業主回應德怡續租另版本

HCB

https://hk.news.yahoo.com/業主回應德怡續租另版本-222012945.html

【太陽報專訊】【本報訊】天水圍德怡中英文幼稚園聲稱業主突改以暗標形式續租，德怡雖提出加租一倍至四十六萬元，但業主仍拒絕續租，被迫遷引起全城同情，不過校舍業主置富資產管理有限公司昨晚首度回應事件時，道出續約問題的另一版本，重申是次續租並非以暗標形式進行，曾三度建議德怡考慮提高租金，但其提出的租金與另一幼園願意付出的相距逾兩成，置富終與另一幼園簽約。德怡校長陳玉珊被問及置富聲明內容時，說要諮詢律師意見後才作回應。

千人長江中心集會撐續辦

置富在聲明中表示，一月起與德怡洽商續約，德怡只願以三十三萬五千元續租，由於金額低於市場水平，雙方未能達成協議，置富其後在三月初邀請其他有興趣人士提交租賃建議，英藝提出的租金比德怡高出兩成，更承諾接收德怡所有學生，置富遂與英藝簽約。雖然德怡其後提出更高的租金，但新租約已簽妥，置富無法接納其要求。置富稱將繼續與新舊租客保持溝通，冀雙方可順利交接。

HCB

業主版本與德怡校長所講嘅大不同。如果置富所講的是真相，那麼德怡的誠信...以及這幾天家長及學生所堅持的...唉
另外，根據業主置富所稱，英藝都只是在業主與德怡在續租未能達成協議後始被邀請提交租賃建議。

kissobaby

業主通常會傾向租番比原租客,就算租金略少都會....因為租比新租客,有好多物業執漏,又要比rent-free....又take over 又 handover.....業主通常唔會話比你聽另外既OFFER係幾多(唔關暗標事)根本呢個唔係投標....但係業主通常會提醒原租客比高D OFFER....

kissobaby

雖然置富產業信託管理人係長X有密切關係,但置富產業信託自2003年8月12日起在新交所上市及2010年4月20日起在香港聯交所上市。有好多非長X既投資者,唔係價高者得咁又點同D投資者交代.....

最憎D生果日報用埋D唔清唔楚既字眼來混亂公眾.....
咁大壇租一定有BLACK AND WHITE....如果置富產業吹水....校長應該攞D文件出來

Potato001

業主三度要求德怡提高租金，提高完都未到業主的目標價，業主又冇話要幾多錢，所以德怡咪話係 “暗標” 囉。正常租約滿，業主會開個價俾租客，問續唔續租，唔會倒轉由租客出價，仲要提價幾次，業主都唔講個實數。

siukeung37

我又吾覺得生果報導吾清楚喎，而家講邊個啱吾啱都冇用，冇得續租已經係事實

zhaoyun88wei

::

KittyMelody1

HCB 發表於 14-4-13 17:13
業主版本與德怡校長所講嘅大不同。如果置富所講的是真相，那麼德怡的誠信...以及這幾天家長及學生所堅持的. ...

如果業主版本係真, 咁班德怡家長真係俾學校利用左, 做左傻佬傻婆都唔知.....

ACheungPS

KittyMelody1 發表於 14-4-15 15:12
如果業主版本係真, 咁班德怡家長真係俾學校利用左, 做左傻佬傻婆都唔知.....
...

絶對同意 -- "德怡家長真係俾學校利用左, 做左傻佬傻婆都唔知....."

dolala

原帖由 ACheungPS 於 14-04-15 發表
絶對同意 -- "德怡家長真係俾學校利用左, 做左傻佬傻婆都唔知....."

家長仲話要行動升級，真不知他們眼中有冇法治。

sheung_wong

我咁睇：標者-投其所好，價高者得(注意-價係由買家訂，唔係由賣家訂)，暗標- 眾買家唔會知道其他人既標價。咁你話業主係咪暗標呢? 另外，總括雙方，第一，聲明及報導入面業主唔係明碼實價咁加租；第二，業主冇正式講過係暗標或會有其他競爭者(反而如果業主一早講係暗標，原有租客回標都會醒定啲啦，而且流標亦係可能發生既事，都冇得怨人啦)，第三，更重要係 - 報導都冇講過業主有向原有租客喺 佢同其他人傾租約之前，向原有租戶表示過佢開出既條件唔理想，決定唔租俾佢。至於業主同原租客傾嗰三次，只係等於俾佢落三次標，性質冇變-一樣由買家標價，(注意唔係議價-業主由始至終冇講過要加到幾多) 我覺得，雖然你係業主，你點賣野係你既自由，鍾意點就點，但以價高者得既投標方式，務求賺到盡，而又唔話俾人知係投標既話，做法會唔會霸道，低劣呢。仲有，加租既錢最終都係由嗰啲父母度榨取出黎，你估新租客唔會將啲錢轉嫁俾啲父母咩。 不過，原租客都係冇黎醒目，人地係業主，係大晒，你滿足到佢既胃口，唔租俾你又有乜出奇者。

kissobaby

原帖由 sheung_wong 於 14-04-19 發表
我咁睇：標者-投其所好，價高者得(注意-價係由買家訂，唔係由賣家訂)，暗標- 眾買家唔會知道其他人既標價。 ...

由此至終呢個都唔係「投標」又何來暗標？invitation to offer 同invitation to tender 係唔同㗎。不如你做下research 先，因為太長，唔想打咁多字。

你有冇睇過置富聲名完文？業主係有多次話比德怡知道係唔會租比佢地。之後先邀請其他機構去提出租賃建議（invitation to offer)

青青河邊草

kissobaby 發表於 14-4-20 01:54
由此至終呢個都唔係「投標」又何來暗標？invitation to offer 同invitation to tender 係唔同㗎。不如你做 ...

無睇清楚果位好似係你
置富有話俾德怡知唔會租俾佢? 請問邊句話?
只係業主叫你開價, 佢自己唔講. 最後德怡出極價都話唔啱心水, 叫其他人投, 唔公開, 呢啲唔係暗標, 請問叫乜嘢?

仲有, 份嘢話: 英藝係區內深受家長歡迎同擁戴, 請問住天水圍既家長, 你們認同嗎?
大家暗啞底都知, 呢間學校呢幾年收生不足.

淨係睇呢句, 就知呢份聲明有幾可信啦.

kissobaby

青青河邊草 發表於 14-4-21 00:14
無睇清楚果位好似係你
置富有話俾德怡知唔會租俾佢? 請問邊句話?
只係業主叫你開價, 佢自己唔講. 最後德怡 ...

東方日報只係講左置富既聲明一部分,我有聲明全文,唔知你係評論人之前做好功課未???

Marco2010

kissobaby 發表於 14-4-22 00:10
東方日報只係講左置富既聲明一部分,我有聲明全文,唔知你係評論人之前做好功課未??? ...

支持比全文大家睇............正好又是一個公民教授的時間............睇新聞正反都要睇哂先作判斷.

整個事件德怡家長/小朋友係輸家(希望盡快處理好入學問題)............而ZENITH只是開個OFFER而業主又ACCEPT左,都無奈地變左輸家

kissobaby

From 信報。其實德x既校長都冇出來回應聲明，大家心知肚明啦。

Herobear