邊緣人, 荃彎區應點填次序

小師妹

原帖由 Jackieson 於 14-04-12 發表
今年只得2個位真係好少，但又的確會嚇走更多人。

前年在EK有位荃灣區派去乙4的沙田B1英中的成功執雞個案， ...

係呀！嗰個就係我個仔，當年沙田比得5個位，我荃灣區排乙4都派到沙田B1英中，我估就係當年無人會敢咁揀法，我乙3揀王少清都派唔到，反而派到乙4比王少清排名更高的B1英中！ 老師都話好彩！

Band5

大家都叫呢部份遊戲做抽獎，確實因為有好多嘢都無跡可尋，成功咗都唔知係好彩定策略啱！

大部份家長都跟正路選擇，另類選擇就有著數！賭開馬嘅就一定識計數。

以去年中西區為例，B1男生首選不外乎皇仁同（4位），聖約瑟（12）同英皇（50），我所識嘅幾乎全部乙一都係英皇，我哋自己乙一就揀咗聖約瑟（不過結果係入咗自行一）。

我仍然相信其實揀英皇係三間最難抽中嘅，而皇仁反而最容易，只係無法證實！

jcctiu

請問荃灣區band1 尾band2頭
甲一-1） 全完2） 陳兆民 3）何文田官中/沙田培英
乙。  1）黃少清。2）李城壁 3）聖芳濟
會唔會進取

樓主,讓我回應一下你在另一個Post的選校策略.BAND1尾BAND2頭的邊緣人在乙部是絕對不能選BAND2頭的學校.你的選校策略極有可能令你仔仔派去林百欣.即是成日都有人投訴BAND1成績派去BAND3學校的情況.

點解不可以選李城壁和廖寶珊BAND2頭的學校?因為你是絕無機會派到,放在第二志願只是浪費志願.

如果你仔仔是BAND1,王少清99.99%第一志願派到,其他志願便完全不用理會.但如果你仔仔是BAND2,你估李城壁或廖寶珊你第二志願揀有沒有機會入到?李城壁或廖寶珊在BAND2學生的搶手程度不比荃官在BAND1學生中差,因此放第二必死無疑.

聖芳濟是男校,所以放第二都幾穩陣,但放第三呢,我估真係一半的機會都未必有.

如果你又唔去揀些葵青區的BAND2執雞,派去林百欣,姚連生的機會真是好大!