會因為近親而避開的學校

慢過蝸牛

唔會。我仔個表姐讀緊一年班，我仔考到，嚟緊9月入學了

最緊要係學校好。就算唔同學校，要比較嘅點都會比較

maomaochoi

我都係因為避左阿仔個表哥表妹而冇報一間我覺得幾好的kg, 當年就係我姑仔，係咁同我講寫問卷時記得寫係因為佢個仔refer先報，因為佢話佢個仔好得老師校長鍾意，而且成績又好，寫佢個仔refer實收喎，佢都叫左幾個best friend咁做，仲話有人問佢可唔可以寫, 佢都唔俾，話要留番俾我，如果真係咁做，就算收我都唔會讀得開心，當然我最終冇咁做啦！

魚兒小寶貝

唔會避。如果可以同囝囝的表哥仔同一間小學，我會好開心，表哥仔又叻又乖，由幼稚園到小學都攞模範生獎，我唔怕人地將佢地比較，小朋友各有優點長處，而且表哥仔確實優秀得人鍾意而我囝確實比較活躍扭計，但身為家長，唔係希望子女同d又乖又叻既朋輩為伍既咩!?

而囝囝之堂家姊亦考入地區一線津校，聽講堂姊亦係叻女，雖然我同伯娘唔close，但如果讀同一間學校，大家親戚，都叫做有個照應吖，我囝懞盛盛有個堂姊提點下都唔錯。

其實d小朋友係家中長輩既孫、叔伯兄弟、表乜表乜、堂乜堂乜，理應係相親相愛，佢地將d後輩比較亦唔一定係惡意（點解要惡意對後輩呢?），講下吹下水遮，況且又唔係同d長輩及e媽姑姐一齊住，聽得幾多? 最重要自己唔好睇唔起自己（及個小朋友），自己有信心湊好個小朋友咪得囉。

假如家中長輩及親戚係非常老土難頂之人，咪同佢地保持距離囉，但若果真係咁差，唔同校都一樣會有說話聽。

siden

只要身處社會，無時無刻有各樣比較。學習比嬴不驕，比下去不懼，甚至學習不要與人比較，都是父母和孩子的重要學習課題。

逃避不是長遠處理方法呢。

bobbob

屋企人較隨和所以唔會因為有近親入讀而避開唔揀，反而會因為對學校加深咗認識而無揀

Potato001

如果同一屆，而親友又係啲麻煩/鍾意比較的人才會避。同一屆會有好多比較，可能會有壓力，唔同屆可以大的照顧細的，可以有個照應，仲好呀。

有個同事，佢個仔同大老闆個仔同年，兩個都入咗一間著名的男校，同事個仔差唔多年年考第一，成績好過大老闆個仔好多，在公司都有啲同事喺背後講，相信同事和佢個仔也會有點壓力。

kitbebe

幼稚園至中學, 會盡量不一齊讀同一間學校.

Isaacmommy

同意，如正面看，同表兄弟姊妹同校係好的。

SAGO

我係我

我會避， 我表姐夫經常比較， 例如： 小朋友講今日幾月幾日， 佢會showoff自己個女識月份的英文， 又會講自己小朋友有幾叻識d咩， 係唔想人比人比較之下， 我寧願避佢

ecec1122

boboapril 發表於 14-4-27 10:01
你們會因為親兄弟姊妹（即叔伯、姑姐、阿姨）的仔女讀緊或者曾經讀某私校/直資、而盡量避開唔去報名嗎？還 ...

入左當然會比較, 但唔入都一樣會比較.