學校禁帶手機 長毛代出頭 家長不滿投訴

elbar

【明報專訊】呢個年代乜都有人投訴，學校唔准學生帶手機，有家長及學生仲投訴到去立法會議員度，難得社民連立法會議員梁國雄（長毛）又肯去處理。長毛話，早前收到馬鞍山聖若瑟中學學生同家長投訴，話學校唔准學生帶手提電話校規唔合理。長毛就呢咁投訴，正式向教育局長吳克儉提出書面質疑，問《教育條例》內有無講過唔准學生帶手提電話返學校？

教育局就話，《教育條例》同向資助學校發出指引，都無特別就學生攜帶手提電話回校作出規定，指學校可因應校情作出安排。

長毛同Emily講，寫校規時都未有手機出現，仲話家好多家長都會叫仔女帶手提電話，方便溝通，所以間中都會收到學生同家長投訴學校唔准帶手提電話。

校長：家長問卷七成反對

聖若瑟中學校長黃幗懿回應話，學校每年都會就學生應否帶手提電話做家長問卷調查，佢話最近一次調查有七成家長反對。佢強調若同學有需要帶電話回校，其實可以書面申請，但電話就要暫放校務處。

dubbies

呢間嚴校好難批准 另外有學校準帶，但要鎖在校務署 話驚唔見同響機，仲有校再自由d 可自携 但響或捉到玩機就沒收一星期 各處鄉村各處例

Yanamami

俾唔俾帶手提番學校，會唔會成為以後家長選校既條件之一？

kitbebe

哪有學校公佈準帶手機架?? 家長投訴都多餘, 不過天主教學校好多都係咁

poonseelai

原帖由 kitbebe 於 14-04-11 發表
哪有學校公佈準帶手機架?? 家長投訴都多餘, 不過天主教學校好多都係咁 ...

這些問題也要出動立法會議員

cmir

長毛係咪好得閒??

pak_sang

家長-->無聊，議員-->更無聊。唔鍾意咪轉校，搵間學校可以讓子女為所欲為咪得。又冇人迫佢讀。

tiger789

帶手機返學會製造一些問題, 例如偷手機, 上堂玩手機, 互相比較邊個部手機勁, 等等, 但係學校有無考慮到, 中學生好多都係自己返學放學, 家長希望藉着手機可以聯絡子女, 擔心路途是否平安, 希望校方懂得適當安排, 取得平衡

nc2000

原帖由 pak_sang 於 14-04-25 發表
家長-->無聊，議員-->更無聊。唔鍾意咪轉校，搵間學校可以讓子女為所欲為咪得。又冇人迫佢讀。 ...

Agreed! 成日話而家d年青人点不是不濟，背後一班咁既家長造就出來的!

王家爸爸

kitbebe 發表於 14-4-11 09:35
哪有學校公佈準帶手機架?? 家長投訴都多餘, 不過天主教學校好多都係咁 ...

天主教學校都有一些不太嚴，例如華仁。

annie40

長毛是又得閑，又無聊了。佢d英文唔錯，應該可以抽空幫小朋友補習嘛！

Peterpan28

elbar 發表於 14-4-10 14:46
【明報專訊】呢個年代乜都有人投訴，學校唔准學生帶手機，有家長及學生仲投訴到去立法會議員度，難得社民 ...

咁教育條例有冇講學生返學唔可以飲酒,如果冇,咁係咪就可以飲,不知所謂的議員.

color-baby

有那樣的家長，就有那樣的子女