用戶登入
用戶名稱:
密      碼:
搜索
教育王國 討論區 幼教雜談 老師話太乖都唔好? (少少長)
查看: 3502|回覆: 40
go

老師話太乖都唔好? (少少長)

Rank: 5Rank: 5


2077
發表於 14-4-15 09:41 |顯示全部帖子
仔仔1歲半, 不嬲係好乖超乖個隻, 好少扭計, 而我地都好怕會縱壞佢, 好多時唔肯俾佢玩既野就一定唔會俾, 點喊都無用. 食飯一定要坐定定無玩具無電視, 出街陪我地食飯就自己玩玩具或者睇書, 訓覺就陪佢落床就會自己訓, 唔駛抱唔駛tum.所以so far 佢極少出現過扭/發脾氣到失控.

佢岩岩上左1個月屋企附近既playgroup (老師以前係montessori 學校教既, playgroup 好強調要尊重小朋友 ,小朋友 有自己既權利/自由, 當然學校亦有一定既規距例如唔可以大叫唔可以打人等) 而個playgroup 亦從來無限制佢要做d 咩, 個環境有好多野explore, 小朋友可以隨意選擇佢想玩d 咩, 然後老師就會係旁邊guide 佢, 教下佢個樣野係咩嚟既等等. playgroup 好注重小朋友要自己去思考, 去explore 一d 野. 大人只係旁邊輕輕引導佢, 因為佢地好相信小朋友係有咁既能力.

問題就嚟啦, 老師尋日打嚟同我傾左好耐, 有2個問題:

1) 主要係工人姐姐陪佢上呢個playgroup, 但係老師話試過好多次仔仔搵到一d 野, 例如樹葉咁, 工人一手就搶走佢, 係咁同佢講"dirty". 但係老師其實係希望俾佢自己explore 下, 同埋老師極度唔贊成就咁係佢手上搶野, 老師話仔仔都試過係其他同學仔手上搶野, 因為佢完全唔知係唔岩既! 老師嘗試同個工人姐姐講, 但係佢話工人姐姐唔show 佢! 我應該點做? 呢個工人極難講得明, 平時我地只會直接落instruction (因為佢既智商真係去到咁樣=.=)

2) 另外就係老師話覺得仔仔比較少自主權, 感覺上佢要做d 咩要睇大人! 所以一開頭俾佢自己free play, 就好似自己唔知玩邊樣好咁, 可能終於決定到執番樹葉嚟睇下, 一下就俾我工人say no. 一free play, 佢就會企係度好耐好耐, 要睇好耐先會去玩. 可以玩d 咩, 唔玩d 咩, 好似就係由大人決定, 佢每搞一樣野都會先睇睇大人個樣. 老師就非常唔希望小朋友係咁, 希望佢地有d自主, 有d 自己既preference, 而唔係似一個公仔. 佢就會我個仔缺乏左呢樣野, 佢連俾人搶野都好似無所謂咁. 大家覺得呢樣野係唔係岩呢? 我應該點做?

Rank: 2


78
發表於 14-4-15 10:29 |顯示全部帖子

引用:仔仔1歲半,+不嬲係好乖超乖個隻,+好少扭計,

原帖由 queenie1985 於 14-04-15 發表
仔仔1歲半, 不嬲係好乖超乖個隻, 好少扭計, 而我地都好怕會縱壞佢, 好多時唔肯俾佢玩既野就一定唔會俾, 點 ...
恕我直言,這樣的教仔方法我不能認同。歲半的小朋友還不太會說話,他們的智力發展沒聰明到用扭解來要挾大人。如果哭,肯定是有某d需求沒有滿足,父母要做的應該是即刻回應bb,找到他哭的原因。這樣孩子長大才能建議足夠的安全感,才會安心的去探索這個世界。我覺得你個playgroup的miss好好,能夠發現問題。by the way,請問你參加的是哪個playgroup,我也想要我仔參加。



Rank: 11Rank: 11Rank: 11Rank: 11


47362
發表於 14-4-15 10:34 |顯示全部帖子
呢個系屋企管教style的因果問題,小朋友變得乖巧、聽話和服從。這些都是好的qualities,但如果管得太嚴,小朋友系會較怯懦、無自主性。

我朋友個女似你仔甘乖,有规矩到不得了,她當年考K,因為乖巧受教,考到好龍校。但而家長大了點,上到小學,問題亦慢慢浮現。

你仔仲細,你覺得老師講得有道理,大可放鬆一d,吾好甘嚴,比多d空間他。

Rank: 5Rank: 5


1812
發表於 14-4-15 11:23 |顯示全部帖子

引用:呢個系屋企管教style的因果問題,小朋友變

原帖由 Jane1983 於 14-04-15 發表
呢個系屋企管教style的因果問題,小朋友變得乖巧、聽話和服從。這些都是好的qualities,但如果管得太嚴,小 ...
可以講下個小女生有乜問題浮現嘛?



Rank: 11Rank: 11Rank: 11Rank: 11


42964
發表於 14-4-15 11:25 |顯示全部帖子
字面上我唔覺樓主有問題,不過有時惡同firm只差一線。至於工人,我估都只是想protect 你小孩,但我會留意她和小孩平日的interaction 究竟是怎樣,或者找一兩次一起去pg, 等姐姐知乜可以乜唔可以做。

點評

chiyin8    發表於 14-8-22 22:44

Rank: 11Rank: 11Rank: 11Rank: 11


47362
發表於 14-4-15 11:35 |顯示全部帖子
回覆 phoebewong123 的帖子

小女孩成績都好,都乖,但就怯懦d、驚青d,吾够主動性和自信,鍾意做follower收order,多過自己想問題。而家好多小朋友好强勢,甘既性格在現時的世界有點吃虧。

Rank: 5Rank: 5


1812
發表於 14-4-15 11:39 |顯示全部帖子

引用:回覆+phoebewong123+的帖子 小女孩成績都

原帖由 Jane1983 於 14-04-15 發表
回覆 phoebewong123 的帖子

小女孩成績都好,都乖,但就怯懦d、驚青d,吾够主動性和自信,鍾意做follower ...
其實我見d龍校或唔少名校,都傾向收d乖聽服從嘅小朋友,但係我唔喜歡自己小朋友咁,想小朋友自主多d



Rank: 11Rank: 11Rank: 11Rank: 11


47362
發表於 14-4-15 11:43 |顯示全部帖子
回覆 phoebewong123 的帖子

都同意,但考K就一定系乖巧佔優好多。

Rank: 5Rank: 5


1894
發表於 14-4-15 12:27 |顯示全部帖子

回覆:queenie1985 的帖子

我個女歲半時都係呢類比較乖巧嘅性格,但二十個月開始有啲“個性”,鍾意話事,例如出街要自己行,唔坐bb車,通常我都會俾佢做,但如果趕時間,就會同佢解釋,佢都會聽。

平日在家玩,我將玩具放在架上俾佢自己攞來玩,佢會自己玩,有時佢會叫工人/我一齊玩。

出街玩時,工人會好保護佢,所以阿女多數是自己玩,我帶佢去玩就會行遠啲望住,等佢同其他小朋友玩下。有時佢都會俾人搶玩具,佢會叫一聲但之後冇野,去攞其他野玩。佢間中都有搶人玩具,我會叫佢問咗小朋友先,或者攞其他玩具交換。

多啲放手俾小朋友自己諗下點樣玩,其實可以訓練創造性和想像力,對小朋友是好我。



Rank: 5Rank: 5


3773
發表於 14-4-15 12:30 |顯示全部帖子

回覆:queenie1985 的帖子

男仔一般較女仔活潑,難教。你的囝囝這麼聽教其實是好事。我個人覺得要讓孩子聽教之餘,在安全的情況下可給予他自己的空間。例如你囝囝好奇拾起樹葉看,可能樹葉真的很骯髒,但如果他只是觀察,而不是放入口,那不是大問題。我還會和他一起看,如果他真的想將樹葉放入口,那時才教導他不要將樹葉放入口因為骯髒,會肚子痛,會生病。



點評

chiyin8    發表於 14-4-17 14:20

Rank: 7Rank: 7Rank: 7


14244
發表於 14-4-15 13:22 |顯示全部帖子
我都覺樓主的教養在現時可看到小朋友在控制情緒方面好好, 但一來小朋友仍細, 未到terrible 2 事事唱反調的年紀, 不知長遠是否仍有效,  二來小朋友有不少天性其實同成人的要求相反, 例如好奇心vs 乖忝仔等,

我想playgroup老師很好, 指出了一些問題, 太聽話都可能是扼殺了好奇心的因素之一.  樓主在注重控制之外可能亦要加一些空間在另方面, 例如可以任何他自選玩具同如何去玩等.

Rank: 4


820
發表於 14-4-15 15:18 |顯示全部帖子

引用:我個女歲半時都係呢類比較乖巧嘅性格,但二

原帖由 Potato001 於 14-04-15 發表
我個女歲半時都係呢類比較乖巧嘅性格,但二十個月開始有啲“個性”,鍾意話事,例如出街要自己行,唔坐bb車 ...
好,正,意見非常有用



Rank: 6Rank: 6


5179
發表於 14-4-15 19:54 |顯示全部帖子

回覆:老師話太乖都唔好

Good teacher



Rank: 5Rank: 5


2077
發表於 14-4-16 09:19 |顯示全部帖子
puikit2012 發表於 14-4-15 10:29
恕我直言,這樣的教仔方法我不能認同。歲半的小朋友還不太會說話,他們的智力發展沒聰明到用扭解來要挾大人 ...
我地唔係無回應, 我地係有回應佢既, 而我平時都盡量可以俾佢玩既野都會由佢, 佢想要d 咩我多數係扭之前已經俾左.只係一d 危險/易爛既野就會唔俾佢搞. 我既意思係呢d 野即使唔俾佢, 佢都唔會發哂脾氣, 最多喊2聲就收聲. 我既意思係佢本身就好少喊好少扭.

我個playgroup係大埔, 想要就pm我啦.


Rank: 5Rank: 5


2077
發表於 14-4-16 09:22 |顯示全部帖子
Jane1983 發表於 14-4-15 10:34
呢個系屋企管教style的因果問題,小朋友變得乖巧、聽話和服從。這些都是好的qualities,但如果管得太嚴,小 ...
其實都係架, 因為我自己都係咁既人! 我細個時好乖好聽話, 但係直到大個左, 甚至而家做野, 就發現自己欠缺左主動性, 選擇比較困難, 唔清楚自己想要d 咩!

唔知個仔係唔係似我....哈哈....所以唔想佢有我呢d 弱點.

Rank: 5Rank: 5


2077
發表於 14-4-16 09:27 |顯示全部帖子
Potato001 發表於 14-4-15 12:27
我個女歲半時都係呢類比較乖巧嘅性格,但二十個月開始有啲“個性”,鍾意話事,例如出街要自己行,唔坐bb車 ...
其實我有放手...我只係食飯要坐定/訓覺個d 捉得好嚴...但係佢平時點玩我差唔多無干涉過....屋企d 野唔危險都會俾佢搞...佢呢排鐘意開門關門, 我整左個doof safe 之後就任佢玩.....佢試過隻腳俾棟門碌到喊過一次之後佢就無再整親隻腳啦. 平時帶佢去遊樂場/遊戲室都係由佢自己玩. 唔危險既跌親我都係由佢架. 所以佢而家一般跌親都會自己企番起身, 唔痛就唔會喊.

或者佢始終仲係細, 未到trouble two 未識自己話事gua

Rank: 5Rank: 5


2077
發表於 14-4-16 09:32 |顯示全部帖子
HaYi 發表於 14-4-15 13:22
我都覺樓主的教養在現時可看到小朋友在控制情緒方面好好, 但一來小朋友仍細, 未到terrible 2 事事唱反調的 ...
我都同意可能佢未到trouble two, 所以會睇佢情況....佢會越來越想話事既時候就會放d 自主權俾佢.

其實我有放手...我只係食飯要坐定/訓覺個d 捉得好嚴...但係佢平時點玩我差唔多無干涉過....屋企d 野唔危險都會俾佢搞...佢呢排鐘意開門關門, 我整左個doof safe 之後就任佢玩.....佢試過隻腳俾棟門碌到喊過一次之後佢就無再整親隻腳啦. 平時帶佢去遊樂場/遊戲室都係由佢自己玩. 唔危險既跌親我都係由佢架. 所以佢而家一般跌親都會自己企番起身, 唔痛就唔會喊.


Rank: 6Rank: 6


5179
發表於 14-4-16 10:42 |顯示全部帖子

引用:Quote:HaYi+發表於+14-4-15+13:22+我都覺樓

原帖由 queenie1985 於 14-04-16 發表
我都同意可能佢未到trouble two, 所以會睇佢情況....佢會越來越想話事既時候就會放d 自主權俾佢.

其實我有 ...
咁問题可能係工人到。

同小朋友坃或比小朋友在有監督下自由發揮地玩其實好花心力和精力。

或者你工人想躲懶,你不在家時就约速佢。



Rank: 6Rank: 6


5179
發表於 14-4-16 10:42 |顯示全部帖子

引用:Quote:原帖由+queenie1985+於+14-04-16+發

原帖由 picture 於 14-04-16 發表
咁問题可能係工人到。

同小朋友坃或比小朋友在有監督下自由發揮地玩其實好花心力和精力。
That's why the teacher contacted you



Rank: 5Rank: 5


2077
發表於 14-4-16 11:41 |顯示全部帖子
picture 發表於 14-4-16 10:42
咁問题可能係工人到。

同小朋友坃或比小朋友在有監督下自由發揮地玩其實好花心力和精力。
我知有少少問題, 因為我由個cam睇到工人唔願花時間同佢玩, 一同佢玩就坐係度合眼訓.

講過好多次, 叫工人陪佢玩, 直情係個cam睇住打番屋企, 佢都係唔願做. 所以我寧願叫工人帶佢上playgroup, 等有老師同其他小朋友陪佢玩.