小學成績

哈利媽

有冇例子初小成績係中游, 到高小時會特飛猛進呀?? 成日覺得讀書好似起樓咁, 初小時唔叻, 之後亦唔會好好!!undefined我呢個想法啱嗎?

tws2010

萬丈高樓平地起, good foundation 好 緊 要,  亦 不 是 短 時間 做 到,  但 亦有cases 只要 努力,  凡事 亦有 可能

enidchiu

學校行精英制，一年級已把學生分別出，打擊了孩子信心，非常殘酷的政策。作為父母，千萬不要在初小已經把孩子定位，只要懐着信心，用心培育小朋友，將來必有無限的可能性。

Cheeselover

小時候打好基礎，長大後失敗機率自然小，不過每個人對基礎標準很不同。我喜歡適當有道，不會迫小朋友小一唸乘數表，小二要背誦各英文動詞時態，讓小朋友快樂學習。我很遲才起跑，好彩跑得快，但我不鼓勵玩火。不過我總覺以前小朋友比較快樂。

978212

有，少數，因為初小內容少，同學細心+記性好根本唔使點温都有好成績，有啲小朋友唔細心家長對初小嘅成績要求唔高，到四年班會重新洗牌，五六年班洗得仲勁。因為這時家長會谷，小朋友會緊張成績，題目又需要轉彎自然有上落。

kayeetoby

有，我個仔1到3年級考中間近乎中下，但小四時遇到好老師，建立到自信心，繼而到呈分試，自己識緊張，托賴而家小六，今學期至今可在級考7~12名

哈利媽

唉.... 我哋就係小朋友係大意型+家長係放鬆型嘅case, 我成日想小朋友開心啲, 所以平日冇咩溫習, 只係測考前2-3個weekend同佢溫吓, 其實出嚟嘅成績以我嘅標準都算可以, 但係以佢學校嘅標準算係中中至中下, 同小朋友講咗最後一次考試要努力啲啦....mouth:" />  其實我都唔係好了解自己個小朋友係咩類型, 一時佢又好明白好緊張成績, 知道讀書係佢嘅責任, 不過有時又會話我唔叻嘅係咁啦, 我哋提升佢又唔鍾意聽, 其實佢又細至大我哋都有讚賞同管教得嚴 (我一向注重紀律多過成績) , 唔知會唔會係自己平日長氣話得佢太多呢

哈利媽

其實其他小學初小平均分8x係咪都係中中至中下???

Cathy.Leung

原帖由 哈利媽 於 14-04-04 發表
其實其他小學初小平均分8x係咪都係中中至中下???

我小朋友情況同你差不多!平均分8x學校黎講屬中下

hadwinboy

原帖由 哈利媽 於 14-04-04 發表
其實其他小學初小平均分8x係咪都係中中至中下???

應該係. 我仔小一，數學第一次測驗太粗心大意90分已經排80/150. 到考試95分也只升了30位. 如果是80幾分應是中下了.

enidchiu

enidchiu 發表於 14-4-3 23:34
學校行精英制，一年級已把學生分別出，打擊了孩子信心，非常殘酷的政策。作為父母，千萬不要在初小已經把孩 ...

真的好多學校小一就要分班。我強烈反對！！！

洋蔥頭媽咪

原帖由 哈利媽 於 14-04-04 發表
其實其他小學初小平均分8x係咪都係中中至中下???

平均分8X响初小係中中唔奇，因初小時好多家長認為程度算淺都會摧谷小朋友，所以平均分九字亦會多，當到高小時就未必係，要睇份卷考得深唔深同學校情況，整體同學成績，好難一概而論，8X可能已經唔錯。

小曳人

哈利媽 發表於 14-4-4 09:05
[size=15.555556297302246px](我一向注重紀律多過成績)

你要記住呢樣！一個人嘅成功，唔係睇佢學術成績架！
當然，作為家長，我地想小朋友讀到書，第時揾份賣學識嘅工

加油呀！

enidchiu

我在大學見噃不少小學時成績平平無奇，甚至屬中下游的舊同學。不要放棄，更不要讓殘酷的教育制度打擊孩子的信心，中學以後變數非常大。

JJDBB

原帖由 kayeetoby 於 14-04-04 發表
有，我個仔1到3年級考中間近乎中下，但小四時遇到好老師，建立到自信心，繼而到呈分試，自己識緊張，托賴而 ...

遇到好老師，真系好好架。我囡都有好幾個。