過, 我同阿囡講, 响河游水好危險的, 唔知幾時會山洪暴發, 唔好試呀。

魚兒小寶貝

Wow，我覺得小一作50字好多啊! 尋日剛有家長同我講小一測驗時老師會讀埋條問題出黎，咁咪同你地d學校程度差好遠?

AgapePa

我個女K1己經識用英文作文, 係阿女口述我寫, 然後自己讀番.
K2時自己寫加畫畫. 多數寫信給父母.
現在K3, 隨時寫100字

little_yolky

魚兒小寶貝  老虎好可愛!  發表於 10 分鐘前

係呀, 佢仲要寫多一次, 同埋寫大隻啲字加強語氣, 真係笑咗出嚟。

little_yolky

魚兒小寶貝 發表於 14-5-15 11:31
Wow，我覺得小一作50字好多啊! 尋日剛有家長同我講小一測驗時老師會讀埋條問題出黎，咁咪同你地d學校程度差 ...

唔係, 好多學校都有小一讀題的。唔讀題佢哋會死晒。

momama

入咗呢d學校唯有自己教，冇計！阿女讀SFA時，小二上學期作複句，下學期跟問題作短文，小三先自由創作，所以同係唔係名校無關。

twinsprimary

作文可由作句開始，50字可分作8至10句，就叫小朋友任作8句，再把句子次序調動至較順暢，如果小朋友識連接詞，就加上去，這樣比較易開始

rainrain613

原帖由 AgapePa 於 14-05-15 發表
我個女K1己經識用英文作文, 係阿女口述我寫, 然後自己讀番.
K2時自己寫加畫畫. 多數寫信給父母.
現在K3, 隨 ...

咁叻。想問是讀哪間學校？

AgapePa

rainrain613 發表於 14-5-19 08:51
咁叻。想問是讀哪間學校？

學券村校

rainrain613

叻叻